نجم سهيل

بارت 19

هذا الحجي ..نفسه ..
كمت اركض ورة السيارة اوكف يمعود ..
والهورنات ادك عليه ..يمعود ..
وكف ..اوكف
وكف
ثنيت ايدي ع رجلي  اخذت نفس ..راح نفسي ..
واحد كلي شبيك ...واكف بلباب جان .
دفعته وبعدني الهث من الركص والمفاجئه ..
دفعته وخر ..وطبيت للكيا ..
كاعدين ..عالم ..كمت اوخر العالم
بدون زحمه خيتي .خويه شويه  وصلت قريب للحجي ..
هوة بس يباوع عليه ويبتسم ..
جريتة من هدومه ..انزل ..
العالم كبت عليه ..
ولك عوفه بكد ابوك ..
كتلهم وخرو بيني وبينه طلابه ودين.
عوفه حجي ..جبير ..
وهوة كلهم عوفو ..
نزلت ونزلتة بيدي ..تعال ....الله جابك الي ..
جريتة ..
كلي وخر ايدك مانهزم منك ..
ولد نزلو وراينه كلهم رجعو اعرفه ..
اخذته ..ويايه ..
دفعته ع حابط ..
كتله ..
طيحت حظي بنجمك الي لامع ..
اليوم المع عيونك
طيحت صبغي وصبغ الي خلفني ..ليش ..؟
يضحك ..
ولك احجي لا عبالك الشيبات توكف بعيوني احجي ..
يانجم ويالمع .تعرف شصار بيه ..
جر ايدي.كلبها ..
جريتها حيل منه  هدني ..هم تريد طيح حظي بعد
رجعلي حياتي ..
ضحك ..بصوت استفزني ..
عطت..اه ه ه ه ..وضربت الحايط ..اكثر من بوكس ..
وجريت ايدي ..
توني فاتح الثانيه ..من الكسر
كلي ارتاحيت هسة .
كتلك طريقك طويييل  بي شوك وعاكول ..
انت عرفت منو الشوك ومنو العاكول ..
شتقصد فهمني انت وياهم مو ..
منو همه  ؟ ههه
وكتلك..بدايتك مابدت بعدها ..
مو كتلك مو اني المحتاج انت ..وتجي يوم دور عليه ..
وتلكاني انتظرك ..
وبعدني انتظرك .
وراح تبدي بدايه النهايه مامنها مهرب ..
اخ ..اخ ..اخ ..كولي شسويت بحياتي انت خربطتها ..كلها ..رجع حياتي الي،
وشدتخرط مدافتهم شي ..
فهمنييييي..
اجة واحد وكف .خير حجي شبي هذا وياك..
بدون حجي انداريت عليه دفعته ..مالك شغل
فهمني وحدة وحدة ..رحمه لاهلك من يوم الي شفتك ماشفت راحه ..
كلي انت ليش مستعجل
ماحس اله شي ونضربت بي ع راسي اندار اشوف الي دفعته .نمت عليه ضربته وضربته كبت ..
ماعرف العالم مين جتي عليه ..
اني عيني ع الحجي وينه ..
هدوني ..هدوني ..راح يروح ..
ماعرف مين الضرب يجي ..
التمو عليه ..صارت وليه مال مخانيث
ماغرف اضرب منو ولا اعرف مين تجي الضربات
اجه ..شرطي رمه بلهوى ..كومني ..
كمت التلفت وينه ..
واحس الدم يجري من راسي ..
فرق الي جانو عليه ...وجابو كرسي وكعدت ..
واحد انطاني كلينكس ..
وانصيح وينه ...
واحد كلي الي ضربوك شردو ..بس انه اعرفهم ..
تريد تبلغ ..باوعت عليه ..
شبلغ يمعود ..الحجي وينه ..
ياحجي ..
هيج ..
عفتهم ..وكمت ..امشي ..
اخذت تكسي ..صعدت ..كل شويه وابو التكسي يباع عليه ..
كتله خويه بيك شي ..كل شويه وداير راسك علي ..
لا مابيه بس منو سوة بيك هيج ..ضمد راسك .
مابيه شي ..
وين اوديك ..
دليته المكان .وكف بلباب ..بقيت كاعد..
انزل ..
اخ شجابني لهنا ..لبيت بسمه ..اني شديصير بيه .
كتله ..بطلت اطلع ..
كال ..اطلع اطلع بس تدفع مو تطلع تفرفر بيه ..
وماكو شي ترة اني اعرف هلنماذنج ..
استغفر الله ياربي بيمن مصبح اني ..
طلعت فلوسي انطيك لا تخاف ..
سمعت سهيل ..
اندار ام بسمه ..
ها خاله شونج ..
خيرك شصاير بيك ..انزل ..
لا اريد اروح ..
شجابك ..لعد
ها ..؟
داشوف البنات ..
فتحت الباب دتعال انزل ..
نزلتني ..
بسمه وين ..
بلببت ..وين يعني مسكينه محرم عليها الطلعه..
هذا غضب والله بلاه بينه ..بقيت صافن ع كلامها صار غضب وبلاء ..شنو هلتغير ..انطيت كروة ..
وطبيت وراها ..
اوف متردد ..هسة تكولي كلما تتاذة تجيني ..
دخلت ..يصير شباك المطبخ بلطرمه ..يعني يبين ..ولو اكو بردة بيضه شفافه بس جانت مفتوحه اني متردد ادخل لو لا ..
قبل لا انطب انفتحت الباب ..وبسمه واكفه ..
شايله شعرها ليفوك مثل الجهال ذيل حصان ..
بقت تباع عليه ..
.طلعو الجهال حضنو رجلي ..شلت الصغيرة ..
بوستها والجبيرة هم ..
طب طب ام بسمه .
شونج بسمه ..هلو سهيل ..شبيك ..
مابيه شي هيج عركه ..
سهيل ..وجهك مجرح وراسك ..اكعد ..
اضمدة ..
مثل الطفل وياها ..كعدت ..وبداخلي حسرة ماعرف تفسيرها شنو ؟للعلم لليوم ماعرف شنو تفسيرها ..
كعدت ..وجابت ..معقم ..ووعقمت راسي ..
وصلت لوجهي ..
ام بسمه اروح ابدل تعبانه وسهيل تتغدة يمنه ..
لا خاله ..
لا يمعود انت من البيت والله ..اعزك..
ربي يعز غاليج ..
راحت وكاعدين بصفي الجهال ..
طلعت فلوس انطيت الهم ..اخذوها مني وراحو يركضون ..
ليش تنطيهم ..ممجبور بيهم انت ..
ميخالف مثل الايتام واني احس الي بي همه ..هسة..
جانت ايديها ترجف الضربه ع خدي الظاهر جرح ..
بس ماحاس بي ..
بسمه ..
انتي الشوگ لو العاكول ..
شنو ؟
شبيك سهيل الضربه اثرت ع راسك..
شنو شوك شنو عاكول ..
لحضه هوة مكال شوك كال شوگ..
سهيل شكو ..
ماكو شي ..اليوم عرسي ..
وكفت ايدها ..
اي ع الخير ..
بسمه ليش كلتي متستاهلك تعرفيها انتي ..
ذبت الكطن وبقت تباع عليه ..
لا ماعرفها ابد ..بس اشوفها جبيرة عليك ..
زين ..
تعرفين حيدر ..
حيدر منو ..
واحد هيج وهيج شكله من اصدقاء سلطان شايفته شي
يشتغل بنه ..
صفنت..ماذكر ليش سهيل ..
مجرد سؤال ..؟
اوكف سمين وقصير ..
اي اي عفيه ..
مرة سوالنه الغرفه ..بس سلطان مقبل اطلع اله ابد
شعجب ؟
شنو شعجب ..
شيعني اقصد كدامنه عادي طلعين
سهيل ليش تاذيني بكلامك كل كلمه والثانيه تحسسني اني رخيصه ليش؟
لا مو هيج قصدي ..
وخرت من يمي ماعرفة شفتني اعرف الكل ..
كمت .هذا هوة فتهمت بسمه ..
وين رايح .ابقى اتغدة وروح ..
ماريد ..
ابقى واني هسة اشوفلك هذا مين ..بس ليش..
بدون ليش ..
بقيت كاعد ام بسمه اجتي وصبت غدة وكعدنه ناكل ..
اني فكري كله بحيدر لو اندل سجنه اروح اله ..
لان يوميه يكولون اليه سجن وينقلو ..
ورة مكملنه الاكل..جتي يمي بسمه واتصلت ..
ماعرف منو بس ياهو الي تخابرة ..
تساله ع حيدر يكولها ماعرفه ..
اخر شي اتصلت بواحد ..
منو هذا ابو العماله
اي ..
شتردين منه ..
شغل بيت اهلي ..
وانتي عفتي الكل رحتي ع هذا النكري والوسخ ..
يعني شنو هوة شغل شعليه بي ..
بسمه سلطان اذا يسمع يكسرج ..مو فترة شتغلنه ةياه ..
اي اذكر ..
اي ميفيدج ..
ليش
اول شي انسجن وشغله كله كلك ودربه حيل اعوج وضحك
شبيك هارون متحجي ..
ولج كيطب بيت اذا مينكسه ويشتغل ع النسوان هم ..
اني انصقعت ..
اسالي وين سجنه ..
وين سجنه ..
اوكفي سالفتج مو عماله احجيلي شكو ..
ماكو شبيك هيج انسى ..
وسدته ..
سمعت ..شكو سهيل ومنو هذا ..
خليت ايدي ع راسي معقوله
هوةةشنو الي معقوله ..
بسمه اني تعبان ..حيل ..
شبيك ياعيون بسمه ..
ماعرف شداسوي بحالي ..حياتي مثل الي يصعدو دولاب ويفرو حيل وينزلو ودايخ مدافتهم شي ..
جتي كعدت يم رجلي ..انت الي تريدة شنو ..
اريد ارتاح بس والله ..
ماردت شي جنت احلم بلفلوس صح ..
بس من جتني مشاكلها مخلصت ..بحياتي تعبت ..
حبي الي تريدة مني شنو كولي ..
انت مو اليوم عرسك ..
يكولون .
مو تحبها ام ثوب الاحمر ..
سكتت..
نفسها .
بعد شكو سهيل حلمك ويمك صار ..
بقيت اباع عليها ..اكو بكلبي قهر ماكدر اتحمله ..
روح الها سهيل واني اطلع من حياتك واخلي سلطان يبعدني عنك ..بطريقتي ..
بسمه ماكدر ..
شنو
ماكدر ع بعدج ولا اكدر اشوفج بحضنه ..
سهيل انت تعبت وتعبتني وياك ..
دربي مسدود ..ولا يوم يتلاكن دروبنه ..
كلامج تغير ..بسمه ..
لمصلحتك سهيل .
شوف امي من شافت فلوسك شلون تغيرت عليك ..
ميهمه لا حلال ولا حرام المهم فلوس ومنو الي يدفع اكثر .
لا تكولي انهزمي منهم ..
وين اروح ..اذا سلطان واحد..
فالف سلطان الكه بشارع ياكل بلحمي ..
كافي ..بسمه ماريد اسمع شي ..
اني رايح ..
سهيل انت حاير ..لا تاخذ قرار اذا متصفى ..
جتي قريب ولزمت ايدي يعني لا تزوجها اصبر واخذ قرارك ..
ماعرف شكولك بس لا تستعجل
تعرفين شي عليها انتي
شبيك سهيل المرة مبينه مستورة ..
ماظن بسمه ..
وحدة شوك ووحدة عاكول ..دخت بيكم اني ..
مدافتهمك
ولا اني الي افتهم..
المهم لا تزوج اليوم اصبر ..
رايح اني ..
طلعت بعد ماصارت دنيا لليل ..
قبل لا اوصل راس الشارع اتصلت بسمه بيه ..
سهيل ..عفيه لا تخلي بالي يمك ..
ماكو شي لا تخافين ..
رجعت للبيت ..
جان البيت بي اجواء احتفال ..بهاي الفترة اعصابي انتهت بين توتر وقلق ..وحيرة ..
دخلت راسي مضبر وجرح بوجهي ..
امي شهكت ..
كتلها ماكو شي لا تخافين ..عركه وعدت ..
يمه من الصبح ليهسة وين جنت وعروسك هنا بلبيت .
بشغل ...
مممم انه اعرف هاي فكر شوف كرفتها  طكتك.
منا لسنه تكرفك شون كرفت هذاك ..
امي مكافي عفيه ..
وينها شوك ..
مدشوف قرودتها بلبيت وين يعني
فرت بايدها بغرفه والبنات يمها .يزوكنها ..
ناقصني قرود وجبتهم علي ..
اريد اسبح تعبان ..
قبل لا طب للغرفه ..طلعو خواتي منها ..
شبيك شكو ..وضحت الهم ..الي صار
طبيت للغرفه جانت شوك كاعدة مقابيل الميز ..
يمكن جانو
يسون شعرها هيه وكاعدة شعرها يطخ بلكاع ..
كامت عليه ..
شبيك وشبيك ..
فتحت الباب امي مابي شي يمه ..
هاي بياض العرس .بعدة ممعرس تعارك ..
الله يستر ..وسدت الباب
وين هدومي  شوك بصفي انطتني دشداشه بيضه..
شبيك ..
ماكو شي شكد اعيدها عركه وبس..
واليوم تتعارك ..
كتلها ضايج ووكفت براس الشارع ادور عركه..
اكعد ارتاح ..
كعدت افرك جسمك ..
ذكرت كلمه بسمه ..
كمت لا ..اريد بس اسبح ..
شبيك سهيل ..
مابيه ..
اخذت هدومي وطلعت...
فتحت الباب امي بوجهي ..ها يوم شكو ..واكفه بلباب
كالت ماكو شي ..داريد احد يشوفلي دوايه ..
يمه اريد اسبح ..
فتحت عينها ..شبسرعه راح تسبح ..
شنو يوم ..قبل لا طب مو كتلج راح اسبح شبيج كلش طابكه فيشه ويايه .
خلف الله عليك ..اني فيشه ..حبلت وكبرت وصرت فيشه ..بعدك ماشفت خيرها وصرت فيشه .
ماعرف يامي اضحك لو ابجي لو ادك ع راسي
حتى ترتاحين شويه ..
وخري مني
طبيت سبحت
طلعت هلال وصفك وصينيه مال حنه ..
مكسور واهسي من كل شي ..
دايخ بشوك وحيدر وماعرف ليش اسرعت ..
اسرعت اضوج بسمه..
لا اني الي احب شوك ولا اني الي احب بسمه ..
عدت الليله هوسهه بهوسه ..
قبل لا يكملون حفلتهم عفتهم وطبيت للغرفه .
جانو حلو مرتبيها من بردات وفراش وكل شي ..
شويه وطبت الي شوك ..
جنت مدد واباع تي في ..
طبت ..وكعدت يمي ..
بيك شي ..
اكولج شكد عدتيها بيك شي بيك شي شبيج .
لا مابيه شي ..
خلص اسكتي وبس ..
سهيل مداعرفك ..
ولا اني اعرفج منو انتي ..
طلعت ..دخنت جكارة برة ..
وطبيت لغرفتي ..شفتها مبدله ملابسها لابسه شي خفيف لونه بصلي فاتح وقصير وغاسله وجهها ..
بقيت اباع عليها ..الشعر جوة الركبه ..اسود جنه لليل ..وسمارها الي يخبل وصفاء وجهها ..
وشاماتها ..ع الركبه والوجنه
سديت الباب ..ابتسمت الي ..
وكفت يمها هاي شلابسه ..
شنو .
.جريتها شوفي نفسج ع امرايه..
عريانه انتي ..
سكتت..اني مرتك سهيل ..
مرتك ..مو ..
وانتي بدون خجل ذبيتي هدومج وصلختي ..
سهيل تريد ابدله ..بخوف تحجي ..
عادي عندج تنزعين هيج ..
كومي ستري نفسج ..قسم بالله شعرايه منج تطلع لا ازينج صفر واخليح عبرة للكل وباب المطبخ متخطي ابد ..
لا فون ولا سوك ولا شي ..لو جنازة من اهلي تطلع واني ماكو ماطلعين
كعدتج هنا ..
اي اي ..تدلل..
واذا تردين روحي نامي يم جهالج بغرفتي القديمه..
انت ليش زوجتني ..
مالج شغل ..تنامين هنا لو برة احجي ..
بكيفك ..سهيل بس ليش جبتني لهنا .ترة جنت عايشة
بدونك ..واشتغل ..
اي شتشتغلين..
تعرف شغلي ..
لا والله ماعرفه ..
عيشتج احلى جانت مو ..
ولج لا تخليني اكسرج انطمري واسكتي ..
جريت غطايه ودرت راسي عنها ..
كمت كلما اشوفها اتخيلها وي حيدر ..
واذكر كلامها ويايه وصدها ورفضها مجرد كذب بكذب ..
بديت اضوج منها حتى صوتها ينرفزني ..
لعد ليش ازوجتها ..
ماعرف المهم اخذتها ..الي ..بس مجنت اتخيلها هيج ..
وحيدر جان للفجر يله يطلع منهم ..
بنص اليل اسمعها بصفي تبجي بحس ناصي ..
كلش..
غمضت عيوني وخليت المخدة فوك راسي ..
الله لا يوفقك يابو النجم ..الي يلمع
كون احضه بيك من جديد لا ماخليك تمشي عدل ..
كعدت الصبح ..
شفتها ماكو يمي ..
كمت فزيت من الفراش ..
طلعت برى للمطبخ شفتها واكفه ع الطباخ ..
شعندج كاعدة من الصبح ..
اندارت عليه صباح الخير ..
شعدج كاعدة ..
كمت اسويلك ريوك الحجيه كالت يكعد من وكت ..
رحتي لبيتج ..
لا والله ..
انطيني المفتاح ..
بلغرفه ..
رحت اخذته ..
بس فهمني شبيك ..
اسكتي ..
هاي اني شوك ..هذا طبعي يعجبج ابقي مايعجبج .
الله وياج ..
ليش فدوة لعينك .شغيرك بسمه..تحبها مو .
اذا تحبه ليش اخذتني ..ليش فهمني ..
عفتها ورحت بدلت ..
جابت الصينيه ورايه ..
جرت طبله وخلتها ..كبال الجربايه ..
كعدتى..تعاي اكلي ..
لو هاي متعرفيها ..
سهيل وين تريد توصل شنو ابالك ..
لا ضلين تونين هوايه ..اسكتي .
..تريكت واخذت فلوس ويايه ورحت ..
للشغل ..
بين اي ولا خفت لا يغدر بيه ..
لو يحركني يم سلطان بس الحياه فرصه ولازم استغلها ..
وديت الفلوس ..اله ..
وكال مو مهم اجملك اني بعد .
وعلمني شغل جديد ..
حسيت اكو حقد لسلطان اهنا بديت ارتاح ..
اريد يكسر سلطان بيه ..
وكمت اشتغل سر ا بدون احد ميدري ..
يوم يجر يوم ..
يوميه اطلع من الصبح ارجع لليل..
اكثر التجار اعرفهم مو غربه ..
حتى جوكر ميعرف بشغلي ..والرجال دز ويايه كم واحد ..
ولد جوة ايدي ...
خلال 10ايام ..زيدت الربح في عشرة ..
بضاعتي انظف من بضاعه سلطان وابيعها ارخص
اكسب زبائن ..الي ..
وبدة النجم يلمع ..الي والحياه تغيرت ويايه
متقربت لشوك ابد ..
بس جانت دروبي تاخذني لبسمه اروح اطمئن عليها ..
وارجع وانطي فلوس لامها ..
رجع سلطان .
وستقبلناه بلذبايح والهلاهل ..
كم يوم ورجع للشغل ..بس تفاجئ اكو منافس سري اله
السوك جان كله منافسين ..واحد يكسر الثاني ..
والشغل علني لا كبسه ولا خوف خوفنه من الامريكان بس
وانتشارهم بدة يخف
بسبب الاوضاع الامنيه ..
هنا سلطان تخبل يريد يعرف منو ..
بس ماعرف ..
واستمريت بشغلي حتى جوكر ميعرف بي ..
يوم ورة يوم زاد ..كل صفقه مردودها اكثر .
اجرت بيت وكعدت بي الولد ..
وبدة الشغل العدل ونفس الوكت بعدني يم سلطان ..
شيجيب ..وشكد يبيع ..
اروح اسوي نفس الشي ..واكسرة بي ..
الاان جن جنونه ..وتخبل ..
وصل اسمي الي بسوك يمه ..
منو ..؟
نجم ..
صار ..مرضه نجم ..منو نجم ..
محد يعرفني سهيل الكل نجم ...
ذبيت حملي كله شغل بشغل ..
بسمه يم سلطان بس سلطانه مو ذاك الولي ..تغير وتعب وبهاي الفترة سفر اهله خارج العراق لان العراق،صار .
استراحه للمافيا والارهاب ..والعصابات
وهوة مهدد..
يعني ممستقر يمنة رايح جاي ..
فديوم سافر سلطان ..هنا بدة العد التنازلي بعد لو اكون او لا اكون ..
اخذت بسمه ..
وين ..
امشي ..بسمه انتي صدك مطلكه ..
اي والله ..
امشي اسفرج
وين ..
معليج ..ناس تستقبلج من الالف للياء ..
ترضين ..
هزت راسها اي ..
وفيت بوعدي وياج يا بنت العالم ..
وانت ..
اني ..اخ ..بحياتي اثنين ..بس لا متهني بيج ولا بيها ..
حسبتي مثل من الصبر للكبر ..
تاليها ..
لا اسم الله عليك ..
سهيل ..
نعم ..
اني احبك ..وشبكتني حيل ..
اني هم ..شبكتها بكل قوتي وبقيت راسي يم ركبتها
جنت محتاجها هوايه بحياتي ..
رفعت راسها ..
تجيني ..لهناك ..
ماعرف ..
ماكدر اعيش بدونك ..حرمتني منك ..
كلت ميخالف ..
لا تحرمني من شوفتك سهيل ماريد غيرها ..
اني انتظرك ..
وخليت اديه ع قلبها وعد هذا ميدك لغيرك ..
يلا بسمه ماكو وكت حضري روحج ..

حجزت الها بشركه بهويه مزورة هيه والبنات وسفرتها للشمال..وهناك اني مكمل كل شي الها ..
حتى الباب متطلع منه كل شي يوصل الها لداخل الشقه ..
اختفت بسمه من حياه سلطان ..
وسلطان يوم ورة يوم ينكسر من شغل ومن غياب بسمه .
حتى الولد بدو يتركو ..بقيت وياه ..اريد اشوف نهايته ..
بقى يدور ع بسمة بس هلمرة محد جابها اله ..
كال ..نهايه نجم قربت ..ايام وينكشف الي ..
ولد اريدكم يمي شون ماكسرني اكسرة
وامحي من الوجود ..
سهله استادي ..
بديت احس حتى جوكر يشتغل بلخفاء ..
بس جنت مغلس عنه ..
حسن بعدة ..مزوج اختي ..
يوميه نكول باجر ومتصير ..
شوك ..موجودة بلبيت كل تصرف منها ينرفزني ..
ويخليني ..اشك اكثر بيها ..
حتى العطر اذا خلته احسها ..تخون بي ..
يمكن ..دخول بسمه بحياتي سبب جبير ..
بشكي بشوك ..
خليتها بلبيت ..ارجع كل شي كامل ومرتب .
من اكل من شرب من كل شي ..
امي كفت بلاها عني من شوفني هاملها ..
والحياه تمشي جانت ..مثل ماريد اني ..
منطقتي امنه الي ولاهلي بيها الفقر يسود ..
مابيها الي يريد يصعد ع دم الثاني ..بيها ناس عينها ع الماعون ..وتريد الستر ..
بقيت بنفس منطقتي ..
فديوم طبيت للبيت ..
البيت وضعه مكهرب ..
شكو ..بيبي تخربطت ..
لا ..
رحت ادور عليها نايمه بلغرفه .
هايمه خيرج شبيج ..
مابيه شي حبيب..بس دخت وطحت..
ليش يمه رحتي دكتور ..
لا يمه  جاني المضمد طلع سكري نازل ..
سلامتج يمه ..
جرتني يمه هاي شويكه خوش مرة ..
شلون ..
والله لوما هيه جان هسة تاكلون ثريد بفاتحتي ..
هههه اسم الله عليج حجيه ..
والله بس طحت ..راحت ركض ..جابت المضمد
الف خلف الله عليها ..
شنو ؟
ي والله ركض راحت بعباتها ..
صحت بعلو حسي
شوووووووووووووووووووووك
وللحكايه بقيه  🌹