نجم سهيل

بارت 7

بقت صافنه عليه ..حسيت بستغراب منها ..
مجنت اشوف  كدامي شي ردت اوصل الها احساسي صار سنين واني اتعذب من اشوفها ..
قربت شفتي من ركبتها ..
احس ..نار بجسمي ماكدر اسيطر ع نفسي وياها ..
شميت عطرها ..وحسيت بدفو جسمها  ..
دفعتتي من صدري حيل ..وبقت تخزر بيه ..
وخر اريد افوت ..سهيل شجاك تخبلت شنو هلحجي .
وتححي همس عزة بعيني لا تخزينه ..
شوك اني اح ..
خلت اديها ع شفتي وسكتتني..ودمعه بعينها ..
واندارت تتلفت  اسكت ..دخيل الله ..
متوقعتك هيج ..
ودفعتني وراحت ..
بقيت واكف بمكاني ..ماعرف شسوي. .
ولا اعرف ليش هيج سويت ..
كرهت روحي ليش ماسيطرت ع نفسي

فتحت ..الثلاجه ..
وركعت بابها حيل اكثر من مرة الغراض الي بلباب وكعت ..
شداسوي اني ..
انفتح الضوة ..اندار امي ..
يمه اسم الله شجرة الك وليدي ..
ماكو شي ..بس الباب متنسد ..
دنجت الم الغراض ..
لزمتني ..من جتفي ..
سهيل يمه عصرت روحي شبيك ..
عطت بوجهها رجعت ليورة ..
شبيه شبيه ..باعي الفكر الباب وكعت
عايشين تلزيك احنه ..
عمري ..29 سنه وتكولين شبيه وينه عمري الي ضاع مني اني منو يوم ليش خلفتينه للعوز والجوع والحسرة ..
ليش ..وكمت اكسر بلغراض ..
امي عاطت ..سهيل بس ..كافي ..
وكعدت بلكاع ..من شفت عيونك اليوم عرفت وليدي ضاع مني ..ولك ماخلفتك للعوز اني ..نسيت ابوك شنو جان والعز ..الي بي انتو ..
نسيت ..شكد احجي واكول روحو راجعو خلك الله كله استلم حقوق بس انتو ضليتو ماتحركتو وجاي اليوم تلومني.اخذتكم كلكم وبقيت احوكل بيكم ولك جنت نوم مانام ..اخاف عليكم من الامن .وابوس بلايادي علمود شغل ..شوف ايدي راحن من غسل الحمامات والقذاراةوتلوم بيه  ..ليش خلفتك ..
سويتك رجال...
اييي الومج طكت روحي ..من عيشتي خرب بهيج عيشه ..
اسكت ..لا تحجي شي ..
انت ضعت سهيل ..شفت الفلوس تبدلت علينه ..
جتي جنه ..شكو شبيكم ..
ماكو ماكو عفتهم وصعدت ..فوك ..
خرب بعيشتي ..خرب بحياتي .
من ضيم لضيم لقهر
صعدت جنه ..
شبيك خويه ..
مابيه جنت كاعد ..ومنتجي ع الحايط ..
وادخن
شبيك حبيبي ..
دنجت راسي ..كل موقف يوجع صار كدامي من ..ابويه واخويه للفكر وحسام واخرها سلطان ..ومصيبتي ..
اريد اكولهم اني واكع بمصيبه غصب والله غصب .
كمت ابجي ..بصوت عالي ..
واضرب راسي بلحايط ..
جتي قريب يمي ..
سودة عليه شبيك ..
مابيه شي تعبان تعبان ..لو اصرخ من الصبح لليل واكول تعبان مارتاح ولا راح ارتاح ..
تحب شوك ..
مسحت دموعي ورفعت راسي ..عليها ..
شدتححين جنه ..
انت ابويه واخويه ..اعرفك اذا تتنفس واقراك من عيونك ..
شصار ..سهيل ..
ماكو هيج شي ..جنه ..
كمت افتر بلسطح ..
جنه طلعي من راسي ..اني مضغوط ..هلايام من شغلي ..
لا سهيل ..شصار .هسة
جنت نايمه و.انكلبت ..شفت شوك ماكو ..
شويه وجتي ..تبجي ونامت شصار ..
مصار شي وسدي هلموضوع ولا تفتحي بعد ولا تفكرين بي ..ولا تحجين بي ..
سهيل انت مو اخويه انت ابونه ..
انت الي كبرتنه ..
تذكر من جنت  ..تشتغل بلعربانه ..
وتجي تخلي الفلوس بايدي ..
تذكر ..
ي اذكر ..هوة اكو شي مشتغلته ..
سهيل راح انسى كل شي ..بس اكولك شي ..
كضيت عمرك كله انت تعبان وعفت خلك الله كله وحبيت ..
شوك هم مزوجه ..وهم عدها جهال ..
هسه انسى كل شي وروح ع امك صالحها .وطيب خاطرها خطيه ..
سكتت معرفت اجاوبها لان مو بيدي ..الي سويته ..
ولابيدي احبها
هسة انزل ..
عافتني ونزلت وبقيت وحدي..
افتر ..بلسطح ..السطح والسطح ..
هه ..السطح صغير ..كلش ..
اكو تنور بي من طين اني سويته بايدي ..
واكو برج ..مال طيور ..
وبيتونه عود ..بس مكملتها لان فلوس مكفت .اسويها ..
وهنا فراشي اخلي ..
كمت ادخن وحدة ورة الاخ ..اريد انسى الي سويته ..
وي شوك هسة شتكول عليه ..
بس مو بيدي ..عبالك ..شي .بداخلي دفعني الها ..
ضعفت واني اشوفها ..كدامي ..
ومن اخذت الثوب مطلعت من بالي ..
وكل شويه اتخايلها بي ..
يعني اني داخل نفسي اكول صدك بطران ..
بيا حال وفكري يم شوك ..
نزلت جوة ..يم امي ..
شفتها كاعدة وكالبه الخلقه امي ..
دومها تلبس اسود ..ولافه الشيله السودة ..
ومن تعدلها اشوف شعرها. .تسوي ضفيرة ..
ابيض كطن ..وجها ..تعبان .واحنه تعبناها. 
كعدت يمها ها يمه شبيج ويايه. .
اني لو انت سودنت علينه ..
لزمت اديها وكمت ابوس بيها ..
كامت تبجي ..
سهيل بروح حسام ..فلوسك حلال ..
شبيج يمه ..
وخليت راسي ع رجلها ..
يمه عمر واني كاسرة ضهري ماريد لكمه حرام ببطونه ..
لا يمه مو حرام بس خطر ..
بيومه ليش خطر بشنو ..
كتلها صاير ع الحدود والحدود ممأمنه ..
وتعرفين الباقي ..
عوفه يوم ..مانريد هيج خير ..
ماكدر ..
وتلعب بشعري ..
ليش ..
اخ شكلج يايمه شنو ليش ..
كم فلس الم واكعد ..
يمه لا تحرك كلبي ..
لا ماكو شي ربج الي يحفظ ..
اوةف لا تخلي بالي يمك ..
لا تحسبين ماكو شي ..
وبقت تسولف ويايه ..
ياريت تقنع بكلامي ..
شوووك ..
زوجت صغيرة ..اني من قريه ..من الوسط ..العراق
زوجوني اهلي ..لياسر اكبر مني 15سنه ..
زوجت ..وكل شي ماعرف ..يمكن زوجوني بهيج عمر حتى تخف المسؤليه ..عنهم ..امي ماتت واني صغيرة وابوي زوج ع امي ..وعشت جوة مرت الاب ..لحد مازوجوني ..
اول يوم عرسي ..اكتشفت الزواج مو مثل الافلام ..بدله بيضه ..وحب..مثل مابفكري ..عرفت الزواج ..
لليله سودة وجر لليالي وياها ..
من اول يوم ..تعرضت ..للتعنيف ..وبيومها جان شارب من اتقرب مني نفسي ..كامت تلعب.  من ريحه شربه القويه. .
كلت يوم يومين ويتغير ..بس بمرور الايام اني تغيرت مو هوة ...
ياسر ..بس بلاسم رجال ..بدون شغل ولا شي ..
جانت تمر ايام حسرة عليه الخبزة ..ومهم عندة المزة والشرب..اهم مني ومن اطفاله ..
خلفت اول طفل ..والثاني ..
وكلت التوبه بعد ..
جان يشتغل ..يوم وعشرة لا ..واكثر من مرة يدزني للبيوت اروح انظف اسوي الهم اكل ..واجيب الهم فلوس واكل ..
من اهل البيت ..لحد ما ..بنينه بيت ..اوشبه بيت ..بهاي المنكقه. .وكمت اخبز وابيع بس شغلي قليل كلش ..
جنت بلبوكه اطلع ..اروح كم بيت اندلهم ..انظف الهم وارجع .ومحد ميعرف بلمنطقه شنو شغلي ..
اني حلوة ..واشوف بعيون الناس الطمع بيه ..
من الشارع لحد ماوصل للبيت ..
حالي من حال اي ..بنيه تريد تحس بانوثتها. .
الي انعدمت وي رجلي ..وانتهت جنت وياه مجرد ..
اله ..اشتغل واجيب فلوس ..ومرات يطلبني للفراش ..
المهم عندة الشرب وبس ..
مرت ايام وحبلت بابني الصغير ..غلطه صار ..
ومردته وردت انزله بكل الطرق بس مكدرت ..
والله قسم اله عيشه ويانه بلفكر الي بي احنه ..
جبت وتعرفت .ع جيراني ..بيت ام سهيل ..
جانو كلش خوش ناس وحبابين ..
فديوم ياسر ضربني ..
ومن يضرب الا يدميني يلا يعوفني ..
ودخلو فزعه بيناتنه وبقت علاقتي بيهم ..
بس همه اطب عليهم ويطبون عليه ..
ولو من ورة ياسر محد يطبلي ..
حتى الخبز من الباب ياخذو ..العالم
جان عدهم ولد اسمه سهيل ..
سهيل ..حلم كل بنيه ..انسان ..خلوق وطيب كلش..
رغم فقرة ..وحالته الماديه التعبانه ..
بس طيب ..وكد ماخواته يمدحون بي حبيته ..
ع طاريهم..وجنت ادعيله ..
جنت اشوفه من بعيد لبيعد ..
ويسلم عليه ..
سهيل .اسمر ..وطويل .وصدرة عريض ..عبالك من هذول الي بلافلام ودائما مربي لحيه خفيفه شعرة اسود عيونه كبار سود ..ملامحه حلوة وتجذب الي يشوفه ..
رغم ..قساوته عيونه ..مرات احس بخوف من اشوفه احس بي هيبه ..
من كمت اطب واطلع عليهم عرفته اكثر ..
مرات المرة تحس بلنضرة ..
شنو معناها ..
سهيل ماعرف نضرته الي،شنو ..رغم هيه ..
مجرد لمحه منه ويدنج ..
بس جنت احس بيها ..اكثر من نضرة ..
هنا كمت اجنبه ..اني ..
مو من حقي اباع عليه ولا افكر بي ..
ولا اخلي ابالي ..
وكلما اشوفه ادخل جوة ..
حتى طريقه كلامه ويايه تختلف ..
احسه يرتبك ..من يحاجيني ..
الي ..صدفت مرة دخل علينه ..
وسوة النه السنك ..
حسيت احساس غريب وهوة بصفي ..
حسيت بلامان الي نفقد عندي..
مجرد وهوة بصفي ..وجودة يحسسني بماكو خوف من كل شي ..
ومرتين او اكثر يفزع الي ..ويضرب ياسر ..
كل يوم اكو شي بداخلي يصير واني ..
اموته ..اخاف ..ماريد ابني شي ع وهم ..
صار سنين ..كدام ياسر اتعرض للحرشه من كلام  وهوة ولا يمه ولا يحس بشي ..
وكل مرة اصد وماخلي احد يتقرب الي. .
مو اني الي اخون ولا افكر بيوم . اسويها ..
اخاف الله باطفالي هذا هو هذا قدري اعيش هيج ..
فديوم جنت يمهم مثل كل مرة من اطلع من ياسر
رحت داجيب مي لابني ..
ا ..صار بوجي سهيل ..
تقرب مني مخلاني اطلع ..
نضراته الي ..جانت غريبه نضرات تحجي ..وبيه لهفه وشوك
حاولت اطلع صدني ..
لزمني ..وحسيت بنفسه تقرب مني ..
يم ركبتي ..
وكال احبج ..
بلحضتها ..ضعفت كلش ..
بس كدرت اقاومه واقاوم نفسي ..
وسكتته ماريد اسمع هيج كلمه ..
ومن منو منه ..صعبة حيل ماريد اعيش بشي ..
ماكدر اوصله. .ابد ..
دفعته وطلعت..ابجي ماعرف ليش ..
يمكن اتمنى انسان مثله بحياتي ..يمكن هاي اللحيه والصدر العريض اتمنى انام عليهم باحلامي بس ..
او يمكن حركته وكلمته حركت بيه ..احسايس ماعرف طعمها .بيوم ولا اعرفها ..
عفته ورجعت للغرفه ابجي .. مو اني اسوي الحرام ..وحتى لو فكرة ماكدر افكر ..
وغطيت راسي اريد انسه ..
كل شي صار بيناتنه وراها
حتى سهيل ..يفكر بيه ..هيج ..يفكرني رخيصه بسبب هذا الحقير ياسر عباله متاحه للجميع ..
وكلما اذكر نفسه ..ع جسمي ماعرف شنو يصير بيه ..سمعت صوت حجي ..برة
وصياح منه بقيت ارجف بفراشي
خفت لا احد شافنه وسمعني. .
شريد احجي وشريد اكول ..
اخ الله ..
انفضحت اكيد ..ولا كدرت انام ولا تغمض عيوني ..
دخلت جنه ..رفعت راسي خير خوما اكو شي ..
لا نامي خيه ماكو شي ..
بس امي وسهيل شويه تلاغو ..ليش ..
من ورة شغله ..
اووف الحمدلله ..محد حس ..
باجر من الصبح اروح لاهلي ..
حتى لو اعيش خدامه اروح ولا ابقى هنا ..
دقيقه ...
سهيل ..
بيومها مانمت ..ولا كدرت انام ماعرف،شنو صار بيه ..
انتظرت الصبح يطلع واطلع من البيت ..
وانسى كل شي صار .
واخذ الثوب اذبه بشارع ولا افكر بي ..
شكد عيب،منها ..شتكول عليه هسة ..
.انتظرت الصبح يطلع ..
حتى اطلع من البيت ..
الي،بي اني من عصبيه وضوجه  خلك سببه سلطان اكيد ..
شلون اخلص منه واخلص روحي
من عرفته لليوم اعصابي متوترة ..
كمت حضرت نفسي وبدلت ..
واخذت غراضي امي جانت كاعدة ..
شفت القوري ع النار ..
اكثر الايام من يبرد الجو امي تطلع بلحوش ..
تكعد ..وتتريك هناك ..

طلعت شفتها كاعدة وفارشه ..
جيت يمها صبحت عليها وكعدت ..
كالت اكوم اجيب الصينيه ..واجي ..
كامت اسمعها تحجي ..بظهري المطبخ وبوجي باب البرة .
مديت راسي شفت شوك لازمه جنطتها وجهالها..
يفركون بعيونهم ..
وامي تكولها والقرعان ..متروحين والدتي متكول والقران ..
لا والقرعان مطلعين وهيه تلزم اديها تحجي ..
كمت ..من مكاني ..
وكفت يمههم ..شكو ..
رفعت وجهها عليه كالت رايحه لاهلي ..
مالي عيشه هنا بعد ..
ليش ..
احساس حقير بداخلي ..بسببي راح تطلع
انه ادري يايمه شجره الها ..وتريد تطلع من الصباحيات ..
خاله كافي حملكم ..فوكاه اني وبعد مالي عيشة هنا ..
ياسر هوة هوة..عسى ماخدم بيوت ولا ابقى يمه ..
شوك ..
نعم ..
ابقي هنا يم البنات ..وانه ادزلكم مصرف ..
امي راحت ..جيب الخبز ..
كتلها مطلعين منا ..
واذا عليه هسة اني طالع ..
حتى ماتريك ..
لا سهيل ..مو هيج ..بس اني ..مو مثل الي ابالك ..
لا هيج واكثر بسببي طلعتج. ومبالي شي موزين عليج.واني اسف ..
بلي صار ..وقسم بالله ..وتقربت منها ..
لو تطلكين انه اخذج ..
وحتى جهالج اربيهم
اني اطول منها بهوايه ..
رفعت راسها عليه ..
نضرة ..استغراب ..منها
طبت امي ..كلت لجهالها ارجعو للفراش ..
يباعون ع امهم ..ارجعو ..
حجايه مني من امي ..رجعو ..
وطلعت من البيت بدون ريوك وخليت ..
باقي فلوسي لامي ..
واخذت علاكتي وطلعت ..
وصلت لبيت سلطان ..
طبيت الجوكر مقيم بي ..جان ..ماعرف اهله وين ..
وشنو ..وضعهم ..
كال متريك ..ابو الهيل ..
لا والله ..
امشي ..
وين ..
نتريك ..
والسلطان ..
مو هنا بيته ..
يابيت ..
يم اهله شبيك ..
هااا مزوح ..
اي طبعا ..
طلعنه بسيارة ..شغل اغاني ويفتر وداني يم واحد يشوي ..
كعدنه ..كال اطلب ..
بقيت اباع عليه شطلب..
مشاوي غير ..
صاح الولد كله ..نزلنه ..
نفرين تكه ..ونفر معلاك وشيش ليه وطماطه ..
تريد ليه شوي ..
بكيفك
سويهن شيشين ..
وبقى يسولف ويايه ويقنعني اطلع من الي بي واعيش حياتي مثلهم
ولك هذا خير وانفتح عليك ..لييش انت هم عايش جنت ..
جوكر شسمك انت .الحقيقي ..
اسمي حسن ..
اهلك وين ..
نزلو الاكل..ريحته جانت تكفخ بخشمي من زمان ..
ليش اكذب مايوم متريك هيج ..
اكثر شي بلبيت ومن برة ادز قشطه شي ..ع كد فليساتي ..
حتى اوفر منها لاهلي ..
سميت باسم الله وكعدت اكل ..
اهلك وين ..
وكف الجوكر عن الاكل ..
ميتين ..
شلون ..
بلقصف خويه ..
ومحد منهم طلع ..
لا والله..امي وابوي واخوات 3
اوف  يابويه  ياقصف ..
الامريكان ..بيتنه جان قريب ع معسكر وراحو بيها بس اني جنت ..طالع ..بيت عمي ..بيومها
الله يرحمهم ..
هم عن هم يفرق ..جوكر مكمل اكله ..وطلب جاي ..
حسيت الموضوع حرك روحه ..
اما اني اكلت اكلي واكل جوكر وكمت كوة ..امشي ..
ضل يضحك عليه ..
طلعنه راح بشغله ..ونزلت وياه اخذلي ملابس ..
واحذيه واحزمه ..وهلسوالف ..
والله احس روحي طفل وفرحان بهدوم العيد ..
وكل ماذكر الي صار وشنو شغلنه ارجع انقهر ..
رجعنه للبيت السلطان بعدة مجاي ..
كعد جوكر ينركل ..واني كاعد يمه ..
اسمع صوت سيارة شحطت بلكراج ..
طب سلطان ..
واسمع صوت مره تعيط ..
وطب من الباب ..
جوكر بقه كاعد ..
فات من يمنه سلطان ..
كال السلام عليكم ..
وجار بيدة ..بنيه وهيه تصرخ اخ عوفني ..هدني ..كلب حقير ..من شافتني كالت ساعدوني فدوة مابيكم واحد ابو غيرة ويخلصني ..من هذا الحيوان ..تقصد سلطان
واستمر يجر بيها ..حيل ..بلممر وتصرخ
كمت اني ..الجوكر كعدني ..
اباع عليه ولا يمه ..ولا مهتم
اكعد ..
ولك شنو هاي ..مدشوفها خطيه
هاي الشفرة مال سلطان ..
شنو يعني ..
ضحك ..الحب مالته يوميه منهزمه ويجيبها ..
شنو ابالك ..يتحقق..بس كلمه منها...
وللحكايه بقيه ..