مسائكم جوري
سوزان المندلاوي ..
يعني شنو بعد ماشوفها ..واني الي طلعتها من الموت
وارجع اني اوصلها للموت مرة ثانيه..لا مستحيل ..
بقيت كاعد يمهم ...بين عائله ابو حسام وماعرف شحجي ولا اكول شي ..
جنت مدنج راسي وكاعد ..
ويحجون وياية ع الي صار بيه ..
وليش هيج جروح بوجهك وشنز الي صار بيك ..
ومنو ..
حيل ماكو للكلام اكو هموم وجروح بروح اكبر من الجسد ..
رفعت راسي ..
ايمان /سهيل هاك مي غسل وجهك واشرب ..
فهميني الي صار ..بلتفصيل ..وبهدوء ..
انت صار مدة مختفي ..مو صح ..
الكل وصل لتركيا ..
اي ..
مو جانو يتصلون بيك هنا ..واني هم اتصل بيهم .
لان رقم حسن هوة..
من اختفيت انت ..ويسالون عليك واحنه هم مانعرف مكانك ..
امك ..تخربطت ووضعها تعب حيل ..
الي فهمته زوجتك تعبت كلش وجانت متعبه الكل وياها
بحيث ايمان تشكي منها ..وتكول خبلتنه ..
البارحه ..كالت اختفت بسمه ورجعت للعراق ..
اوكفي يعني شي قريب وجديد ..
اي واليوم من الصبح الجوال مغلق ..
ماعرف ليش ..
اصبر عسى الله شويه ويتصلون ..
كمت اني ..اترخص منكم ..
ابوها لزمني ابني راني ماعرف الي بي انت شنو بس .وين راح تروح ..اصبر ..
عمي مو مال صبر ابد ..اني بديت شي لازم اكمله ..
بوضعك هذا ..
ميخالف ..اروح واشوف ..
اكعد وانتظر منا لليل ..
ماكدر الي بيه مو مال اكعد شو هوة الموت يوميه يدك علي الباب ...خلي افتح بابه ..واخلص
ابني اسمعني انت مخاوي بنت لليل ..
صفنت عليه ..شكوله ومنو وصل اله هيج معلومه ..
لزم ايدي اسمع ..مني انه بكد ابوك وهلشيبات طلعن مو من فراغ ..
وترخص من اهله واخذني برة ..
بحديقتهم ..
طلعت وكعدت ..ع دجه ..دنجت راسي ..
وحسيت ضعف الكون كله بصدري ..يخنك الروح خنك ..
اخذت حسرة ..كتله مو بنت لليل ..
اسمعني عدل ..
دربها اعوج ..؟
ماعرف اجاوبه ..
منهو الي كلك ..
مالك دخل الي كال ..انت مزوج 2وحدة عدها جهال والثانيه هم ..
مو جهالها ..سالفه طويله ..
شوف ..اذا دربها اعوج فصعب ينعدل ..
راح تكولي عدله ..
اكولك دربها مو صافي ..
راح تكولي ..ماعدها شي ..
راح اكولك تتعب ..
راح تكولي احبها ..
اسكت ..
مو حب عمي ..الها ونه بلروح توجع ..
راح اكلك شي ..واحكم ..انت صعب تلكه انسان يضحي بروحه ..علمودك لكيت انت ..
كال امي ..
كتله وبعد ..عندك شخص يبدي الموت على نفسه .
سكت ..
كتله خلص ..
كلمه وكالتها المثلي كلشي بحياتي غلط ..
وشفت بيك الصح ..
ماكدر اعوفه بعد ..وارجع للغلط ..
وتخسر عمرك علمودها ..واهلك منو الهم كم ركبه بايدك ..
فكر عدل واترك العاطفه ..
رفعت راسي للسما ...بيه ونه تفزز الميتين ..
اصبر وشزرعت تلكه ..
هوة هذا عمر وانحسب عليه ..هوة هاي حياه ..
ايمان جيبي جاي هنا ..نشرب ..
بيني وبين نفسي اريد اكعد ..
واعاتب الروح الي مارتاحت بيوم ..
والزم الحظ واكعدة واكله ليش ؟
سنين ولازم ع الفرج سرة ..
وصل يمي الفرج ..ونسدت الباب ..وكالو خلص ..
هذا حالي وياج يادنيا ..
صراع داخل الروح مثل الجمر ..ياكل بيها اكل ..
لا هيه ..جرح جسد ويتعالج ويهون ..
كمت ابجي ..ابجي بصوت عالي ..
ماهمني بعد الي يشوفني قوي ..
انكسرت حييل واتاذيت ع الحال الي وصلت اله .
لا بيه اروح لسلطان
ولا بيه ابقى .
ولا بيه ..اروح لاهلي ماندل وين ..
وين اروح ربي وين ..اسكن كبور وارتاح وين اروح ..
وكف يمي ابو حسام .ابجي ابجي ..
اغسل كلبك ..ارتاح ..
هاي نعمه الدمع ابجي ..لحد ماتحس انت نولدت من جديد
كتله ليش انه مكدر علي ثوب الحزن تكدر ..
كول يالله ربك مايعوف حمل مطروح ..
الله ارحم من الكل مو اني ولا انت نحاسب ..
ونحدد مصير احد ..
مسحت وجهي وكمت وكفت ..
اخ ..اخ ..محد يحس الي بيه شنو..اهلي واني والي شفته
كله عذاب اريد ارتاح
بقيت ويمي ابو حسام ويحجي الي ..
هناك وطلعت النه ايمان كالت اختك تتصل ..بيه ..
جريته منها ...
فتحت الخط ..
وايدي ترجف ..ولشتي كلها ترجف ..
حتى الصوت يكطع يطلع ..
اسمعها تكول الو ..
اريد اجاوب ماكدر ..
الو
منو ..
اني سهيل ..
سمعت صرخة يمه سهيل عدل ..
وهوسه صارت ..
ورها خشخشه ..عبالك واحد يجر الفون من الثاني ..
الووو ولك صدك لو تشاقه ..
هلو حسن ..
من انعل ابو حسن انت صدك لو تشاقه ..
انجر الفون ..
اليو يومه وراح صوتها بخنكه مسامعها قبل ..
يومه هذا وليدي سهيل ..
هايمه ..
عدل انت ..
اي يوم ..
ليش هيج حركت قلبي بيك ليش يمه ..
ولك يكلون ميت ..
اسمعها ..
وخر ..انه احاجي ..هذا سهيل ..مو ..
يوم والله سهيل شبيج والله عدل ..بس صارت سالفه وضاع جوالي ..
اخ يمه اخ ..حركت روحي وحركت قلبي ..ليش هيج ..
يمه كم يوم وجايكم ..
انت سهيل؟
والله اني سهيل ..
لعد هذا ابن الططوة يكول مات ..وتبجي ..
مسامع امي بصوت مخنوك ابد ..
شفتها مرة من راح ابوي ..شالت طين وخلت ع راسها بس
دومها قويه ..
يمه انطيني حسن ..احاجي ..هوسه
و نسد الخط ..
خلص رصيد هم اكيد..مثل المخبل افتر ماعرف شسوي ..
ابو حسام كال اهدة هسة اجيب رصيد ..
دقايق ورجعو اتصلو بية ..
سهيل ..
حسن ..
ماكولك شصار بيك بس اطلع ..لا تنتظر ..شي تعال يمنه هنا ..
أنت تقرأ
نجم سهيل
Romanceورجعنا وياكم من بعد قصه تساليني وقلم حمره هاي لقصه لحلوه للكاتبه المبدعه سوزان المندلاوي
