ﺍﻟﺒﺎﺭﺕ 35 : ﺟﺎﻭ ﻋﻨﺪﻱ ﻧﻜﺎﻓﺎﺕ ﻭ ﺍﻟﻜﻮﺍﻓﻮﺭﺓ ﻭ ﺟﺎﺑﻮ ﻟﻴﺎ ﺍﻟﻠﺒﺴﺔ ﺍﻟﺒﻴﻀﺔ ﺩﻳﺎﻝ ﺍﻟﻌﺮﺱ ﺍﻟﻨﻜﺎﻓﺔ : ﻓﻴﻦ ﻫﻲ ﺍﻟﻌﺮﻭﺳﺔ ﻣﺎﻣﺎ : ﻫﺎ ﻫﻲ ﺣﺪﺍﻙ ﺍﻟﻨﻜﺎﻓﺔ ﻛﺘﻮﺟﻪ ﻫﺪﺭﺗﻬﺎ ﻟﻴﺎ : ﻳﺎﻙ ﻗﻠﺘﻲ ﻟﻴﺎ ﺑﻠﻲ ﻣﺸﻲ ﻧﺘﻲ ﺍﻟﻌﺮﻭﺳﺔ ﻭ ﺍﻧﻤﺎ ﺧﺘﻚ ﺗﻘﺎﻟﻴﻚ ﺣﺘﻰ ﻧﺘﻲ ﺻﺎﻓﻲ ﻧﺘﻲ ﻟﻲ ﺑﻘﻴﺘﻲ ﻟﻴﺎ ﺩﺭﺕ ﻟﻴﻬﺎ ﺍﻟﻀﺤﻜﺔ ﺍﻟﺼﻔﺮﺓ : ﻋﺠﺒﻨﻲ ﺭﺍﺟﻞ ﺧﺘﻲ ﻭ ﺍﻧﺎ ﻧﻘﻮﻝ ﻣﻊ ﺭﺍﺳﻲ ﻧﺎﺧﺪﻭ ﻟﻴﻬﺎ ﺍﻧﺎ ﺍﻭﻻ ﺑﻴﻪ ﻧﻜﺎﻓﺔ ﺑﺎﻟﻐﻮﺍﺕ : ﻛﺘﻄﻨﺰﻱ ﻋﻠﻴﺎ ﺩﺍﺑﺎ ﻧﺎﺭﻱ ﻣﻴﻤﺘﻲ ﻫﺬﻱ ﻧﻜﺎﻓﺔ ﻭﻻ ﻏﻮﺍﻝ ﺍﻭﻳﻠﻲ ﻃﻴﺤﺎﺕ ﻓﻴﺎ ﺍﻟﻨﺺ ﺑﺼﻮﺗﻬﺎ ﺍﻟﺤﻨﻴﻦ ﺍﻫﺊ ﺍﻫﺊ ﺍﺵ ﺩﺍﻧﻲ ﻭﻋﻼﺵ ﻣﺸﻴﺖ ﻋﻠﻰ ﺍﻟﻠﻪ ﻳﻄﻠﻘﻮ ﻟﻴﻨﺎ ﻫﺎﺫ ﺍﻻﻏﻨﻴﺔ ﻓﺎﻟﻌﺮﺱ ﻧﻮﺽ ﻧﺸﻄﺢ ﻟﻴﻬﻢ ﻭ ﻧﺘﺤﻴﺮ ﺍﻧﺎ : ﻏﻨﺪﺧﻞ ﻧﺪﻭﺵ ﺍﻟﻨﻜﺎﻓﺔ : ﻋﻠﻰ ﻧﺘﻲ ﺑﺴﻼﻣﺔ ﻣﻤﺸﺘﻴﺶ ﻟﻠﺤﻤﺎﻡ ﻣﺸﻴﺖ ﻟﺠﺎﻳﺤﺔ ﺗﻀﺮﺑﻚ ﻧﺘﻲ ﻭ ﺗﻨﻜﺎﻓﺖ ﺩﻳﺎﻟﻚ ﺍﻟﺤﺒﺲ ﺍﻭﻳﻠﻲ ﺑﺎﻳﻨﺔ ﻏﺘﺨﺮﺝ ﻓﻴﺎ ﻫﺎﺫ ﺍﻟﻨﻬﺎﺭ ﻣﺎﻣﺎ : ﻻ ﻣﻠﻘﻴﻨﺎﺵ ﺍﻟﻮﻗﺖ ﻣﻌﻠﻴﺶ ﻫﻲ ﻏﺘﺪﺧﻞ ﺩﻭﺵ ﺑﺎﻟﺰﺭﺑﺔ ﻭ ﺗﺨﺮﺝ ﺭﺍﻩ ﻧﺎﺱ ﺑﺪﺍﻭ ﻳﺠﻴﻮ ﻭ ﺧﺎﺻﻨﺎ ﻧﺒﺪﺍﻭ ﺍﻟﺤﻨﺔ ﻳﻌﻌﻌﻌﻌﻌﻊ ﻣﺒﻐﻴﺘﺶ ﻧﺤﻨﻲ ﺍﻟﺤﺒﺲ ﻣﻜﻨﺤﻤﻠﺶ ﺭﻳﺤﺘﻬﺎ ﻓﺮﺡ : ﺷﻮﻓﻲ ﻣﺘﻜﺘﺮﻭﺵ ﻟﻴﻬﺎ ﺍﻟﺤﻨﺔ ﺭﺍﻩ ﻭﻟﺪﻱ ﺳﻴﻒ ﻋﻨﺪﻭ ﺣﺴﺎﺳﻴﺔ ﻣﻨﻬﺎ ﺩﻳﺮﻭ ﻟﻴﻬﺎ ﻏﻴﺮ ﺻﺒﻊ ﻳﺴﺴﺴﺴﺴﺲ ﺍﻭ ﺍﺧﻴﺮﺍ ﻭﺍﻟﻠﻪ ﺣﺘﻰ ﻧﺨﺮﺟﻚ ﻓﻴﻚ ﺍﺫﻳﻚ ﺍﻟﺸﺎﺭﻑ : ﻻ ﺍﻋﻤﺘﻲ ﺍﻧﺎ ﻛﺘﻌﺠﺒﻨﻲ ﺍﻟﺤﻨﺔ ﺑﻐﻴﺖ ﻧﺪﻳﺮﻫﺎ ﻭ ﺗﻜﻮﻥ ﺭﺟﻠﻴﺎ ﻭ ﻳﺪﻳﺎ ﻋﻤﺎﺭﻳﻦ ﻓﺮﺡ : ﻻ ﺍﺑﻨﺘﻲ ﺭﺍﻩ ﺳﻴﻒ ﺍﻟﺪﻳﻦ ﺟﻨﻮ ﻭ ﺟﻨﻮﻧﻮ ﻓﺎﻟﺤﻨﺔ ﺑﺪﻳﺖ ﻧﺪﻣﻊ ﻋﻠﻴﻬﻢ ﺣﺘﻰ ﻗﺎﻟﺖ ﻟﻴﺎ ﺻﺎﻓﻲ ﻭﺍﺧﺔ ﻣﺸﻴﺖ ﺩﺧﻠﺖ ﻧﺪﻭﺵ ﻭ ﺗﺒﻌﺎﺗﻨﻲ ﻣﺎﻣﺎ ﻣﺨﻠﻴﺘﻬﺎﺵ ﺗﺪﺧﻞ ﻭ ﺩﺧﻠﺖ ﻣﻌﺎﻳﺎ ﻏﻴﺮ ﻣﻠﻚ ﺑﻘﻴﻨﺎ ﻧﻠﻌﺒﻮ ﻭ ﻧﺸﻄﺤﻮ ﻭ ﻧﻀﺤﻜﻮ ﻭ ﺍﻟﻨﻜﺎﻓﺔ ﻛﺘﺴﺐ ﻭ ﺗﻌﺎﻳﺮ ﺑﺮﻯ ﺑﺎﺵ ﻧﺨﺮﺝ ﺣﻠﻔﺖ ﻟﺨﺮﺟﺖ ﻟﻴﻬﺎ ﺣﺘﻰ ﻧﺸﺤﻔﻬﺎ ﺩﻭﺯﺕ ﻋﻠﻴﻬﺎ ﺍﻟﺠﺤﻴﻢ ﻫﻲ ﻭ ﺍﻟﻜﻮﺍﻓﻮﺭﺓ ﺍﻣﺎ ﺍﻟﺨﻴﺎﻃﺔ ﻣﺸﻲ ﻏﻴﺮ ﺣﻤﻘﺘﻬﺎ ﻣﺴﻜﻴﻨﺔ ﻻﺣﺖ ﺫﺍﻙ ﺍﻟﺸﻲ ﻟﻲ ﺟﺎﺑﺖ ﻭ ﻣﺸﺎﺕ ﺑﺤﺎﻟﻬﺎ ﺍﻟﻨﻜﺎﻓﺔ ﻛﺘﺰﻏﺮﺕ ﺻﻤﻜﺎﺗﻨﻲ : ﻋﻠﻰ ﺳﻼﻣﺔ ﺍﺣﻨﻴﻨﺘﻲ ﻛﻮ ﺑﺘﻲ ﺗﻤﺎ ﺣﺴﻦ ﻟﻴﻚ ﻻ ﺯﺩﻱ ﺣﺪﺍﻳﺎ ﻧﺒﺎﻟﻴﻮ ﺑﻴﻚ ﺍﻧﺎ ﻟﻲ ﻏﻨﺒﺎﻟﻲ ﺑﻴﻚ ﻏﻴﺮ ﺻﺒﺮﻱ ﻋﻠﻴﺎ ﻣﺸﺎﺕ ﺟﺎﺑﺖ ﻟﻴﺎ ﻗﻔﻄﺎﻥ ﺩﻳﺎﻝ ﺍﻟﺤﻨﺔ ﻓﺎﻟﺼﻔﺮ ﻭ ﻣﻄﺮﻭﺯ ﺑﺎﻟﺼﻘﻠﻲ ﺑﻴﺾ ﺍﻧﺎ ﻛﻨﺸﻮﻑ ﻓﺎﻟﻘﻔﻄﺎﻥ ﻭ ﻛﻨﺨﻴﺐ ﻭﺟﻬﻲ : ﺍﻭﻯ ﺻﺎﻓﻲ ﺍﻧﺎ ﻧﻠﺒﺲ ﻫﺬﺍ ﻭﺍﻟﻠﻪ ﻻ ﻟﺒﺴﺘﻮ ﺷﻮﻓﻲ ﻟﻴﺎ ﺍﺧﺮ ﻧﻜﺎﻓﺔ : ﻭ ﺭﺍﻙ ﻧﺘﻲ ﻟﻲ ﺧﺘﺎﺭﻳﺘﻴﻪ ﺍﻧﺎ : ﺍﻧﺎ ﺍﻧﺎ ﻻ ﺍﻧﺎ ﺧﺘﺎﺭﻳﺖ ﺑﻠﻮﻥ ﻛﺎﺳﻲ ﻟﻤﻄﺮﻭﺯ ﺑﺎﻟﺬﻫﺒﻲ ﻭﺍﺵ ﻧﺴﻴﺘﻲ ﻭﻻ ﺷﻨﻮ ﺍﻟﻠﻪ ﻳﻤﺴﺨﻨﻲ ﺍﻩ ﺍﻧﺎ ﺧﺘﺎﺭﻳﺖ ﺍﻟﺼﻔﺮ ﻭﻟﻜﻦ ﻟﺨﺘﻲ ﻣﺸﻲ ﻟﻴﺎ ﺍﻧﺎ ﻧﻜﺎﻓﺔ ﻛﺘﻬﺪﻥ ﻓﺮﺍﺳﻬﺎ : ﻭﺍﺧﺔ ﺍﻻﻟﺔ ﺍﻧﺎ ﻧﺠﻴﺐ ﻟﻴﻚ ﺍﻟﻘﻔﻄﺎﻥ ﻟﻲ ﺑﻐﻴﺘﻲ ﻣﺸﺎﺕ ﺗﺠﻴﺒﻮ ﻭ ﺟﺎﺕ ﺍﻟﻜﻮﻓﻮﺭﺓ ﺑﺎﺵ ﺗﺼﻮﺏ ﻟﻴﺎ ﺷﻌﺮﻱ ﺍﻧﺎ : ﺑﻐﻴﺘﻚ ﺗﺼﻮﺑﻴﻪ ﻟﻴﺎ ﺑﻮﻛﻠﻲ ﺑﻘﺎﺕ ﻏﻴﺮ ﻛﺘﺸﻮﻑ ﻓﻴﺎ ﺍﻟﻜﻮﻓﻮﺭﺓ : ﺷﻨﻮ ﺑﻮﻛﻠﻲ ﺑﻐﻴﺘﻲ ﻧﺼﻮﺏ ﻟﻴﻚ ﺑﺎﺑﻴﻠﻴﺰ ﺍﻧﺎ : ﻻ ﻏﺘﺼﻮﺑﻴﻪ ﻟﻴﺎ ﺑﺤﺎﻝ ﻣﺮﻳﻢ ﻓﺎﺭﺱ ﻣﺴﻜﻴﻨﺔ ﺑﻘﺎﺕ ﻏﻴﺮ ﻛﺘﺸﻮﻑ ﻓﻴﺎ ﻣﻌﺎﺭﻓﺎﺵ ﻣﻌﺎﻣﻦ ﺟﺎﺕ ﺩﺧﻠﺖ ﻣﺎﻣﺎ ﻣﺎﻣﺎ : ﺍﻭﻳﻠﻲ ﺑﺎﻗﺔ ﻣﺒﺪﻳﺘﻲ ﻟﻴﻬﺎ ﺍﻟﻜﻮﻓﻮﺭﺓ : ﺍﻻﻧﺴﺔ ﺑﺎﻏﺔ ﺗﺼﻮﺏ ﺷﻌﺮﻫﺎ ﺑﻮﻛﻠﻲ ﻣﺎﻣﺎ ﺑﺪﺍﺕ ﺗﻨﺪﺏ : ﺍﻭﻳﻠﻲ ﻋﻠﻰ ﺑﻮﻛﻠﻲ ﻣﺎﻝ ﻣﻚ ﻣﺎﺷﻴﺔ ﺧﺎﺭﺟﺔ ﺗﺴﺎﺭﺍﻱ ﺍﻧﺎ : ﻻ ﺑﻐﻴﺖ ﺷﻌﺮﻱ ﺑﻮﻛﻠﻲ ﻭﻻ ﻣﻤﺰﻭﺟﺎﺵ ﺍﻧﺎ ﻛﺎﻉ ﻣﺎﻣﺎ ﺑﺪﺍﺕ ﺗﻠﻤﺴﺮﺣﻴﺔ ﺩﻳﺎﻟﻬﺎ ﺍﻟﻌﺠﻴﺒﺔ : ﻧﺎﺭﻱ ﻣﻴﻤﺘﻲ ﻋﻠﻰ ﺷﻮﻫﺔ ﺻﺎﻓﻲ ﺍﻧﺮﻣﻴﻦ ﻋﻠﻰ ﺍﺧﺮ ﺯﻣﺎﻧﻚ ﻳﺒﺪﺍﻭ ﺍﻟﻨﺎﺱ ﻳﺸﻴﺮﻭ ﻋﻠﻴﻚ ﻫﺎ ﺑﻨﺘﻚ ﻫﺮﺑﺎﺕ ﻧﻬﺎﺭ ﻋﺮﺳﻬﺎ ﺍﻧﺎ ﺳﻤﻌﺘﻬﺎ ﺑﺪﺍﺕ ﻓﻬﻤﺖ ﺑﻠﻲ ﻣﻜﺎﻳﻦ ﻫﺮﻭﺏ ﻣﻦ ﺍﻟﻤﺸﻄﺔ ﺗﻔﻔﻔﻔﻔﻮ ﺑﺰﺯ ﻣﻨﻲ ﻏﻨﺪﻳﺮﻫﺎ ﺷﺪﻳﺖ ﺍﻟﻤﺠﻠﺔ ﺑﻘﻴﺖ ﻧﺒﻘﺸﺶ ﻓﻴﻬﺎ ﻭ ﻫﻲ ﺗﺒﺎﻥ ﻟﻴﺎ ﻭﺍﺣﺪ ﺍﻟﻤﺸﻄﺔ ﺯﻭﻳﻨﺔ ﻭﻟﻜﻦ ﻛﺘﺠﻲ ﻏﻴﺮ ﻣﻊ ﻟﻲ ﺷﻌﺮﻫﻢ ﻃﻮﻳﻞ ﺍﻧﺎ ﺷﻌﺮﻱ ﻭﺍﺻﻞ ﻟﻜﺘﺎﻓﻲ ﺑﻘﻴﺖ ﻣﺪﺍﺑﺰﺓ ﻣﻊ ﺍﻟﻜﻮﺍﻓﻮﺭﺓ ﺣﺘﻰ ﺻﻮﺑﺎﺗﻬﺎ ﻟﻴﺎ ﺷﻮﻳﺔ ﻭ ﻫﻲ ﺗﺮﺟﻊ ﺍﻟﻨﻜﺎﻓﺔ ﺑﺎﻟﻘﻔﻄﺎﻥ ﻟﺒﺴﺘﻮ ﺟﺎﻧﻲ ﻭﺍﺳﻊ ﻋﻴﻄﺎﺕ ﻟﻠﺨﻴﺎﻃﺔ ﺗﻘﺎﺩﻭ ﻟﻴﺎ ﺍﻧﺎ : ﻻ ﺷﻮﻓﻲ ﻛﻲ ﺟﺎﻱ ﻭﺍﺳﻊ ﻣﻦ ﺻﺪﺭ ﺍﻟﻨﻜﺎﻓﺔ ﻛﺘﻬﺰ ﻟﻴﺎ ﻓﺼﺪﺭﻱ : ﻭﻧﺘﻲ ﻣﻌﻨﺪﻛﺶ ﺍﻟﺒﺰﺍﺯﻝ ﺷﻨﻮ ﻧﺪﻳﺮﻭ ﻟﻴﻚ ﺷﺪﻳﺖ ﺑﺰﺍﺯﻟﻲ ﻋﻨﺪﻱ ﺍﻟﻤﻜﺒﻮﺛﺔ ﻟﻮﺧﺮﺓ ﻛﺘﻘﻴﺺ ﺷﻨﻮﻣﺎ ﺑﻐﺎﺕ ﺍﻟﻠﻪ ﻳﻠﻜﻴﻬﺎ ﻟﻴﻬﺎ ﺍﻧﺎ : ﻭ ﺻﻮﻟﺒﻴﻪ ﻣﻦ ﺟﻴﻬﺔ ﺩﻳﺎﻝ ﺍﻟﺨﺼﺮ ﺑﻐﻴﺘﻮ ﻳﺠﻲ ﻣﺰﻳﺮ ﻫﻮ ﺍﺻﻼﻧﺎ ﻻﺻﻖ ﺍﻧﺎ ﺑﺎﻏﺔ ﻏﻴﺮ ﻧﺨﺮﺝ ﻟﻮﺍﻟﺪﻳﻬﺎ ﺍﻟﻌﻘﻞ ﺍﻟﺨﻴﺎﻃﺔ : ﻣﻦ ﻫﻨﺎ ﺍﻧﺎ : ﺍﻧﺎ ﻻ ﺍﻟﻬﻴﻪ ﺷﻮﻳﺔ ﺍﻟﺨﻴﺎﻃﺔ : ﻫﻨﺎ ﺍﻧﺎ : ﻭﻻ ﻗﻠﺖ ﻟﻴﻚ ﺍﻟﻬﻴﻪ ﻭﺍﺵ ﻣﺎ ﻛﺘﻔﻬﻤﻴﺶ
يتبع ......
