نجم سهيل

بارت 20

شووووووك
امي /يمه اسم الله شجاك ..
ولج شوووووك ..
اجتي ووكفت بركن الباب ..
رحت جريتها من شعرها ..وسحلتها يم امي ..
منو جاب المضمد
..اني ..
واني مو محرم عليج الطلعه
امي كامت ولك عوفها شجاك تخبلت علينه
وتدفع بايدي هد شعرها ..
مكرودة الحييوانه ..(مو حيوانه )حييوانه يكولوها للفقير حجيات قبل ..
عوفها ..عفت الكل جيت ع هلمكرودة ..
اني احس مداسمع شي ..
هديتها يلا طلعي برة ..
اني شسويت الك .
طلعي برة يلا....ماريد اشوف وجهج ..
لا افلش وجهج ..يلا طلعي منا ..
وكفت امي بوجهي ...
انت منو ؟
ماربيتك هيج ..
انت تطلع منا وشوك متطلع ..
البنيه مكرودة شايله البيت كله ..وانت تتعزز عليها ..
داكلك جيت اموت شبيك انت ..
يووم اني لو هيه ..
اطلع سهيل ..
انه عرفت هاي ام البنطرون غيرت حالك ومن صار عدك فلوس تغيرت .من يوم الي رحت غاد ..
روح يمه رووح ..ع ام البنطرون ..
كتلك لا تكسر بخت بنيه ..

خوش يمه ..اني طالع منا
وين تروح سهيل اوكف ...احاجيك
مو تكوليلي اطلع ..
كامت تعض شفه وتغمز ...
بقيت اباع عليها ..والله يامي الج واهس اني محروك دمي
اتاشر روح لغرفتك ..
عفتها وطبيت للغرفه ..
طلعت جنطتي .وبديت اخلي بيها هدوم ..
اشيل من الكنتور واشمرها بلكاع حيل .
وبقيت ادفر بلكنتور ..احس راسي راح يطك ..
من الالم والاعصاب ..
انفتحت الباب ..
وطبت شوك وسدتها وراها ..
سمعت صوت انقفلت الباب ..
وكفت تباع عليه ..
رفعت راسي عليها ..
ورجعت الم الهدوم من الكاع ..
جتي قريب يمي ..
تريدني اطلع ..
انداريت عليها ..ورجعت اخذ غراضي ..
ليش ازوجتني لعد ..
ليش سهيل ترة جنت عايشه ..مميته ..
اسكتين لو اسكتج اني..
شتريد تسوي ..سوي ماهتم ..
متهتمين..
اي ..قبلك ياسر ..اخذ مني العافيه ..
تقربت عليها منو بعد غير ياسر ..
انتي كتلتي ياسر حتى يحلى الج الجو وي حيدر مو ؟
انت شجاي تحجي ؟
هذا الي صار مو
لا ماكو هيج شي معقوله هاي افكارك بيه ..
سهيل شجاك مداعرفك ..
لزمت ايدي ..
ارجع سهيل قبل ..فدوة عوف كل شي حتى فلوسهم منريدها ..شوف حالك سهيل حتى بروحك شك ..
انت تمرضت سهيل الحرام مرضك ..
دفعتها وكعت ع الجربايه ..
وصرت فوكاها ..
انتي المريضه ..ليش زوجتيني علمود هاي الفلوس .شوك .

لا تكولين لا ..هاي انتي ..
كلكم ورة مصلحتكم تمشون ..
بصوت ناصي ونفس سريع
يافلوس سهيل ..
فلوسي ..
اخ ربي ..اني احبك من يوم الي كعدت بي يمنه ..
لا هذا حجي .
جنتي وي حيدر ..
اقسم الك ..بسنو تريد ماكو شي وي حيدر روح اساله ..
احلفك ..بعزازك ..روح اله سهيل ..
حتى ترتاح ..
تذكر شون جنت ترجف من شوفني وحتى عينك مترفعها عليه ..سهيل ..وينك انت اريد الكاك وماكو ..
اني..وخرت منها ..وكعدت ع الجربايه
اني تعبان بسمه ..
كامت وكعدت كبالي ..
شفت ..
شلون تغلط باسمي ..اني شوك مو بسمه سهيل ..
كل كلمه منك تموتني ..
ماردت منك بس الستر يافلوس سهيل
متهمني فلوسك ..اريدك الك ..
وانت مو يمي ..ولا الي ..
شلون اخلص شوك ..شلون ..
والشك ياكل بروحي اكل ..من الجدم للراس ..
اساعدك واوكف وياك ..
لزمت ايدي ..ارفع وجهك مو انت الي دنج راسك ..
انت تاج  راسي
رفعت راسي جريتها وحضنتها ..
اني ضايع ..شوك بينج وبين بسمه ..
وبين نار شغلي ..
ليش مامتت من مات حسام ليش ..
اخ الله وتبجي ...
عساني اني ولا انت هيج ..
تعبت اريد ارتاح من يوم شفتهم لليوم مرتاحيت دقيقه ..
موتيني ..
جريت سلاح هاج موتيني وخلصيني من اليي اني..
ولج الموت الي راحه ..
تعبت تعبت تعبت ..
اشش ..صوتك ..
لا امك تسمع وتموت والله ..
اسمعني ..
اول شي ..صير قوي ..
تروح تنطي كل فلوسك ..لصاحبك ابو الشغل ..
وراها ..
ترجع لحياتك ..واذكر الله الي يبتعد عن الله وحلاله هذا حاله سهيل ..
بقيت اباع عليها ..
ضحكت بهاي السهوله تتوقعين ..
هههههن..
هذا تعبي اني ..اني شفت الموت بي ..
وتريدين اعوفه ..
هيه تجارة ..
لا اني الي اكتل بشر ولا شي
تجارة ..
سهيل .انت مقتنع بلي بي ..
سكتت..
انت متعرف شنو تريد ولا راح تعرف ..
لا اني ولا بسمه ولا شغلك ..
ارجع لله ..راح ترتاح ..
وانتي ..
اني احبك واتحملك شلون متصير ..
شوك ..
روح اتزوج بسمة .عسى الله ترتاح ..
شوك ..
اي سهيل ..ازوحها ..انت تحبها .ويوميه اسال نفسي ليش ازوجتني .تذكر من كلت اريدج لو عندج عشر جهال ..
هاي اني يمك ووحدي ..
ولا لفيت يمي ولا جيت ..
ومجرد اعيش بمكان انت بي تكفي ..
وحيدر؟.
كامت تبجي ..والله ماكو شي ..
روح اله شوف وين مطمور ..بيا سجن والله مطاخني
من جان يطب النه احبس روحي لو اصعد بلسطح لحد مايروح ومانام الا ان يطلع من البيت ..
اكمع جهالي ..اذا اكذب ..
مداتحمل عقلي وافكاري الي شلت حالي شل.
بعدك تحبني سهيل .
لوما احبج مازوجج ..
بس اني حالي من حال اي غرض بلبيت ..
واحسك زوجتني عناد وي روحك ..
لا ..
بدت اعصابي تبرد ..
زوجتج احبج بس نار بكلبي تسعر ..
تحبها ..
ضحكت نفس السؤال ..يم كل وحدة ينسال ..
تدرين ماعرف ..
يمكن حتى روحي ماحبها ..
كامت تضحك ..
الله بلاني بحيرة شوك ..
حيرة عشك وحيرة شغل ..
والموت وين مالتفت اشوفه ..
اسم الله عليك سهيل ..
صفي حياتك واترك شغلك راح ترتاح ..
وينه نجمي الي يلمع ..معقوله يلمع الي بحرام ..
هذا وعدي ..
حرام بحرام .
كل انسان ..يصير ..كدامه طريقين ..
طريق صح وطريق غلط ..
انت اختاريت الغلط وضعفت بي ..
اييييي..
والبدايه ..
يابدايه ..
راح انطيج جمله فسريها الي ..
كول ..
راح تبدي بدايتك بس بدايتك حتكون بدايه النهايه ..
هااااا؟
فسريها ..
سكتت..
اذا ع شغلك ..فواضحه راح ..تبدي بدايه غلط ..
وكل غلط اله نهايه ..
وبدايه النهايه ..
يعني اختصرت تعبك بلحرام ..
بس شغلي مو حرام ..
لعد شنو ..
تجارة ..
تجارة بشنو ..
مالج شغل ..
اذا كلامي صح ..منو كلك هلحجي ..
عابر سبيل ..
مكلك عليه شي ..
مكلك اكو وحدة تحبك اسمها شوك كضت عمرها مر بمر ..
وتتمنى .الراحه .وياك .
اي كملي ..
شكمل ..ودنجت ..
كملي كلامج ..احبك اييي..
بس..
لا تخجلني ..
فديت الي يخجل ..
وخرت شعرها من ركبتها ...وخليت راسي ..وشميتها ..
وبستها.
هاي جانت امنيتي تخيلي ..
شنو..
هيج ..تعاي ..يمي ..
اني يمك..
لا اقرب ..تعاي..
جريتها ..يمي ...*****••
دقيقتين ندكت الباب حيل ..
كمت من يمها فاز ..
منو ..
اسمع امي تكول انه منو يعني ..
شمري الي التيشرت ..
هاك ..
لبست وفتحت الباب ..
هايمه ..
وحمه ..ساعه علما تفتح
شجاي سون ..
هاااا؟
خنستو جنتو تتعاركون انلصمتو غفل ..
انداريت ع شوك ..
تعدل بشعرها
يمه تعاي ..اخذتها وكعدتها ع الجربايه ..
يمه كم ولد عندج ..
خير من الله ..
جا ماشوفين غيري ..
يمه انه ام سهيل وحملي مطروح بس عليك ..
وعيني بس عليك ..انه والبنات ..ماعندي فد انت ..
وتكلب بعيونها بلغرفه ..
فرت اديها ..شجايب ..وتاكلو بوحيدكم ..
عود فدنمونه وقافل الباب ..وتبسبسون
اكولج يوم مو كدامج تعاركنه شجايب يعني ..
كمزت شوك فتحت الثلاجه ..
هاج حجيه بقلاوة .
دفعتها ..ماعايزة ..
بس انتو تمالخو واصالحو انه كاتلني الضيم وحدي..
لا تكولون امنه شبيها مابيها جيت اموت اليوم ..
حجيه اكوم اسويلج عشة ..
لايمه انتي بس نامي لزلمتج ..هذا شغلج ..
وكامت والله يالله ساعه دمايه وساعه غركانين بلعسل ..
وطلعت ..
بقت الباب مفتوحه ..
سديت ااباب ..كمت اضحك ..وشوك تضحك .
كتلها تدرين لوما هيه اني ميت من زمان ..
الله يحفظها الك ..
كامت ..
وين رايحه بعدنه ماكملنه حجينه ..
ياحجي ..
مال احبك ..
سهيل ..الحجيه ..
عوفيها راحت هسة بعد ..
حضنتها ..اريدج تنسني منو اني ..
سهيل مو هسه بليل ..
لا هسه ..وهسه ..
قربت شفتي عليها وبستها ..
وصاحت امي
يمه ..سهيل ..سهيييييل ...
خرب بروح سهيل
هايوم ..
تعال شوفلي ياهو مال سكر وياهو ماضغط ..
وخلي العروس سوي عشا ..
قرودتها جاعووو..ويكمزون فوك راسي ..
مو جيت اموت اليوم ..ماتكولون امنه تعبانه ..
كطيعه ع هيج بزر ..
مخلفه بزابزة مو جهال ..
جاين يوم ..
من ساعه السودة ..
راح اولي اني ومن .تنام امي خابريني ..
وين رايح ..
شغله واجي ..
بدلت وطلعت ..
هايمه وين رايح ..
لمكابر السود يمه ..
ياه ..موصوجك صوجي انه اسال عليك ..
بس صاير علينه ديج تعت بهاي وتضرب هاي
مع السلامه ..رايح
قبل لا اطلع ..صاحتني ..شوك ..
سهيل شسويلك ..اكل ..
بكيفج ..
تتاخر ..
لا ...راح افتر شويه ..اختنكت ..
اجي وياك..
امشي رجعي ..وين تجين ..
وقسم بالله اذا طلعتي مرة ثانيه ..
حسابي وياج عسير ..
لا ماطلع ..واذا احد صار بي شي ..
تخابريني ..
مو ماعندي فون ..
من جوال البنات ..
سهله ..تدلل ..والله احبك ..
بقيت اباع عليها ..
عدج ثوب احمر ..
شنو ..
اريدج تلبسين احمر اليوم ..
ي..عندي ..
حضري روحج بين ماتنام امي،
يلا رايح ..
عفتها ومشيت ...رجلي ودتني للملعب ..
كعدت هناك ..
بقيت اباع ...واريد ارتب حياتي ..
بدايه زينه الي ..
وكفت ..وادخن ..الجو حلو جان يريد يكسر ..ع الصيف ..
المكان فارغ كابي احد ..
فتحت ايدي ...
وحجيت بصوت عالي ..
منو اني ..
شداسوي بروحي
اني سهيييييل ..
اني نجم الليييييل ..
اني نجم سهييييييييل ...
اخخخخخ ربي ..حلها من يمك ياربي ...
تعبت اني وتعبت الكل ويايه ..
دك موبايلي ..
بسمة ..
بقيت اباع عليه اجاوب لو لا ..
لا ..اعوفها ..فتحت صفحه وي شوك ..
عفته لحد ما سكت ..
رجعت دكت ..
خاف اكو شي ..
جاوبت الو
الو شلونك سهيل..
تمام بسمه وانتي ..
اني موزينه ..
جنت افتر بلملعب واحجي وادخن ..
كل نفس اخذة احس روحي تطلع ..بي
ويرسم دخانه حالي ..
تعال وين عفتني ..
ماكدر اجي بسمه وفيت بوعدي وياج ..
حدي لهنا وياج ..
واني ..
شبيج انتي كل شي يوصلج ..اكو قصور ..
اي ..
شنو
غيابك ..كتلني ومشتاقه الك ..الفراك موتني ..
تعال سهيل حتى لو دقايق ..اشوفك ..
بسمه ..اسمعي ..ماكو شي يربطني بيج بعد ..
لا اكو ..
شنو ..بله
احبك ..سهيل وكامت تبجي ..ولك داموت بدونك ليش متحس بيه ..انت كلت اريدج حرة اني هسة حرة وبس الك
شو شلتني من غضب وخليتني وحدي ..
خلصتج منه ..بسمه ..
اريدك الك ..ماريد شي ..
اذا متجي ارجع..
حتى اكسر رجلج والله ماخليج طبين لبغداد عدله ..
تعال اروح الك فدوة ..
كمت اضحك ..بس كوليلي انتو متفقين عليه ..
ترة ماكو هيج اعوج جر وياية ..
انتي وشوك وامي ..
شبينه ..
ماعرف
تجي لو اجي اني ..
متجين ..
والله اجي عسة مايذبحني ..حس بيه مشتاقه الك ولانفاسك لصوتك لكل شي بيك ..احاول انساك بس ماكو ميفيد ..متذكرني ابد نسيتني ونسيت العشرة سهيل
خلص صبري ..بعد ..
اريد اخلي راسي ع صدرك ..اريد ارتاح ..
اريد تمسح دموعي بايدك ..
بسسسمه كافي ..
مو كافي..
خوش سهيل هسة احجز واجي ..
يمكم للبيت ..
بلا خبال ..
وروح ابويه ..متت عاد ..
ولج اكعدي ارتب وضعي واجيج ..
شوكت ..
ماعرف ..
لعد جايتك سهيل ..
بسمه ..بسمه ..الوو الووو
خرب بروح اهلج ..
كمت اتصل بيها مجاوب ..ارجع اتصل نفس الشي..
اخ ربي ..
والله خلي تجي اني اذبحها مو سلطان ..
خرب ..
رجعت للبيت ..
طبيت ..للمطبخ شوك واكفه ..ع الطباخ ..
ها سهيل ..
شو رجعت ..
ماكو شي
وطبيت للغرفه دزيت مسج ..
جايج بسمه لا طلعين من الباب ..
اذا تحبيني متجين ..
بقيت كاعد انتظر تم التسليم ..
شويه واجه الاشعار ارتاحيت ..
دخلت شوك
شبيك ابو الهيل ..
هاا..شوك راح اروح بشغله يمكن يومين اتاخر ..
صدك ..
اي والله ..
خير خوما اكو شي ..
لا ماكو شغل مثل كل مرة ..
حضري جنطتي ..اروح اسبح واجي ..
سهيل خاف زعلتك بشي ..
لا شبيج شغل ..
خلي الي غيارين مو اكثر ..
اي ..وانقهرت ..
اوف ياربي ..
رحت سبحت وكملت شفتها محضرة الي غراضي ..
شوك شغله اكملها واجيج ..
كتلك اني اتحملك شلون متصير ..
عينج ع جهالج وامي ..
بعيوني ..
طلعه ماكو ..
اي ..
ودعتها وطلعت ..
ودعت امي ..
جرتني ..ها زعلت منها ..
لا امي شنو السالفه ..
يمه احكرها النسوان يحبن حكر لا تصير رهيف ..
امي شغل وارجع شحكر ..
الله يفتحها عليك ويرزقك ويستر عليك ..
بوستها من اديها ..
بس يمه خوش شوك ترة ..
اكولج يمه ..استقري بجبهه وحدة ..
اصفي ع بر ..
فرت باديها وتعدل عصابتها ..
جيت اموت اليوم وشباقي بلدنيا حتى ..اصير موخوش.
يمه ..روح الله يسهل الك ..
طلعت من البيت ..
اتصلت بيها ..
جاوبت ..
انتي وين ..
اني بلبيت ..
وانت ..
جايج ..
عليك الله ..
اي والله ..اتاخر بسمه ..
انتظرك سهيل بسلامه توصل ..
سديته منها ..ورحت للبيت ..اتفقت وي الولد ..
يرجعون لاهلهم وانطيتهم حلاوة ..
هذا حالنه اذا موفلوس ودلل الي يمك ميسكت ويبيعك ..
كتلهم صار عندي شغل ..كم يوم وارحع ..
قفلت البيت ..
ومناك رحت للبيت سلطان ..
شفته موجود ..بس سلطانه بلضيم ..موهوة نفسه ابد..
هاحجي شونك ..
هلا سهيل ..
حجي اني راح اسافر ..
وين ..
امي مريضه وراح اسفرها ..
شبيها ..
ضغط وسكر وضعيتها مخربطه ..
روح سهيل اصلا شغل وماكو .تكسرت اني ..
لا استادي ازمه وتعدي ..
روح يمها العافيه..
وين حسن ..
جوة ..
عفته ورحت ..يم حسن ..
هله حيسون شلونك ..
هلا صوحبي شلونك
تمام..
ولك شو مختفي ..هلابام ..
مدشوف سلطان وحاله ..ملتهي بي ..يمعود ..
من دكتور لدكتور ..
متخبل ع بسمه ومن نجم ..
اي داشوف ..
رحت سديت الباب وعليت التي في
حسن اني مسافر بشغله وكلت لسلطان وي امي ..
اي ..
خاف تمر لاهلي شي ويسالك ..امي مريضه ..
ولك انت مناوي تعقل ..تكمز من هاي لهاي ذيب والله ..
بخت خوما مثل حالي صار ست اشهر اريد ازوج مترهم ..
متزوج لازمك ..
مدشوف يوم الحجيه تكول هذا الشهر موزين الزواج بي
يوم سلطان يطلعلي بحجة ويوم اختك تريد تكمل دراسه ..
يلا مضل شي ..
اييي الي الي،ايدة بلمي مو مثل الي ايدة بنار ..
ولك يانار يانعل ..
هوة اني بلضيم ..خرب بحظي ..
لا واضح ..
ديلا عرفت منو مطيح حظي عينك ورايه ..
هههه لا خويه روح وانه بظهرك ..
بس سهيل بداعه الخوة دير بالك ع روحك ..
ترة هذا طخه ويتخبل ..
هوة هذا الي ردته اخبله مثل ماخبلني ..
شويه شويه اكعدة ع الخشب مو حديد لان الحديد هم بي فلوس ..
ليش؟
لان طيح حظي ..
لعد اني شكول ..سنين عمري كلها مابيها راحه ..وساكت وصابر لا تلعب بنار لا تحط راسك براسهم
انت غشيم وفقير خويه ..
بس ماعوفك وحدك ابد اني يمك ..جوكر ..
يلا حبيب ..اروح ..
حضنته وبوسته وطلعت ..
اخذت سايق ..ورحت للكراج ..ومناك طلعت ..
علما وصلت طلعت روحي من الطريق ..والسيطرة ..
كوة دخلت متت ..
وصلت الصبح ..تعبان وراسي طبل صاير ..
خابرت ع الولد الي تكفلهم ..
اجاني ودلاني البيت
امشي ومستغرب شنو هلعمار وشنو هلشوارع ..
ليش احنه هيج وهمه هيج ..
ليش ..
احنه هم عايشين بله ..المكان الي بي بسمه بعيد مو بلمدينه نفسها اطرافها وابعد ..
وصلت ..لشقه ..طابق ثالث ..
وصلني وراح واكيد انطيته فلوس ..
دكيت الباب الجرس ..
تعبان روحي بلكوة اشيلها ..
انفتحت الباب ..
صار بوجي الكمر ..
حضنتني حيل ..
ولج احنه بلباب خلي ادخل..
بقت حضنتني مثل الطفل ..واني شايلها..
دخلت وسديت الباب برجلي ..
ولج وخري ..
اوكف اريد اشبع منك ..وشم بيه ..اوف  عطر الجنه بيك
نزلتها ..
بقت تباع عليه ..لزمت وجهي وضلت تبوس بيه ..
يمه فدوة لقلبك هسة يلا ردت روحي بيه ..
جرتني من ايدي ..
جانت الشقه صغيرة بس حلوة ومرتبه ..
وعطرها يجنن..
اخذتني ..للهول تخم لونه احمر واسود ..
وخاله ..ميز كزاز .وتارسته اكل ..
اباع ..شموع ..كعدت ..
اشم ريحه طيبه تطلع من الشمع ..
اكعد اكل حبي ..
خلي اغسل..
رحت للحمام ..
بسوم
عيونها ..
منو رتب البيت .شقة  موئثثه .كامله
اجتي يمي اني اغسل ايدي ..
حضنتي من ظهري ..
وهذا يطب للييت ..الولد
لا والله ابد .يذب لمسواك بلباب .
خوش..
شلون بيج اريد اغسل
ماه ماه شيلني ..
ولج ششيل متكسر ..
هم عضمه عضمه تون ..
لا بس تكسرت من الطريق ..
يلا تعال ..
كعدت اكل وهيه توكلني باديها ..
تارسه الميز اكل وريحه الجاي المهيل ..
والغرفه عطرها يخبل ..
اكلت كملت ..
بسوم طلعي الي هدوم ..
حتى هيه نزعتني ولبستني هدومي ..
وكامت ترتب وشيل الاكل ..وين البنات ..
نايمات اسكت ..
جتي يمي كعدت بحظني ..
اني اتنفسك مثل الهوى ..لا تعوفني اختنك ..
وتقربت مني تبوس بركبتي وشفتي ..
دفعتها ع كيف واني كلي لهفه الها ..
اوكفي بسمه ..
بعدج مو حلالي ..
يعني شنو ..
يعني ازوجج..
كامت ..جذب ..
والله ..
عليك الله ..
شبيج ..
كامت تحضن بيه عليك الله اصير مرتك وام جهالك ..
اوكف وشوك ..
شبيها ..
مو زوجتها ..
اي ..
بس اني اموت اذا تتقرب الها ..
لعد خلينه هيج بعاد ..اجي اشوفج وارجع ..
لا لا ..اوكف شبسرعه تقفل ..
اكعد ..يعني ..
وكامت تمشي اديها ع وجهي وشفتي ..
يعني هم وصلت الك واخذتك مني وضاكت طعم شفتك ..
بسمه لا تحركين دمي ..
نزلي ايدج ..
كولي ..انت كلك مالتي ..
مالج شغل ..
مكدرت اقاومها ..كمت عنها
وين الجهال ..وكمت افتر بلبيت ..
شفتهم نايمين ..
وكفت بصفي ..
شوكت ترجع ..
فديومين ..
لعد شوكت نزوج ..
اليوم العصر يجي الشيخ ..
بقت ساكتة ..
اريد انام ..
تعال ..
جرتني للغرفه وشالت البنات فرشت الهم بلكاع ..
ونمت ..وبقت تلعب بشعري وتسولف ويايه الان نمت ..
وكعدت الجهال يم راسي يبوسون بيه ويلعبون ..
حاولت منا منا الكف منهم اكو احد يطب للبيت ..
بس محد يطب غير عمو يذب مسواك بلباب ويروح ..
ويحجولي ماما بسمه بس تبجي ..
كمت ريحه اكل طيبه بلبيت ..
مسويه كل شي ..
ومغيرة ملابسها وشعرها ومكياجها ..
بسمه جانت حياه تنبض الي ..
اكلنه ..وكعدنه وي البنات شقه وضحك ..
للمغرب اجوي ..الشيخ وواحد وياه ..
وعقدت ع بسمه ..
وراحو ..
ورة ساعه اندكت الباب ..
منو جاي ..
ماعرف خاف الولد رجع ..
وكفت اباع بلعين السحريه ..
ولج هذا جوكر ..
شجابه ..
ماعرف ..
روحي طبي انتي والبنات جوة ومطلعين ابد ..
شكو سهيل ..
كبي وقفلي الباب ..لو شيصير مطلعين ..
لا تفتح لعد ..
لا هذا صوحبي،..مو اني اسد باب بوجهه
طبي
طبت ..
عدلت روحي وفتحتها ..للباب ..
هلا بحيسون ..
حسن بصدمه ..سهييييل ..
دخل ..داسد الباب اندفعت ..
طب سلطان ..
ياهلا بنجم سهيل
وللحكايه بقيه ..