نجم سهيل

بارت 10

اني لازم احجي وياها ..مابقى هيج اني معلك بيها ..
واخلي لكل شي ..حد ..
ثاني يوم ..مثل الطفل ويريد امه ..ردت شوك موجودة راحت جنه من الصبح اني تعلمت ع نوم الظهاري ..
مقبلت شوك ..تجي
من كعدت وكالت ..رجعتها ..
دزي عليها احاجيها ..
متقبل تجي لا تلح انت مطلعنه النه لو الها ..
لخاطري جنه ..
راحت ..كالت ..مو علمود شي ..بس ماعندي هدوم الي وللجهال اطلع بيهن ..
سودة عليه ..
اختي كامت تضحك ..
لا بيضه عليك دعوفها ..
اوكفي رحت للغرفه ..جريت هدومي ..طلعت فلوس ..ورحت يم اختي ..دتجلف الطباخ ..
جنه ..هاج ودي هذول خلي تشتري الها وللجهال ..
سهيل شجاك سودنت ..
لا ولج خطيه ..
اوف اوف وشمرت السيم ..شلعت افادي ..
اوكفي لا تكولين اني عود منج وهيج قنعيها ..
اخ منك موتتني والله امي لو تدري تعلكك بلبنكه ..
الي دسوي اكبر غلط عينك ع لكمه غيرك ..
معليج انتي هسة ..
مو عيني عليها بس احب اساعدها ..
راحت اجوي الولد ..سلمت عليهم ..
وكعدنه نسولف ها. وينها عزيمتك ..
مو هنا برة ..
خوي ماتكلي شتشتغل رحمه لجدك ..
خاف طالع النة ورث وبس الك صار ..
لا يعمي ياورث والله تعبان من شغلي ..
😒 ممبين تعبان شو متفح ..ومحلو اكثر ..
الثاني ..ابو الهيل ..ظهري بي انزلاق ورحت دكاترة وهلكد دفعت ..ومدالحك وكلي ارتاح كم يوم واذا اكعد مصرف يقل .وضل يشكي الي ..طلعت مبلغ وانطيت ..اله ..
شكد مالم بيهن طير ..رغم مو ذاك الصرف القوي اصرف المهم اهلي يرتاحون ..ويدعولي ..
التم الكل وبقيت انتظر شوك تجي حتى اخذهم واطلع ..
جتي امي ..يما ..
ها يوم ..
جا ياسيارة تكففي هل عجويل ..
كيا ..ناخذ ..
وشجاربك ..
نتونس يوم ..
مااجي انه ..
ليش
يمه مكرمه ..
اذا متجين اني.ماروح ..
الجهال سمعو ضلو بيبي وبيبي..
يمه مابيه والله ..
وتخوف الدنيا ..ماشوف ماكو شي سلم منهم ..
لا تخافين..نروح بمكان اندله مرتب ..
منا منا قبلت ..
جتي شوك ..جهالها مبدلين ..يخبلون ..
وهيه ..لابسه عبايه راس ..وشال ..زيتوني ..وجنطه وحذاء ....وكحله بعينها وحمرا خفيفه وردي بقيت اباع عليها لحد مانتبهت ..دنجت .. .اخذتهم وطلعنه العصر ..
ردت كيا ماكو ..تالي
طلعت بيهم 3سيارات ..
يعني ..جوك ..جنه ..
اذا اللعب ..وي البرازيل افوز عليهم .طلعنه ..بلتكسيات ..
وصلنه ..لمطعم ....
نزل الكل ..
حجزت ..الهم ميز جبير بس مكفه طبكو النه اكثر ..
كعدنه ..اطلبو ..
يلا ..
شكو شعدهم ..
هذا المينيو واختارو ..
الي راد قوزي الشام والي راد مشاوي ..ومقبلات ولبن
نزلت كل شي ..ونطيت ..النادل فلوس ..دارانه هوايه ..
جنت كاعد بلنهايه ..
وشوك بلنص ..
كلما اكوم واكعد ..
اتقرب شويه ..
الى ان وضلت اكبالها ..
شطلبتي شوك ..
ماعرف ..
شنو ماعرف ..
بعد لحد هسة ..
صدك تحجين ..مطالبة شي .
سكتت..
احجي شعاجبج ..
بكيفك ..
ابنها يجر بعباتها ..
شبي حبيبي ..شتريد ..
عمو اريد كص عفيه ..
بدون العفيه ..
وانتي وبنتج ..زوزة شتردون ..
بكيفك ..سهيل ..الكل جان كاعد يسولف ويضحك ..
شنو الي تريدي كباب ..تكه معلاك ..قلبي ..شنو ..
رفعت راسها ..
ضحكت ..
بكيفك ..
يبوو.تشلعين الكلب ..
كمت طلبت الهم كص وكباب ..
جنت كلش فرحان حيل بيهم وكعدتهم يمي ..وضحكهم ..
يسوة الدنيا ..
ردت يعيشون وياكلون مثل ماعايش اني ..
نزل الاكل ..
اني اكل وعيني عليها وع حركاتها وع شامتها ..
اوف شكد اتمناج ..شوك ..
اوف ربي شون اوصل الها..
دك فوني ..
جوكر ..
مسحت ايدي وكمت ..
طلعت برة ..
الو ..
ها حبي ..شونك .
تمام ..
ها اجي ..
وين ..
ع الشغله ..
مو هسة ..
شبيك سهيل تلعب عليه ..
لا ولك بس طلعت وي اهلي ..
هااا.
اي..
وين ..
بهيج مكان ..
بليل ..لعد ..
اوك. .
وسديته ..
كملنه اكل ..ونزلنه جاي وهلسوالف ..
اشوف واحد ياشر الي من بعيد ..اباع هذا حيسون ..شجابه ..
كمت سلمت عليه ..شجابك ..
هيج ضايج ..
ماشاء الله كلها عائلتك
اي واكو بعد خواتي محافظات مزوجات ..
سكت ..ربي يحفظهم..
يلا اروح ..
لا تعال ..انت مو غريب ..
لا عيب ..
تعال ..
جبته ..وعرفته ع اهلي..
امي بقت تباع عليه ..
يمه انت ويا بشغل ..
اي حجيه ..
شتشتغلون ضل يباع عليه جوكر ..
قاطعتهم ها ..شتاكل ..
لا ماريد ..
الا تاكل ..
كمت وكام ورايه ..
وصلت للكاشير وكف يمي ..
كتله احنا حراس ع الحدود ونشتغل بلبناء وي مقاول ..
هز براسه اي ..
رجعنه اضحك واسولف اعرف سوالف امي ..
سكتت محجت ..اكل جوكر وكمل ..
وبقينه ..ع كعدتنه سوالف وضحك ..
لليل يلا رجعنه ..
رجعنه وكلمن راح لبيته وبقى جوكر يمي ..كعدنه بلباب
نسولف
كلما يكولي يلا .ع ياسر ..ابرد ماعرف ليش ..
كتله عوفها بعدين ..
ليش ..
احسن ..زين ابو الهيل منو من الكاعدات منهم هيه .
مموجودة ..
لا بربك ..
اي ماكو شبيك ..
اي مبين ماكو من لمعه عينك ولهفتك .
لا تكولي ام الجهال..الحلوة ..
سكتت..
عزة بعينك ولك ..انت عقلك بي خلل..
ليش..
يعني احس يمك شحه بلنسوان من بسمه لهاي ..
هيه حلوة حيل ومستورة بس ماتفيدك ..
اعرف ..والله ..بس احبها ..واتمناها..
وانت جوكر ..ماشفتك فديوم ..تحجي ع بنيه ..
سكت ..كال ..هوايه اكو ..اعرف ..
بس حب وزواج ماكو ..ابالي ..
ليش ..
محد يقبل بيه ..
ولك ليش ..كمت وكفت كباله ..الف وحدة تتمناك ..
صدك ؟
اي والله ..مناقصك شي ..
لا ناقصنا هوايه ..اني وانت ..
شغلنه بصمه ..حمرا علينه ..
راح اسالك سؤال بالله عليك جاوبني صدك .تقبل زوجني وحدة من خواتك ..
سكتت ..صعب اجاوبه واحجي ..مو علمود شي بس شغلنه للموت والسجن اقرب النه ..
سكتت..شفت سهيل اني وياك وغيرنه ..
جرينه درب صعب نرجع منه ..
حسن ..خلي نعوف سلطان ..
نعوفهى ونموت
منموت ..شبيك ..
نسيت اكولك ..
شكو ..
غير بسمه كامت تهدد..
شتهدد..
تكول اذا مانرجع مثل قبل ..اعلمك وهلحجي ..
هااا شكلنه مو كتلك.وكعت ..هاي بلوة ..
ماخاف منها ..طبها مرض..ياريت ..اخلص منهم ..
اني مارتاحيت بيوم حسن ..من تعب لتعب ..
كضيت عمري الجوع ماخذ من عافيتي عافيه ..
وهسة من صارت فلوس عندي طار النوم من عيوني وطارت راحه البال ومداعرف اصرف بشي ..
تصدك ..جوكر ..من شوك تمر ع البال تصفى الدنيا ..
مثل لليل ..ونجوم صافيه والدنيا كمرة ..
كاظم يجر موال ..
هيج اني ..
هه ..  عيني كاظم ..اعصابك .وبسمه ومح وموح ..شنو جانت ..
لا واك مو هيج بس اني ..عمر كامل ماعرف طعم الاثارة ..شتريد مني قابل ..ماسوي شي ..
خوما نبي اني ولك هم بشر خوما حجارة ..وبسمه تحرك الدم ..
كلها انوثه ..
صدك عمرك كله ..
اي والله ..
مكرود سهيل
شعجب فتحت الي كلبك ..
لان ماكو غيرك احجي..اله ..ويعرف الي بي اني ..
سمعت امي تصيح ..سهيل ..
لحضه جوكر ..
طبيت ..
ها يمه ..بديها صينيه جاي ..وكعك ..هاكم ..
فدوة لعمرج ..يوم ..
رديت ..طلعت جوكر ع كعدته ..
عدنه دجه ..بلوكات بلباب امي تكعد عليها..والجهال..
يلعبون ..
هاك هاي من الحجيه ..
اييي الف رحمه ..ع ابيك ..اجه بوكته وي الجكارة يصير لوز ..
هسة كولي ..نتوكل لو شنو ..
لا عوفه ..وراح اعوف كل شي هم ..
مبين ىتعوف ابو كاظم 
كول رعد الناصري ..مو كاظم ..
جوكر ..
لا جديات
سهيل اذا المرة مرتاحه بيتها حرام عليك تهجمه ..
لا ممرتاحه وسكير هم ..
بس مو من حقك تجي وتسلب كل شي منها ..
عوفه داكولك انسى ..الي حجيته
احنه مشينه بطريق ..مامنه خير ..
بس انت تغيرت ..وانت ..وانت وانت وبقى يلوم بيه ..
كملنه الجاي ..كتله امشي ويايه ..
وين ..
دمشي ..
طبيت ..لبست ..دشداشه..ويشماغ وطلعت ..
ولك شنو بلدشداشه طالع عريس ...بس ليش كله اسود