نجم سهيل

بارت 2

سوزان المندلاوي ...

سهیل....
هذا مین عرف اسمی ..منو هذا ..
گلبت بایدی شنو شاف بیها یا شوگ یا نهایه ..
..خفت منه ..یانجم ..ویا بدایه ..
معقوله وانی سارح جبت اسم شوگ ..واسمی
شیخربط هذا ..سلاما قولا من رب رحیم ..
هف ..مین طلع الی هذا شو وتر اعصابی ..
باوعت وصلت للسوک ..قريب علينه ..
صحت نازل ونزلت ..
نسیت الموقف ..الي صار ..
طبیت للسوگ اشوف اشکال فواکه واکل ..تنغضت واول یومیه .وانطانی علاوه..زایده ..الیوم ملک حصلت 25 الف
بس جتوفی راحن ...صح احنه 2 بس تعبنه لهذا انطانه زاید الحمدلله ..المهم یفرحون اهلی ..
هذا الحجی محشش ..واجه کتهن براسی ..عليمن افكر بي .
رحت اخذت فواکه ..واخذت دجاجات 2..وذبحهن كبالي ..
ورجعت للبیت ..وصلت للفرع اذکرت ..البوری ..ویاسر ..
رجعت لابو الصحیات..اخذت کم شغله الهم وکملت مشی ..
امشی واضحک احترگت الیومیه ..حرگ ..
بس خطیه شوگ ..فدوه الفلوس ..الله یدزلي غیرهن ..
طبیت للبیت ..
فتحت الباب تلگونی الجهال خالو ..عمو ..انرید ربع وعینهم ع العلالیک..
طبیت ذبیت المسواگ ..صاحت جنان یاهلا ...
للیوم الله رازقک ..وراح تحلی حلکنه بلاکل ..
ربی یفرجها علیک یاخویه ..ماکو مثلک..
گواگ الله ..ابو الهيل ..
متبكلون سالفه ابو الهيل ..
لا شنبطل هاي ورث من ابوي يكول من انت وصغير ياخذك وياه للمحل ..وانت تروح تستري هيل وتاكل ..ولليوم الهيل بجيبك كول لا ..
ضحكت .احبه ..
فدوه لعمرج جنه حضری الحمام ..تعبان وجسمی مکسر
ی خویه ..من عیونی ..
ضلت واگفه تگلب بلمسوگ ..
جتی امی هلا یمه ..
هلو حجیه ..
گالت فدوه ..نوره حضری لاخیج اهدوم ..
ولج جنه عوفی العلالیگ ..وحضرن الحمام ..
كلت الها یمه جتوفی راحن ..
سوده علیه یایمه لو ابوک عدل مو هذا حالکم ..
یمه لیش متروح لهلنه وشوف حلالنه ..احسن من هلبهذله ..یایمه ..بلجن ..رجعن ...
کمت یوم سدی الموضوع فدوه ..لا تفتحی،بعد .
سدیته وماحجی بعد ..
طبیت للحمام ..ذبیت هدومی ...وکعدت ع التخته
اذب می ع راسی ..وهناك وترن براسی ..نجم یلمع ..ویلمع نجمک ویا ..استغفر الله هذا مین طلع الی ..اف خلی اکمل  سبح ..سبحت ..
بمی دافی حتی عضامی تفک ..
کملت نشفت راسی ووکفت گبال المرایه لحیتی طولانه ..ویراد ازین ..
شکلي عادي ..اسمر..وعیونی کبار ..طویل جسمی متوسط ..صدری عریض من الشیل وحط الطابوگ .والبلوک .يعني عضلات بدون تدريب ..نشفت راسی ..زین وبدلت وطلعت بره .
رحت گعدت بلهول ...دواشك فارشیها وحصیره ..وتلفيزيون وستلايت .ومبرده ...
جتی جنه ..خویه ...اصبلك غدة ...
لا تغديت برة ..
جنه ..الدجاج اریدهن تشریب ..
یااا ماصب غده الک ..
لا تغدیت وهذن سویهن ع العشا ..
شنو غدانه ..
هااا..تمن عدس وروبه شون روبه ..تموت ..
ماریدها ..ارید دجاج ..خلی امدد شویه تکسرت ..
جر یت مخاد وخلیتهن جوه راسی ..
غمضت عینی ..سمعت صریخ جهال ..
رفعت راسی ولکم ارید انام ..
وگفو گبالی ..
انطینه ربع ..ونروح ..
ملاعین ..کومه اسوگت ..هسه
خالو اکلنه ..موز ..عمو اکلنه تفاح ..بقو يحجون علمود ربع
وانی فاتح تک عین واسمع ..
الف عافیه ..اکلو ..
نرید ربع .نشتری شعر بنات ..
جیب المحفظه ..
اباع همه 6..انطیتهم ..ورجعت راسی ..
دارید اغفی ..حسیت نفس یمی ..
رفعت راسی ..حسام ..یمی ..هاولک تریدربع انت هم..
حسام ابن اختی جنه الجبیر ..
لا خالو ..ارید غیر شی ..
خیر ولک شکو ..
خالو طلعنی للمسطر ویاک ..
ولک گوم ...مالی خلکک ..گام یفرک بجتوفی ..
علیک الله خالو حتئ لو 5بلیوم ..عاجبنی دریس ریاضي وبوتین ..
بیش هذول
ب30
بویه ..غاليات
خالو یومین اشتغل بس علیک الله بروح جدو ..
ولک گوم ..
ضل یحلف ویتوسل ..گتله هسه اخابر واشوف بس ارید اغفی ولک ورای شغله ..بيت ابو ابراهيم اريد انام شويه
فرح گام یبوس بیه ..ویمرغ جسمی ..
حسوم امک ترضی ..
ای قبلت ..خوش ..انه ارتبها الک ..
صحتها جنه جنه ..
ها خویه ..صدگ دزین حسوم ویای ..
والله یاخویه کاتل روحه ..ع الابجین والدریس ..
طلعه وياك  احسن من گعده ..
میخالف ..والله لو عندی ولا واخلی یطلع ..
جنه ..فدوه لعینک متقصر ..
ننظفت الدجاجات ..وذبیتهن ع النار ...
خالو خابر صاحبک ...
حتئ لو خمسه ینطینی ...
عدنه حسام بلعطل ..یسوی ..طیارات ویبیع للجهال ..
ومرات ..یلم ...فلوس ویشتری بیهن ..غراض مال بايسكلات ويبيعهن ..يعني شطار من هوة صغير ..
خابرت حیدر ..
گمت عدلت روحی ..حسام فوگ راسی واگف ..
الو ..شونک ابو کرار ..
هلا ابو الهیل ..
خویه عندی یمک طلب ..
گول ..
عندی ابن اختی ارید اشغله ..ويانه
هااا شگد عمره ..
12سنه ..
صغیر ..تره ..ومابی ..حیل شغل ..
لا سبع ..مینخاف علیه ...
خوش انطی 15..ویلم الانقاض ..
سکتت صعبه علیه ..حسام وامه یهزون براسهم ..یی..
گتله هذا هوه علیها بارک الله بیک وربی یرزقک ..
ختمته منه ..ضل یگمز حسام ..یومین ..ویصیرن 30
هلا هلا ..بلسبوع 105..هلا ..یالله فرجت علیه ..
یمه اشتریلج ..عبایه مو تردین ..اشتری لخواتي هدوم
يمه لا تشتغلين بعد انه اشتغل ..
امه تضحك ..
اباع علیه گام یکمز من الفرح ..
بداخلی انقهرت عرفت راح یبدی شلاع الگلب ویاه ..
بس خطیه ...هم بنفسه اشیا۶..جنت بعمره کل شی عندی ..وکل شی متوفر ..
طلعو وبقیت بروحی ..غمضت عیونی ..
هناک واخذنی خیالی لبیتنه ..بلطارمیه ..والزرع ..
وانی کاعد بلحدیقه ...صارت غروب طبیت جوه ..
فتت امی تحضر بلعشا ..وجانن خواتی واخوانی ممزوجین کلهم البیت متروس ..بینه وجبیر ..وکل شی متوفر النه ..
طبیت گعدت ..
صاحت امی یمه راجع دروسک مضل شی ع الامتحانات ..
اییی ..خلي اتعشی واقره ..
انفتحت بابنه ..طب ابویه واخویه الجبیر ..
فواز ...
امی تلگتهم ..وفاتو للاستقبال ..
گامو یسولفون بیناتهم ..بس ..تبسبس ..مفتهمت شی ..
دقایق واسمع الباب تگرگع ..
گمت فزیت ..
ابوی ..صاح ..خالده اخذی البنات وصعدی فوگ ..
وصاح علینه ..الولد ..انهزمو ...
گووومووووو..
یمه ..شصار حجی صالح ...
داگولج صعدن فوگ ..
دقایق ..بین ماامي صعدت ..والولد ..طفرو ..
صارو فوگ راسنه ..6..جنود وضابط ..
گال ..اگعدو بلگاع ..
ابویه گله شعندک هنا ..امشی اطلع من بیتی ..
احس نفسی راح تطلع  ومدافتهم الی دیصیر ..
شنو منو ..شکو ..مداعرف ..
اجه قریب ع ابویه ..ضربه ..ع رجله ..گعده ..
فواز گعد واشر الی اگعد ..
گعدت ...
گام یفتر ..
صاح فتشو اابیت ..نبشو نبش ..طلعو کل اهله بره ..
ابویه ..گله ..انور محد بلبیت بس نسوان اخذنی الی ..
ولا تاذیهم ..
گاله حشا ..مانمد ایدنه ع حریم ..
الجیش انتشر بلبیت ..
واني مدنج راسی واباع بس ..گلبی راح یطفر ..
وعیونی اسال ..شکو ..
اجه یمی صار فوگایه ..
گال هذا هم عمیل ..وخاین ..
رفعت ..راسی ..یاعمیل انی طالب ..
انجب ..********..غلط علیه ..وع امی ..
ضربو ادینه کلبجات ..
انی مدافتهم .ابویه اندار علیه ..نضرته ..بیها قوه وشجاعه وحزن ..بس مداعرف شی ..
سمعت صریخ ..عالی ..من خواتی
وامی .. .صالح ..صالح ..ابويه صالح
ابویه ضل یعیط ..وفواز هم ..
عوفهم مالهن ذنب ..مسوو شی اترکهم بحالهم ...
دخیل ربک ..
الضابط صاح ..لموهن بغرفه ..ولدك وين هزمتهم احجي خاين عميل .
طببوهم بغرفه ابوی ..ووگف واحد علیهم ..فوگاهم ..
اسمع یعیط بیهم اسکتو انخرسو اسکتو ...
گمت اشوف الجنود تطافر وتکسر غراض البیت ..فلشو الاثاث والبيت ..اني ساكت فواز ..ضربو ..ووكع بلكاع ..اندا. عليه كال اسكت ..
والضابط فوگ راس ابویه ..
احجی وین المناشیر ..وین ..الغراض..والتسجيلات .
انت خاین ومنتمی لحزب الدعوة من ايام النجف ..عبالك منعرف....
واکثر من مره یسمعوک تسب بلقائد ..حفظه الله ورعاه
ابویه ..ساکت ..شفته ضربه ..ضل یضرب بی ..
انی ..گمت ..اعیط فتحو ایدی عوفو ابویه ..
فواز ..ساکت ومدنج راسه ..
حسیت ..نضربت ..
ووگعت ع وجهی ..ودم ترس عینی ..
عیونی گامت تغوش ...اسمع صوت فواز وابویه ..
واباع شی ..قلیل ..بسبب الدم ع عینی ماگدر امسحه.
ولا اگدر احجي ..
شفتهم ..یدفرون بابویه وفواز ..
واسمع ..یگوله ..ماله ذنب اخذنی وعوف ولدي..
مالهم ذنب ..عوفهم .انی اسب القائد ..انی ..خاین عوفهم ..
خیال ..الرؤیا گامت تنعدم ..عندی ..
حسیت اثنین فوگایه ..احس بدفرات ..ع خواصری وبطنی ..الا ان ..غمی علیه ..
احس امی ..تگعد بیه ..سهیل ..
فتحت عیونی ..نایم بلگاع ..البنات یصرخون ..
امی ..نافشه شعرها ...
گعدونی ایدي مفتوحه..٠اخذوني غسلو وجهي ..
وامي تكول جرحه مال اخياط ..
گمت استوعب الي صار..
ابويه وين ..وفواز وين ..
امي تبجي ..
جيبو عباتي ..اني واكف ..وخلو شاش ع راسي البنات ..
امي تروح منا ومنا ..
لزمتها يمه ابوي وينه ..
اخذو ..
منو..
الامن ..واسكت وامشي ويايه ..
جرتني ..واني دايخ ..مشت بيه ...
عبرنة الشارع ..
يمه ..فواز وين ..
اندارت عليه ..كامت تخرمش بوجهها ..كافي اسكت ..لا تحجي ماعرف ..اسكت ..سهيل ..
جرتني من ايدي ودكت باب ..
طلع الها رجال ..حجت وياه وطبينه..جوة ..
مدافتهم الي يصير ..
كعدت..وكعدت يمها ..
غرفه مثل العياده ..
ابو مصطفى مضمد ..خويه شوف جرحه ..
اجه يمي ..وخر الشاش ..
هاي بيش مضروب ..
بلمحجر ..مال درج ..وكع ..
ساكت اني ...
سهله ..هسة اخيطه للجرح ...جاب العدة ..بقى يسولف ويحجي ..حسيت ..زين المنطقه ..وكام يخيط ..
مجنت احس بالم بجسمي ..بكد ما روحي توجعني..
ومداعرف وين راح تصفى ولا اعرف شراح يصير .بينه ..وابويه شنو مصيرة واخواني ماكو ..
كمل ..امي حطت بايدة فلوس وطلعنه ..
هم رجعنه مشي ..للبيت ..
بس مافاتت بشارعنه ..من غير شارع مشت ..
يووم كافي دولبين بيه وين راح نروح ..
تمشي ..ولا تهتم لكلامي ..
وصلنه لبيت المختار .دكت للباب ..طلع ابن المختار ..
امي ..السلام عليكم ..يمه ابوك وين ..
وعليكم السلام ..لحضه خاله ..
اني مثل الاطرش بلزفه ..
طلع النه المختار ..شافنه سد باب بيته ..الجوة
هلا علويه ..
خويه ..اخذو الحجي وفواز فدوة ساعدنه دخيله شاربك .
كلها ام فواز ..اخذي ابنج ورجعي لبيتج ..لا سالين ولا تعرفين وين ..ستري ع بيتج وجهالج ..بلا صوت طلعو منا .
خويه ..
مثل مداكولج رجلج الحجي ..كاتبين عليه حجي قوي ..
ويامه نصحته حجيت وياه ميفيد ..
طلعي منا ..لا تبقون ترة بسرة ..ينسحبون جهالج ..
اني بقيت ..فاك عيني عليه ..
امي سمعت كلامه وطلعت ..
مشت خطوتين ..وكفت صاحت ربي ..متعوف حمل مطروح ..ربي ..يسرها ويايه ..واستر علينه .. جع وليدي وابو بيتي ..ربي ..شفتها شالت طين ..وخلت ع راسها ..
رغم اني مو طفل بس ..امشي وراها مداعرف شي ..
كملت مشيها ..واني وراها ..وصلنه للبيت ..طبينه ..
البنات تلكوها ..بصراخ ..
صاحت اششش ولا نفس اريد
اخوانكم وين ..
كالو منعرف ..كتلها ..هسة اطلع ادور ..
اكعد انت ..
بنفس اليوم الفجر ..لمت اخواني والذهب والفلوس ..
وغراضنه المهمه ..وطلعت بينه ...
للمجهول ..وعفنه ابوي واخوي ..
ومندري شي عنهم ..دنيا لليل ..رحنه للكراج منعرف وين .نروح حمل ع امي جبير ..بنات وولد ..وطلعنه وعفنه كل شي ورانه ..بيتنه وحلالنه ..وغراضنه ..عفنه كل شي ..ومنعرف،شنو ذنب ابويه ولا شنو الي سواه ..
ابويه جان عنده محلين مال قماش ..وتاجر معروف ..
وعندة شريك وياه بشغل ..
قبل لا نطلع..ونصعد سيارات ..امي كالت انروح ع ابو ياسين ..شريك والدي ..جان ..بغير منطقه اخذتنه ورحنه ..
وصلنه اله ...انتظرنه بلباب ..الحيرة والخوف بوجوهنا ..فتح الباب ..اتردد يطببنه جوة ..تاليها .طببنه جوة ..
قبل لا نحجي شي ..
كال ام فواز..طلعي منا ..ولا ترجعون ابد وستري ع ولدج وبناتج ..سالفه الحجي جبيرة ..من ايام الانتفاظه ..عليه علامه اكس..ولليوم ...لحد ما البا رحه اتعارك وي رفيق ع ..صورة مال ريس ..والحجي مقبل .يخليها بلمحل .وفواز ضل يسب ..بيهم ..من طلعو ..والواشين هوايه ..تاليها اخذوهم لا دورين ولا سالين ابد ..طلعي منا ولا توصلين لا كربلاء ولا نجف ...شردي بروحج..
ابو ياسين ..
سكتها ..وطلع ..ضبه فلوس ..وخلاها بايده..
طلعنه حايرين ..محد يستقبلنه بيته ..
عفنه كل شي ورحنه لبغداد يم اهل امي ..
محد يعين احد ..
من الدلال ..والذهب والفلوي والسيارات الى العوز ..والفقر ..اذكر كل الناس تسوك الصبح الا امي تاخذني وياها ..ورة الغروب ..لسوك ..بلبدايه مجنت اعرف ليش..
تاليهل عرفت تروح ع بقايا المسواك الرخيص ..
حتى تشبع البطون الجوعانه ..
حصار ...وجوع ..وامي تحوكل بينه من بيت لبيت
..محد يتحمل ..
11نفر ..ولا يكدر ..علينه ..وع مصرفنه ..وياباب اندكه ..ينسد ..علينه ..كمنه نشتغل احنه ..يوم ناجر غرفه يوم شقه لحد ما خلصت كل فلوسنه ..وصفينه ع الحديد ..
وستقرينه ..بمصنع ..مال زيت ..حصلنه بي غرفه .وحمام ومطبخ ..
اخوي الجبير بي حارس ..وامي تنظف بي وخواتي يخبزن ..وعشنه وكبرنه .بي ..ازوجن خواتي ..واخواني هم ..وكامو يطلعون ..من يمنه ..وياجرون بيوت ..ع كد حالهم ....واختفى والدي واخوي ..ولا عرفنه شي عنهم ..
طلعنه بليله سودة ..وغبرة ..
وسقط النظام وعفنه المصنع من التسليب وبنينه هلبيت التجاوز وعشنه بي ..ومارحنه ولا وصلنه لهناك ..ولا اهلنه من يوم الي طلعنه سالو علينه ...بس مرة عرفنه انعدمو وامي من يوم الي طينت راسها لبست الاسود ومانزعته وجانت تون وتنعي الليل كله ..ع ابوي واخوي ..
فزيت من ..سرحتي ..ع صوت نسوان ..
كمت ..وكفت يم باب المطبخ ..سمعت صوت ..جهال ومرة..مديت راسي ..
هاي شوگ ..شعدها هنا ...
بقيت اسمع ..
اسمعها ..تشكي ..تكول موتني والله راح اموت ..
هوة لزم البطل ويشرب ..
وبدة يضرب بلجهال ويسب بيه وباهلي ..
اسمع امي واختي يواسون بيها ..
وتبجي ..وبجيها يحرك روحي حرك ..
ردت اطلع اكسر راسه ..بس مو من حقي،..اسوي ..شي
صحت ع اختي الصغيرة ..هند ..
جتي ..ها شكو شصار ..
كالت ..جيرانه ام ابراهيم متعاركه وي هذا رجلها ابو العرك وطاردها ..منا لليل ينام وترجع لبيتها ..
سكتت ماعرف شسوي ..
كتلها اخذيلي طريق اريد احاجيها ..
لبست التيشرت وطلعت ..
سلمت ..عليها ..كتلها اخذت الكم غراض للسنك تردين هسة اروح اسوي ..
مسحت دموعها بحجابها ورفعت راسها عليه ..
وعيونها متروسه دمع ..وابنها بحضنها
كالت لا عيوني انت ..لا تروح ولا توصل غير يوم..
رحم الله والديك ربي يحفظك لشبابك ..
يمكن هيه تبجي ..ومقهورة بس اني داشوف غير شي ..
اشوف ..لوحه ..واسمع وياها موسيقى ..تاخذ روحي ..وياها ..بقيت صافن عليها ..وانتبهت اكو شامه بخدها ..سودة ..زادت جمالها حسن ..
هناك وامي تاحجيني ..
انتبهت ع امي ..
ها يمه ..
شبيك ..لا مابيه بس هذا صكط يراد واحد يكسر راسه ..
جاوبت شوگ ..لا فدوة لطولك ..عوفه هذا نكس لا تنكس ايدك بي ..
عفتهم وطلعت .مردت ابقى بلبيت . يم الولد وتمنيت اشوفه ..بشارع حتى ..اهطرة بلكاع ..واكسر عظمه ..الي يمد ايدة ع مرة مو رجال ..
رحت يمهم ..وكعدنه براس الفرع ..وبقينه نسولف لليل رجعت ..تعشيت ..الي بقى من الاكل ..
لان شوگ وجهالها يمنه ...
الحمدلله ..ع كل نعمه ..دام الله ساتر علينه ..
اخذت غراضي وصعدت بسطح انام ..
حتى ماسالت ع شوگ ولا ردت اعرف شي ..
وقصد طلعت من البيت حتى لا اركز بيها ..
مهمها يكون ..حرمه رجال ومتزوجه وحرام عليه ..اخليها ابالي ...
نمت ..وبقيت اباع ع النجوم وهناك ويرن بدماغي كلام الحجي ..نجم يلمع ..وكلامه ..الغريب
وهناك ويروح فكري بشامه ..ع خد شوگ ...
بقيت اتكلب لحد مانمت ..
كعدت ع صوت حسام كعدني من النوم ..
يلا خالو ..دنروح ..
ابتسمت اله لهفته ..لهفه ..طفل وثاني يوم العيد ..
كمت ..غسلت وتريكت وطلعت ..اني وياه ..للمسطر ..
انتظر حيدر يجي ياخذنه ..
وكفنه ..دنيا حارة ..اني ومهند صاحبي ..وحسام..
كتله حسام جيبنه مي من هذا الي بلركن ..مقابيل المسطر ..
مو نشفنه من الحر ....لا خالو ماروح انت روح ..
ولك بس تعبر الشارع ..
لا عفيه حتى اول مايجي .ابو الشغل اول واحد .اصعد ..
ضليت اضحك ..وعبرت داجيب مي ..جانت ساعه ..سبعه الصبح ..
طبيت للمحل ..اخذت  مي ..وجكاير ..
واباع عليه من بعيد يضحك وفرحان ..عبالك راح يحصل كنز ...دفعت حسابي ..وورثت جكارة ..وبيدي علاكه المي ..وصلت لباب ..المحل ..حسيت ..بعصف .وهوى حار .ونار ..قويه .شالتني من مكاني ..ورجعتني ..باخر المحل ..
وللحكايه بقيه