مساء ..النرجس
سوزان المندلاوي
جنه ..جنااان ..
وفتحت الباب طلعت ..امي وبسمه واكفات
شكو شصار
وين جنه ..
فوك يم العرسان ..حسن وحنين ...
دزو عليها هسة ...اريدها ..
اريد الزم اعصابي ماكدر ..
كمت اشيل واشمر بلغراص الي يمي ..
يمه اسم الله شكو
امي ../شبيك يومه شجره الك ..
وخري امي ..
سهيل شبيك ..
بسمه اسكتي ..
ولج شويكه شسويتي للرجال ...من عزة بعينج وعين الي خلفج ...
بقيت ..كاعد بس احس جسمي يرجف وراسي صار نار .
وشه باذاني ...
طبت جنه ..شكو شبيكم اعياطكم ليفوك ..واصل ..
جريتها من اديها ..حيل ..
امي وكفت بوجهي يمه اخيتك شبيك وياها ..
فهمني وحاجيني الاول ..
امي روحي ولا تدخلين لا احرك روحي ..
طببتها للغرفة..وانداريت ع امي محد يطب وسديت الباب ..
شوك كاعدة ع السرير ..وكعدت جنه بصفها ..
تكولها شكو ..
شوك مدنجه ..
اني وكفت كبالها ..
ام حسام ..حيدر منو ..وشنو وليش ..
بقت صافنه بوجهي ..ومسحت وجهها .
واندارت ع شوك ..
ليش هيج ..حيه انتي ..والله ..
اوكف اني افهمك ..
واكف بس فهميني ..
ماعرفه ..
جنه ..جننننننننه ..
اوكف عيوني ..احاجيك والله وتبجي ..
دنجت وجهها ..
زوجي ...
ضربت ع كصتي حيل ..
لا خويه اروح فدوة الك بس اسمع ..
وكفت يمها وقبضت ايدي اريد اضربها ..غطت وجهها هيه وشوك ..ودنجت ...
حسام صار بعيني ..رجعت ..
كالت والله مو بلحرام اقسم بالله ..
احجيلي صار شكد .
بس اهدة حتى اكدر احجي ..
واخذ نفس ..
شكد هادي ..اني وراح اكعد واتربع الج ..
صار 3سنوات ..
غمضت عيوني طلقه وبنص صدري ..
تعرفين شنو حيدر وشنو شغله ومنو هوة واصلا مزوح ..
كالت ادري ..
ليش ..ياجنه ليش..
سكتت..
قصرت عليكم بشي .اني
ولججج عمري 30 سنه وممزوج ومفضلكم ع روحي ..وجهالج جهالي ..
انتي ام البيت المعدله ..اختي الجبيرة واحزامي ..
تكسريني وتعلسيني ..
لا لا ممسويه شي الك والله ..
واذا ع الفلوس يرجعها الك ..
يافلوس ..
ضلت تتلفت ..الله لا ينطيج شوك ..الله لا يوفقح ..
جنت اخذ من الفلوس الي يمي مالتك وانطي ..
بس يرجعها الك ..
لا لا تشاقين ..
ولج الطم ..اشك هدومي مثل النسوان .
لزمتها من اديها ماستحيتي ع روحج وع عمرج ..
وع ابنج جوة التراب ..
ولج عقل ماكو براسج ..
ولج استحي امد ايدي عليج ..
نزعت تشيرتي وطلعت ظهري ..
هاي جزاتج الي ..شوفي ..وشوفي بعد
اكو ضربه برجلي شايله لحم يعني حفرة صايرة .
شوفييييييييييييييي..
كامت تضرب ع وجهها والله مسويت شي ..
ماعرف هوة هيج سوة بيك
كمت افتر لزمت الكنتور حيل وخضيته ..خص ..
بس اريد ابرد مابردتت احس سيوف وبصدري تنزل ..
وينه هوة ..
بشعب ..كاعد ..
شوكت طلع ..
صار كومه ..
يعرف احنه مسافرين ..
اي ..
ويعرف اني اروح وارجع للعراق وسفرتكم وهيج ..
اي ..
وبسمه يدري بيها ..
لا بس كتله ازوج مرت ابو شغله ..
اللللله .اللله ..موتني ..ولج شلون تحجين اله
افضفض همي ..
هم ياهم هذا
وين جنتي شوفي ..
بيت شوك ..
حلو ...
وبعد ..
بس بيتها ..
وشوك ..شنو ..
سكتت..
احجي اني مربي حياية بيتي ..
كامت شوك والله ممسويه شي اني ..
واندارت ع جنه .تعبت اني .مربي بحضنه الساقطه
واني دائما عليه اصبع التهام ..
جريتها من شعرها منو الساقطه ..
بسسمه ..
ولج اشرف منج تعرفين ليش..
اول شي كتاب مفتوح ماكذبت بشي ..
وضحت علمودي
جنتي تكدرين من الاول تكولين ع حيدر ومنوصل هيج ..
بس سكتي..
..
والي دخل بيتها ..اثنين ..وتستر عليهم ..
شنووووو؟
سهيل
انتي لا تحجين ابد حسابي وياج بعدين ..بعدين..
جنه ..اطلعي ماريد اشوفج ابد ..واذا متت متجين بجنازتي
كعدت ورجيت ظهري ع الحايط ..
الي ماصون ..امانه ماتستحق ..اخ مثلي ..
مبديكم ع روحي ..
ولج حسام ياكل ويشرب وياية ..
ولج جبتيهم لحم احمر ..
وربيتهم اني ..
أنت تقرأ
نجم سهيل
Romanceورجعنا وياكم من بعد قصه تساليني وقلم حمره هاي لقصه لحلوه للكاتبه المبدعه سوزان المندلاوي
