نجم سهيل

بارت 3

سوزان المندلاوي ....

حسيت ..عصف ..دفعني بنهايه المحل .وكعت ع الغراض..
دقايق ماعرف روحي وين راحت لا اني عدل ولا اني ميت ..بقيت مغمض عيوني اريد استوعب الي صار مداعرف شي ...حسيت ع نفسي ثكل فوك صدري ..وكمت احرك بايدي ..فتحت عيوني ..مداشوف واضح ..
اذكرت ..حسام المسطر ..المي..
كمت ادفع ..بلغراض ..الي عليه .واصيح ..ساعدوني ..يمعودين ..طلعوني منا ..
جان واكع عليه ..خشبه ..مال عرض ..كمت اوخر بيهن ..
طلعت ..اتلفت ..الغراض مشمرة ..والجام مكسر ..طلعت ركض ..النار ..تلهب ..اريد اعبر ..اوصل ..ماكدر ..السيارات اخذن ..نار ..مشيت كوة ..حتى ماشفت روحي مصوب لو لا ...اريد اشوف حسام وين ...
كامت العالم ..تصيح ودفع ..بينه ..والنار تسعر عليهم ..واللحم ..مكطع ..وناس واكعه ..وملخة ..
بقيت واكف وايدي ع راسي ..ماكدر اسوي شي ..ولا اكدر اصرف ..كعدت بلكاع ..كمت اعيط الله اكبر ..الله اكبر ..
الناس الي يمي نهزمت .وشردت كلمن بصفحه .عبالهم افجر روحي ..
ذكر الله ..وتكبيرة ..دخل الخوف بكلوب البشر ..
بقيت اصرخ باسم الله ..الله اكبر عماله ..شعدنه ..ولك حسام وينك ..خالي وينك ..حسسسام ...
ولج يمه ...ولك بويه ..يالله ..هلنار ..اكلت ولدنه ..
عود وين ..وجتي الاطفاء والاسعاف ..
وخمدت ..النار والسيارات الي تحركن ..كمنه نجر ..بلبشر ..ونطلع ..ونذب بسيارات بلعربانات ..
الي ميت ..والي ..مصوب ..
لحد هسة ..ماشفت حسام وينه ..بقيت اصيح حسام ..حسام ..ماعرفت انتحاري لو سيارة ..
هناك واشوف عالم تركض ...ويجرون بلعربانات ..
اباع هذا الحذاء اعرفه ..ركضت ..عليهم ..
هذا حسام ...اكلب بي ..جثه هادمه ..مابيها ولا روح ..
ضليت اكلب بي والعالم صرخ عليه ..عوفه ..
ولكم ابن اختي هذا ...عوفو ..راحو مني ...
اخلي راسي ع صدره ماكو لا نبض..ولا نفس ..
عرفت حسام مات ..
خالي كوم ..كوم ..هدومك وغراضك انه اجيبها  بس كوم كوم ..لخاطر امك ارجع وياي ولك شكول شحجي موته وجيت ..
بعدك  صغير ع الموت ..ولك كوم ..ميلوك الك النوم بعدك صغير حسام ..
جروني العالم منه ...
وجع ..وقهر ..والم ..بصدري ..ماكدر اطلعه ..
خابرت ع اخواني ..ورحنه كملنه الاجرائات ..مال طب العدلي وساعات يلا ستلمنه الجثه ..
اكو هموم صعبه ..واكو هموم ماتنحمل ..هنا ماكدرت احمل شي ..لا انه الي سويت الي بنفسه ..وفرح بيوميته ..ولا انه الي اكدر ع فلوس فاتحه ودفنته ..
باب ..المستشفى ..كمت اشيل رمل وطين واذب ع راسي ..
اصيح ..ربي تعبانين ..تعبانين..فوك التعب موت ..شعدنه احنه ..هوة مسطر عماله ..شعدنه ..ياربي ...ع يوميه ..
تعبنه يااللهي ..كافي ..شفتو مرتاح يشتغل عماله ..

انهارت اعصابي طفوله تموت بحلم ادريس وبوتين ..
الله اكبر ..
اخذو وراحو ماكدرت لا اروح ولا اوصل للبيت ..
ماكدر ..اباع بوهه اختي..ولا امي  صعب شكول الها ..
كتلت ابنج وجبته جنازه ..
بقيت بشارع ..كاعد ..وابجي اريد الله يفرجها علينه ...
حتى صاحبي ماعرف شصار منه ..
ساعات واتصلو بيه من البيت ..تعال ..
شكو شصار يحيى ..
شنو شصار ..انت مصوب بيك شي امي كبلت الدنيا ..
لا مابيه شي ..لعد تعال ..
وين ..
يعني وين شبيك سهيل ..للبيت ..ورانه فاتحه ..
ومنو شال الدفن ..
طلعو خوانك ..شالو ..
جيت ..
اخذت تكسي ..ورحت للبيت ..بس ابجي ..
ابو التكسي ..
شبيك خويه ..
انداريت عليه ..كتله ..مات بسببي ..
منو ..
ابن رضيعتي ..
الله يرحمه ..القدر ..مابي سبب انتو من عمال المسطر ..
اشرت براسي اي ..
الله يعينكم ويرحم بحالكم ..ضل يحجي ..بس راسي متبنج
درت وجهي عنه ..وحرت بزماني ..
لا..هوة العدل وارجع بي للبيت ..
ولا انه الي عندي فلوس فاتحه ..شلون ..
دك فوني ..
ها ..هادي اخوي اكبر مني ..
سهيل هذول يردون ع الكبر 00وانه مشايل غير 00
سكتت ماعرف شحجي وشجاوبه ..
واخوك ..سعد ..شايل لو لا ..
والله سعد شال الكروة ..والغسل ..والباقي ..
كتله ماعرف ..هادي ..
لعد  بس بيك اخذته للموت. .دبرني ..
..غمضت عيوني ..
واخذت نفس ..حرك صدري حرك ..
كتله انطيني منو ..يمك الدفان اي احد ..
درت وجهي ..وحجيت بصوت ناصي ..
كتله خويه ..امانه الله ورسوله ..اخذ من ايدة الي عندة وانه اجيب الك الباقي بس اصبر كم يوم ..وحق الله ..اجيبهن
الدفان ..محجة شي .كال ..عمي احسبها ..كامله ..
كاع الله هاي مو كاع بشر ..بس كبرة يصير عادي ..
سديته ..منه والثكل زاد ع روحي ..عادي عادي كظينه العمر كله عادي بقى ع الكبر ... وصلت ..للمنطقه ..
كتله هنا ..ذبني ..
شكت تامر ..
روح ..صديقي ..
شنو ..
روح عيوني كروتك واصله..
شكرت منه ..ونزلت ..
وكفت بلكرن المن ادك باب والمن احجي والمن اكول ..
ماعدنه ..ومنو يصدك ..ماعندك والعالم تريد فاتحه وتاكل ..
هنا ..يمكن ..نسيت موت حسام وحرت ..بلفاتحه..
اذا زلم اختمها بس ثالث ..
النسوان شون ..
دكيت ع يحيى ..اطلعلي ..
طلع ..طببني جوة ..رئسا صعدت فوك ..مردت اشوف شي
طلعت الي عندي ..
ونزلت ..
امي صاحت ولك سهييل ..ليش يمااااا ..
بقيت امشي ..طلعت برى ..اختنكت ..ماكدر اسمع شي
طلع وراي يحيى ..ذب ع فلوسي ..
صارت 000..
مرت ايام صعبه ..كلش..ماكدرت اسوي ..فاتحه ..
غير بس للنسوان ..
وكم كرسي بلمنطقه ..وبس لا ردت واجب ولا شي ..
3ايام مرت انه مابات بلبيت ..اطلع برة ..البيت بيت اخوي ..
عشيرة واصل وفصل ماعدنه ..
من يوم الي انخذ والدي ..والبوب انسدن بوجهنا ..
من اهل امي واهل ابوي ..مذكرنه احد ولا احد ذكرنه ..
ولا اريد اوصل لهناك ..
بعد السقوط صارت من المناطق االساخنه ..
الي ماحصلته من جانت اكو دوله ماحصله هسة ..
خلك الله كله اذا صار شي ..تعطل وتكعد ..
انه ثالث يوم بليل خابرت ..حيدر كتله ..
اطلع باجر ..
صدك تحجي ..
شسوي لعد ..مطلوب ..فلوس ..خويه ..مجبور
الله يرحمه ..سهيل ..
ويرحم موتاك
مهند شلونه ..
والله مارحت اله ..جنت ملتهي ..
تعال باجر ........ان شاء الله ..
مهند اصوب وصوابه قوي وعايش ع الجهاز ..اذا اني ماعندي ..زوجه واطفال مهند هم اهله وهم عائله بركبته .
رجعت تالي اليل للبيت ....شفت بس يحيى ..
عفته وصعدت فوك ..جان اكو بيچه اخلي ..عليها فراشي وغراضي ..
فرشت فراشي ..ومددت ..كعدت بروحي ابجي ..
ذنبنا انولدنا بوطن يقتل احلامنه قبل متنولد ..
احس ..صوت رجلين ..
اندار ..عكس الصوة مرة ..عرفتها جنه
كالت ..البقيه بحياتك ..خويه ..العزا عزاك انت ابوة ..
جنه ..كعدت كبالي ..كالت ..انت ابوهم ..جبتهم لهنا لحم احمر من چدك كبرو  ..وصارو لا تلوم بروحك ..سهيل انت مو خال انت اب ..
انه ابجي ..هذا اليوجع ..عساني انة متت هوة ابن شهيد وراح شهيد ..ليش ..ليش ..عبالك الحزن مكدر علينه تكدر ..ومختوم بظهورنه ...
لا تبجي ..خويه الله نطه والله اخذ ..
كتلها خجلان منج ..خويه خجلان ..من همداني عساني انه سكنت كبور ..
لا تكولها ..ولا تحجيها مالك ذنب ..خويه ..
صوتها مخنوك بصرخه مو عبرة ....
احس كلامها تريد تقويني  .
طبطبت ع جتافي ..كالت ..ربك اخذة يمه ..ارحم مني ومنك ..
حضنتني ضلت تبجي ..ساعه تكول ليش وساعه تكول قدر وساعه تكول بي ولا بيك ..وساعه ..اخذة ارتاح من الفقر ..
وخفف حمل ...
الموت ميوجع الاموات يوجع الاحياء ..
الي يتعذبون بعدة ..
مرت الايام وانه اشتغل ...يمكن الحزن عدنه يدوم اكثر  والاسود ينلبس دووم ..لان ماكو متنفس للفرح ..هنا ..اكو بيت بصف بيت ..
والحاله..والموت  يوميه تتكرر..من بيت لبيت ..