نجم سهيل

بارت 26

مسائكم ..ياسمين 🌹

كملت كل الاجراءت ..وصار موعد الطلعه ثاني يوم بليل
طبعا المهرب ميطلع ويانه يخاف ع روحه يدز ويانه واحد

الريبر ..اني وبسمه بس ..السعر صار اضعاف بسب ..
صاير تشدد بلطريق ..بسب الجندرمه التركيه ..
وحزب العمال المعارض نطب ع اراضيهم ..
كلامه دخل بروحي الخوف ..بس بقت ع هاي ..
زين الي اتعامل ويا يطكط عربي ..
رجعت ع بسمه ..
بعدها نايمه ..
حضرت اني الريوك وكعدتها من نومها .
راسي فارغ بي بس طريق العبور ماكو شي ابالي بعد .
حبي بسوم..نجمه ..
بسبس ..
فتحت عيونها عليه ..
شبيج اخترعتي ..
لا تكول بسبس ابد ..
ترة صباح الخير ..
عدلت شعرها ..
صباح النور ..
عوفي الكفشه بربج ..احبها هيج ..وجريتهاوحصرت راسها بايدي وكفشتها ..
يلا ولج كومي اليوم مسوي ريوك الج ..
كامت غسلت واجتي ..
صبيت الجاي ..
طبعا اطيب شي هنا الالبان اكو ..روبه صير حامضه حلوة طيبه حيل .ويبيعوها كاسات ..
تنكه وينطوت منها ..والخبز ركاك طيب هم ..
وجاي ..
كعدت يمي ..
صبيت الجاي ..
كالت جسمي مكسر هذا الفراش زحف هوة والكاع ..
افرك الج ..
هههههه هلمرة انت لا عيني عظمي يوجعني ..
اهاااا.
سهيل شيدلعوك ..سهول .. ..سهوله ..لوله
يمعودة ياسهوله ..هذا شكول لوله ..
ههههه ابو الهيل ..
ويمكن اذا يصير عندي ولد اسمي هيل ..
ناكل ونسولف ..
لا بله ..هيل خوب ..نومي بصرة ..لا كركم ..
ولج ..
شتريد تسمي اسم ابنك ..
ماعرف ممفكر بشي ..
يعني ..
حسام ..
الله يرحمه ..
صفنت ع الاكل .ولكمه وكفت بلعومي ..
اني ربيته بيدي واني موته بيدي ..مانساه بيوم ..
ولا انسه يضل يكر يم راسي علمود الف دينار ..
اخ ..يا دنيا..شسويتي بيه
بسمه شبيك حبي هذا حال الدنيا شو
وخر سوي مجال ..
اني متربع وكاعد..
وين ولج ..اكعد بحضنك ..
ههههه ولج ياحضن ..
كعدت ..خوما ثكيله ..
لا ابد ..
شلون اكل وهاي الكفشة بوجهي ..
اندارت وبشتفها خبزة اني اوكلك مو من ايدي من شفتي..
اخذتها منها ..كل لكمه وياها بوسه ..
كومي ..بسمه ماكدر اكل هيج ..
لو اكل اكل لو اكلج اختاري ..
اندارت عليه اثنينه يصير ..
ههههه هاي وين لكيتيها ..
احبك ..
ودفعتني نمت بلكاع ..
شعرها نزل ع عيوني ..ضليت امسد بي ..
صدك تحبني ..
ولج كافي شكد تلحين ..
لا بس سؤال ..
اي ..احبج ..
وشوك..
اهووو كومي لا ادفرج ..
اوكف هوة انت مكسر المن تدفر وضربتني بشقه ..
اموتك اليوم ..
تعال تريدين خبن انتي محد خابنج صار هوايه ..
ولك اوكف الصينيه ..سهيل..
عيونه ..
اخاف منها ..
ليش ..وتقلد هيج تخنزر عليه ..
اي اخوفج بيهن ..
سهييل ..
حياتة ..
عفيه لا تحجي هيج ويايه ..ماتحمل كلامك ...
دك الفون ..ضل يرن ..
كمت ..عدلت روحي ..
هذا جوكر ..
هلاخويي ..
هلو سهيل شلونك ..شسويت ..
تمام كل شي ..باجر نطلع ..
شكو ماكو ..
شكو يعني ..ضيم ..
خيرك ولك ..شبيك ..
اكولك انت مرتاح واني مسموط سمط ..
هاي شنو شبيك ..ياراحه ..
انت وين ..
والله بشارع ..
ليش.خير ..
طلعت سهيل ..الحجية ..طردتني ..
جذب ..
اهووووو..
مو ردت عائله هاي عائله متكامله ..استلم
سهيل اول متجي اخذ مرتي وازوج ..
ضحكت وغمزت لبسمه ..
كتله والله انت بطران اني بيا حال وانت حاير بزواج ..
اني بطران ..
اي .
رحم الله والديك بس هيه مرتي شرع وقانون واكدر هسه اخذها ..
حتى اكسر رجلك ..
شبيك سهيل صدك تحجي ..ترة مو عيشه هاي .اني احترمك واحبك اخوي الجبير بس ليش هيج وياي ؟
والله لو ما عيب ابجي هسة منا انت وسالفتك ومنا امك
ضحكت ..ولك بطن عيني والله .بس اجي ازوجك .ماشفت عريس لامي ..
ع كولتها دهر ..شلكه ولك ..جيش كامل اطشرة ..
شصار شكو ..
ماكو شي ..انتظرك باجر بسلامه توصل ..
ودعته وكمت اضحك شصار تعاي سولفي الي ..
شسولف ..
كل شي ..
من طلعنه التقينه بمحطه ..
امك ماسكتت لحضه واسب بيك ع البهذله ..
وجهال هوايه ..وهوسه وتبهذلنه تبهذل ..
اخذنه تكسي ..وجان واحد مرتب كل شي ..النه
قبل لا نوصل ..الحجيه ..ضلت .تحجي ع حسن انت وانت بهذلتنه واذيتنه وهجولت ابني ..شكد حاول وياها مافاد .
واباع عليه دمعه بعيونه منها ..
وطبينه للمدينه ..
وهنا الحجيه شافت البنات والعالم ..
وبقت الطريق كله تحجي عليك .
اشوفه جاي لهنا علمود هلحديثات .جنهن كيمر ..
وتغم بينه ..مابيجن حظ ..
الا ازوجه اربعه ..
وتحجي بصوت عالي ..
فحسن كلها حجيه صوتج وبهدوء احجي ..اهدئي شويه
كالت ..كبر لفك ..شفتني بيه حاله وطحت بلكاع حتى اهدء ..ماتستحي ع طولك بكد حبوبتك وتكلي هدئي ..
من هدئوك ولفوك بنكرة ..
وطريق كله تحجي عليه ..اهدئي هم يلوك للهراتي ..
يحجي ..وخطيه متعرف كام يتعثر بمشيه .
وشكد اتعذر منها ..ولا فاد ..
وصلنه وكعدنه ..وهوة عافنه وراح ..جاب اكل وهيج ..
هناك وترجع عليه .ولعبت لعب باختك .مودافع اله ..
احنه تعبانين ..اكلنه لكمه ولفينه راسنه ونمنه ..
ثاني يوم .بدت هوسه جهال وهيج ..
من جهالنه وجهال شوك ..وجنه ..
صدك سهيل كلنه نبقى بيت واحد ..
اي ..
يمعود والله طلايب ..
مالح شغل اني اصفيها ..
شصفي
كملي 
والله دمرته لحسن بحيث يركض ركض ..منا ومنا ..وترزل بي
دقيقه ميكعد ..
ومن اختفيت اني ..
اووو شذكرتتي وكامت تلم بلاكل ..
من دكينه عليك ومغلق ..بليل ..اني وحسن مانمه ..ابد ..
ولا اكدر اطلع واحجي وياه ..
ليش..
يا تخزرني امك ..حتى جواريب لبستني منه ..
هههههههه دواكم الحجيه ..
المهم ..
ثاني يوم تخبلت اني ويا وكمنه نتصل ونريد نعرف وينك ..حسن مخله واحد مدك عليه ..
عرفنه انعلست ..بس نريد نتاكد..
ثالث يوم ..عرفنه سلطان شايلك ..
حسن هنا ..راد يتقايض بفلوس ..
وكبت العيطه ..من امك ..علينه شرتنه ع الحبل ..
كله من وراكم راح ابني ..
لا بي حسن يبقى ولا بي يروح ..
انت امنته عليهم ..
وصارت سالفه اني بنت لليل .والكل تهجم عليه ..
اييي هنا احجي ..
شحجي سهيل ..
شوك تهمتني ..والكل صدك بيها ..واندار عليه ..
والحجيه كالت ماتبقين بلبيت ..طلعي ..
متحملت عفت كل شي وجيتك .كلت اخلصك منه ..
فاض بيه بعد ..
واذا لكيتيني ميت
اموت روحي وراك ..واكتل سلطان ..
بس الحمدلله ..طلعت منها سالم ..
ماعرف شلون تفض وي امك ..والبنات ..
سهله ..اني احلها ..
مر اليوم عادي ..واتصلت باهلي حتى اعرف شنو الي صار
هلا يمه شلونج .
هلا يابعد كلب امك ..
احنه جاين باجر ..
هلا بيك ..بس احنه منو ..
اني وبسمه ..
سكتت..كالت هاي ال .........
امي مو هيج ..افتهمي الاول مزوجه وطلكت ياهو الي كلج عليها ..
محد انه اعرف كل شي ..
سهيل كلمه وماترد اذا طبت مرتك للبيت انه ارجع ..
حجية صدك تحجين ..
اي والقرعان صدك ..
لا انت مدري شجاك ماتكول عندي خوات ..وخلي تجي هلدايحه تاخذ جهالها شنو عدنه روضه ..
لو تريد طير بشعراتها ..
جاين اني وياها .
انت تسودنت يييي معروف حظهن هذن ..
امي ليش تغثيني هاي مرتي والي يمج باسمي جهالي..
بيووومه ...شوكت خلفت ..
من اجي افهمج ..
بيها الخير ..بس انه مو امك ياسهيل ..ع هلدكايك
هيه امك ..روحلها
ماتكول هلمكرودة شنو ..شوك عفتها وطاير وراها .
شمالك شجاك ماشايف نسوان ..
اجي ويصير خير ممقصر وي احد اني ضروفي منطتني مجال اشرح شي ..
اي عفيه عليك ..هاي كدرتك اجي واجي ..
يوم النك شيسوي لو يسكن كبر لو يفكر ..
دكافي تنكين يامي ..كافي،شيبتي راسي ..
خلف الله عليك ..وسدته ..وزعلت ..
جتي بسمه ..جابت ..الاكل ..وكعدت ..
شبيك سهيل ..
مابي شي ..
شصار وي اهلك ..ماكو شي ..
بقيت افكر واحسب شنو الي صار ومنو الي طلع الحجايه ..
ومين شوك عرفت ع بسمه ..
رجعت لنقطه الصفر .
بلشك ..منو الي ديخوني ..منو ؟
بقيت يوم كامل حسبه جيبني وتوديني ..
بليل .لبسنه شي خفيف ..
طبعا مشلنه شي لان جينه فارغين ..
واشترينه جنط بلظهر للطريق ..
وكمنه نمشي ..ونتعب ونكعد ..وجان الهوى بارد ..رغم الجو تغير للصيف ..
بس بارد وصعود ونزول والدنيا لليل وماكو استراحه ..
نكعد شويه ونكوم الي طلع ويانه توركي كوردي ..
هنا خوف ..من الطريق والمجهول ..
لحد ماوصلنه نهر نعبرة ..مشي
النهر بين الجبال ارتفاعه متر ..
هاي اخر محطه ..للاراضي العراقيه ..
لليل ..وخوف ونهر ..
اذا انلزمنه نرجع ..وتروح فلوسنه ..
خطورتها بس الجندرمه التركيه والكراد ..
ضليت ادعي واني لازم بسمه ..واحس اديها ثلج ..
شبيج بسمه مو عبرتي ليش هلخوف ..
ابتسمت بوجهي ..
مابقى شي ونكمله ..
بس مي ثلج ونمشي بمي اتنكعنه وبسمه كل شويه تختنك من المي ..جان اكو حبل ..من الصوبين انلزمه ونمشي بسمه كدامي تمشي وكدامها الرجال
من برد المي والخوف بسمه وكعت ..لزمتها بسرعه لان روج مي ..بس ياخذها يدفعها ..
والي كدامنه عافنه ومشى ..
شلتها كوة من المي ..
ولج بسمه اصحي شبيج ..
مو احجي وياج واضرب وجهها ..واصيح ع ذاك ولك تعال وين تعوفنه واتلفت ولليل وظلام  دامس ماكدر اشوف الي  بصفي ..اشوف خيال بس لوما ضوة القمر ..
المي يثكل الواحد ماكدر اشيلها ..
بقيت حاير شسوي ..الي جابنه عبر وينطينه ضوة خفيف
ضليت احجي وياها ..وانطيتها مي ...
كوة صحت ..وتمشي كوة ..
عبرتاه ..بموت ودمنه جمد ..من البرد
رحت ع الولد جريته ..كتله نطيتك فلوس مو حتى تعوفنه ..
انطيتك طلعنه بين عربي وكوردي الي فهمته ..
اكو حرس يشوفون ..
طلعنه مشينه وبسمه وضعيتها تعبت ..والكريق كله ترجف حتى جنطنه صارت مي ..بس الفلوس والفون لفيتهم .
عبرنه ووصلنه لمنطقه سلوبي ..
وصعدنه حافلات ..
ومشت بينه ..
للسطنبول ...
ونزلنه وركبت سيارة للبيت ..
بهلاثناء شربت بسمه عصير ..ومي ..
بس الطريق كله نايمه بحضني..ووجها اصفر ..وترجف ..واحضنها
وادفيها بجسمي..
امشي واباوع ..هاي جديدة الك سهيل ابديها من جديد ..
لا دور انتقام ولا شي ..
عيش حياتك بلا خوف من احد ..
وارجع احجي وي بسمه ..بدت تصحصح وترتاح .
وصلنه ..شفت جوكر جوة ..
اجه علينه وحضني نزلت ..وجوكر حاسب السايق ..
وحضني وسلمت عليه ..
يلا امشي ..الكل ينتظرك ..
طبيت ..عمارة ..بس مو مثل عماراتنه .ابد
وشقه طابق ارضي ...
فتح الباب ..الي ..طبيت ..
اجوي عليه وتلكوني الكل  ..
اندار بسمه ماكو ..
ولا حسن ..
التهيت بسلام ..
صحت بسمه حسن تعالو ..
امي كاعدة
طبت بسمه لاحد سلم عليها ولا حاجاها ..
رحت ع امي وكعت ع رجلها جرتني وتبجي ..وضلت تبوس
بيه ..وخليت راسي ع بحضنها ..
وتمسد بشعري ..
يمه الضنه غالي ..لا تحرك كلبي بيك يابعد امك
صدك محتاجها ...جنت
كتلها
يمه  بسمه مرتي  ..لا سوين هيج ..لخاطري
مو وكت كلام ..ارتاحىهسه
هسه بعدين الي  تريدي تعرفي ..
من بين الكل شوك واكفه بعيد ..
رحت عليها ..
سلمت ..وحضنتها كامت تبجي ..هنا اريد امشي كل شي ..
بعدين وكت ..الحساب ..
حمد لله ع سلامتك ..
ربي يسلمج .شلونج مشتاق الج ..
اني اكثر ..جيت اموت ..بدونك ..
ورجعت..سبحت وبدلت  وسوالف وشقه وي الكل وحجي ..
وبسمه طبت سبحت وارتاحت ...وصبو النه اكل ..
واكلنه الكل ..
بس محد حجة وي بسمه كلمه ..ولا سالها شبيها ..
الشقه جبيرة ..
اول مادخل صاله مفتوحه ..واثاثها فيروزي وذهبي ..حتى الستاير شي هادئ وراقي ..
واكو ثلاث غرف نوم ..والمطبخ مفتوح وي الصاله ..
غرفه شوك وغرفه امي والبنات وغرفه بسمه .
بقو يحجون
وين وشصار ومنو ..ماجاوب ..
كلت الهم اريد انام ميت تعب ..
بسمه كاعدة ..
واني كاعد يم امي بلكاع وبحظني البنات ..
شاورتني امي ..
جبتها وياك ..
بستها من راسها..اي امي مرتي .
وكمت وكفت ..باجر زواج حسن ..
ونسويها هنا بيناتنه والي عرفته ماخذ شقه ..يعني كل شي كامل
الجهال كامو يكمزون ..واختي فرحت ..
وحسن مثل بنت البيت ابتسم ودنج ..
ماعرفه بين اهلي ..
بسمه كالت اترخص اروح انام تعبانه ..
امي كالت ..ماتحتاجين تترخصين انتي ام البيت واحنه نطلع..
بقيت ساكت ..كالت بسمه
لا حجيه حشاكم انتي مثل امي ..وجتي تريد تبوسها ..
امي رفعت اديها روحي رجعي لا اني امج ولا انتي بنتي
العتب مو عليج العتب ع الشوارب الي عندي ..
حسن كام ابو الهيل امشي نطلع ..
كتله لا ماطلع ..
الكل يسمع هاي مو بنت لليل والي نطقها وكالها حسابي ويا عسير ..
واذا هيه تطلع اني هم اطلع يوم واخذ شوك هم ..
الي ميرحب بوحدة من زوجاتي اطلع ..
حجايه مني ومنها .علكت ..
بسمه كالت كافي شنو مو بشر اني كل انسان ..
لازم ينطو فرصه ..يعيشها لا صيرون انتو والزمن عليه ..
وتسلبوني سعادتي سهيل سعادتي ..
حسن بيناتنه ماعرف المن يسكت ..يجرني ..ويجر بسمه
ولك اسكت لا تتخربط ..
سكتت ..
اخاف ع امي من المرض والاعصاب ..
جنه طببت البنات والجهال جوة ..
وبقينه وحدنه ..
امي المطلوب شنو ..
طلكها ..
ماطلكها ..
لعد اغضب عليك ..
استغفر الله امي طالع من موت اني ..
بسببها هاي الكلبه .هيه وهلجهال الي مانعرف اصلهم مين ..
تريدين جلطيني ..
لا اسم الله عليك ..بس ماريدها هاي بلبيت تنكسه ..
كافي اني طالع ..
شوك بسمه يلا حضرو غراضكم ..
كامت امي من ورة عاهرة تعوف امك ..
يمه متقنعين بشي شسوي داكولج مو هيج..
تقربت بسمه من امي ..
يمه ..اني مو هيج وحق الله ..مو بنت لليل ..
واذا ابقى واذي سهيل اروح اني ..
اكعدي بسمه ..مترحين ..
حسن كال حجيه صلي ع النبي وفكيها مو جنتي تتمنين شوفه سهيل..هذا يمج ..ورة العرس افتهمي لخاطري  خلي يرتاح ويفهمج الي صار اهدئي ..
هم كال اهدئي ولك خايب شفت انرعصت بلكاع واعض بايدي ..والوبن
يمه سهيل طلع هذا الهراتي لا اطكه بعصا والله .طك كلبي فرد نوب ..منه ..
اهدائي شدعي عليك ..شكول ..كون انت تهدء وماتكوم بعد ..
ع حجايتها الكل ضحك وفشت شويه ..
وجرتني يمه كلبي يوجعني ..
امي اصبري بس تدعيلي الله يسترني ..
ضليت اراضي بيها ..
صفت النفوس نسبه 40%
صدك تعبان ..ومهدود حيلي ..عفتهم يحضرون ..
ورحت يم شوك ..
طبيت كاعدة ..ومتوترة..
هلا بشوك ..كلبي يمج ..ومشتاق وميت شوك بيج ..
جانت الغرف صغيرة ..مو مثل غرفنه كبار حتى السرير احسه ابو نفر ونص مو نفرين  ..
اجتي يمي ..وضلت تحجي شصار بيها بعد مارحت اني ..
كتلها اعوضج كل شي ..حبي ..قصرت وياج هوايه ..
لا سهيل حشاك من التقصير .
احبج ..
ضحكت اموت عليك ..
شوشة ..اريد انام وماريد حس ابد ..
نمت ..جريتها لثاني يوم الظهر ..جسمي مكسر تكسر ..
كعدت ..شوك ماكو ..
كمت بدلت وطلعت ..
جان البيت هوسه وملتهين بلتحضيرات وحتى حسن ماكو ..
والبنات طلعو يشترون غراض لاختي وي حسن ..
امي وشوك وبسمه ..بلبيت ..
شوك تطبخ ..وبسمه يمها ..
وامي كاعده ومكعدة الجهال يمها ..
هلا صباح النور ..
بستها وكعدت يمها ..
حضرن اكل كعد ابو الهيل ..
لا بس جاي ..اريد ..
يمه صدك هذول بزرك ..
مجاوبتها ..دايخ مال نوم ..
يمه ..هاي من شوكت معاشرها
انه والقرعان لخاطر خلفتك سكتت..
عاد بلحلال لو حرام ..
كمت جبت الجكاير ورديت كعدت يمها ..
جتي بسمه انطتني الجاي ..
شلونج اليوم ..
الحمدلله ..
جتي شوك ..هاك سهيل لكمه خفيفه ..
لا ماريد ..
لخاطري ..
اخذتها ..منها ..
يمه شصار الك ..منو خطفك اهل الي مات ..
اي ..
وبفلوس هدوك .
اي ..
يعني مو بسمه ..هلستك ..
شنننو ؟
هههههههههههههههههههه اخ كلبي ..
هلستك ..شنو ..اسكتي دخيلج
شمعرفني همه يحجون ..هلاسه
يمه علاسه .علس ..شهلس يومه ..
اوي عشتو يعلمني احجي هلستك والله ..شوف حالك ..
مثل الدجاجه المهلسه ..هيج غادي
يمه كافي فدوة كمت ابجي من الضحك ..
بعد ماتروح ..ونعيش هنا ..
مسحت عيوني ..اي يومه هنا نعيش..
عاد اكو امام ازورة من طك رويحتي..
هسة امي الي يسمعج مكابلة الزيارة وكاعدة ..
عود ادزج ..من تردين ..
وترجع طفال من هذول
وبقينه نسولف ونحجي للعصر اجوي ..
ومشترين غراض..
وبدت الحفله من عشا ومن زينه ومن تحضيرات .
عفتهم ورحت للغرفه مددت ..
طبت شوك ..
اباع عليها بعد سهيل انطيها مجال ..
اليوم هم يمي ..
ي يمج ..اريد اشبع منج ..
قفلي الباب وتعالي يمي ..
مو ..
انتي ليش ماتبطلين المو واستحي ..اني رجلج ..
جتي يمي..
ضليت اباع عليها وبداخلي ادعي الله ماريد انصدم بيها ..
احب برائتها وماريدها تتلوث ..
قربت شفتي عليها وبستها ..نامت مدري تغفى ..
يمعودة بستج ..كومي ..
مانومتج ....
الله لا يحرمني منك ...
ولا منج ......
كمت من يمها وسبحت وبدلت وتحضرت للعرس..
حيسون لابس قاط .اسوج ومزين وفرحان ..
واختي فستان ابيض حلو ..
وكل شويه امي تهلهل ..
وبقينه كاعدين ..واغاني وسوالف ودك وركص..
لليل بعدها زفيناهم فوك ..
ورجعنه..من نزلت من الدرج  بسمه لزمتني تجيني اليوم
لا ..
ليش..البارحه يمها شبع ..
مجاوبتها ونزلت .
طبيت للغرفه بدلت هدومي ..
ورحت افرج اسناني واغسل..
بلحمام ..انفتحت الباب اباع من المرايه ..
بسمه ..
طبت ..
لزمتني من ظهري ..تعال يمي ..
افرج اسناني ..جنت ..
جتي ..صارت بين المغسله وبيني.
تجي ..
اهز راسي لا ..
لخاطري..
لا ..
بس اليوم ..عفيه تخبل بلقاط جنت ..اريد عرس اني هم
دفعتها ..وغسلت ..بسمه لا ضوجيني منج ..باجر باجر ..
خوش ..ابقى يمها
.وضلت تكمز برجلها وراحت ..
مخبله ..
عفتها وطبيت لغرفتي ..
شوك ..تبدل..
نمت مددت ع الفراش..
جتي يمي ..ونامت ..
بقيت اللعب بشعرها .
حبي..
نعم ..
منو كلج بسمه بنت لليل ..
هاا مو اني كلت ..
صرت فوكاها لعد منو ..
ماعرف سمعت ..
مين ..
ماذكر ..
احجي منو ..
احجي ..شوك ..جرت نفسها وكعدت ..انت ليش بس عليه وتحاسبني روح ع بسمه ..حاسبها ع سوالفها الف عيب طلعت بيه ..واني ممسويه شي ولا عشت وياك مثل البشر
لا تغيرين موضوع ..
كولي ..لا تخليني اذيج وحالف ماضربج بعد ..
كامت من يمي ترتب غراض اخر مرة وراها ميصير خير
منو ..
ماجاوبت رحت جريتها منو ..وعصرت اديها ..
مو اني اسال جنه ..
جنه شعليها ..
ولج ..لزمت شعرها اكص راسج لا جيبين طاري خواتي ..
هد ايدي ..اني شعليه ..
وكالت
جنه مرت حيدر ..بسر ..من زمااااان
شنو ..شدتحجين ..وخرت من يمي بعيد ..راحت .
ولج جنه ...جننننننااااااان ....

وللحكايه بقيه