نجم سهيل

بارت 8

ضلت تعيط وتسب ..بي طببها للغرفه وسد الباب ..
بقيت اتلفت مداعرف شنو الي راح يصير ..
واجه يمنه الله يساعدكم شباب ..
اكو بعد اثنين ولد ويانه بلبيت مالي دخل بيهم
فارس وانور ..واكو الي ماعرفهم ..
صاح انور سويلي جاي شلعت كلبي هاي بنت المطي ..
اني بس ساكت وهاي تسب بي وتغلط ..وتصخ ودك بلباب .
كعد ..يمنه ..
اي شونك سهيل شخبارك اهلك شلونهم ..
تمام برحمه الله ..
باجر الفجر نطلع ..
وين ..
شغل ..
هم مثل ذاك اليوم ..
لا ..
بقيت ساكت ..
ها شو ساكت ..ماتحجي ..شنو ..تراحعت ..
شيفيد الحجي ..
اريدك ويايه لان جوكر بعدة جرحه اخضر ..
اي ..ميخالف ..
لا تخاف ماكو شي ..
وصريخ هاي دوخنه ..
اني بقيت صافن وهوة ولا يمه دخن وشرب جاي ..
وكال ..دزو غدة ..يلا جعنه.
وطب للغرفه بقى اكثر من ساعه ..
كل شويه افز اسمعها تبجي يمكن يضربها ..
كتله ولك شنو هاي ماتت المرة ..
كال عادي متعلمه ع كتل ..
صدك مو مزوج هوة شله بيها ..
كال ..يحبها ولك ..
صدك تحجي اي والله ..
ساعه وطلعت ..عيونها وارمه من البحي ..
تفتر بلمطبخ ..جتي يم جوكر ..هاولك شونك ..
اني بس اباع عليها ..
زين وانتي شونج ..بسمة ..
الحمدلله ..وكعدت ع الميز تفرك باديها ..
جانت لابسه تيشرت قصير ليموني وبنطرون ..ازرك ..
ضليت اباع عليها ..شكلها حلو ..
اندارت عليه ..هذا منو وشنو سالفته ..
كلها هذا ابو الهيل ..
ضحكت ..ههههه وشعندة وي سلطان ..
يسويله جاي مهيل ..
ساكت اني ..
جوكر ..وين جنتي ..
هجيت ..منكم ليش حرام اهج ..واشوف اهلي
لا مو حرام ..
بس ..
بلا بس ..واندارت عليه شونك ابو الهيل اريد  بالف هيل رحمه لاهلك..
ولا جاوبتها ..
هذا شبي اخرس ..
ضحك الجوكر ..عوفي مالج شغل بي ..
جانت تشبهه مطربه اسمها ساريا السواس ..نفس الشكل والجسم والشعر ..بس هاي ..شعرها ..جوزي ..
شويه واجه ..سلطان ..وضل يسولف ويانه ..
ويحجي ..واتفق وياه نطلع قبل صلاة الفجر ..
احلى شي بسلطان يصيلي ويصوم ..
ويزكي ..عن امواله ..
بقت بسمه تسولف وتشاقه وتضحك..
ومداعرف شنو فلمها ويانه ..
هم تشتغل لو شنو..
صدك هذا يحبها المخبل ..
ضلت ..تروح وتجي وتحجي ..ع سلطان كدامنه ..
والجوكر ميحجي شي ..
سلطان عافنه وطلع وكال بليل اجي يمكم ..
انتبهت ع حركاتها مثل الضايجه وتافاف هوايه..
سالت جوكر عليها شنو فلمها ..
كلي ..شبيك ..سهيل مالك دخل بيها ..
هاي بلوة ..
واذا ع نسوان امشي ويايه ..واشوفك اشكال والوان ..
عوف هاي ..مالك شغل بيها ابد ..
ليش ..
بلوة...شبيك ..
مالي شغل يمعود ..
يلا امشي ..
وين ..
اشوفك ..
لا عيني لا تشوفني ولا تعرفني عوفني اهنا ..
جوكر شون عرفت سلطان ..وهوة شسمه .وشنو شغله ..
كال عرفته صار سنه ويا ..
ي
شسمه ...
سلطان ..
هااا.
وشنو شغله ..ضحك ليش متعرف شغله لحد هسة ..
لا والله شنو ..
عوف لعد ..
غير افتهم ..تهريب سلاح ..مو ..
اي ..وبعد كم شغله .
زين شنو هذا الي كتله ..
ياهو ..
الي جبته انت ..وكتله هوة وذبها براسي..
بقى ساكت ..
هسة انت شقفلت متكولي ..
كوم امشي نطلع ..
وين ..
ماعرف بس هنا ضوجه.  ..
بكيفك ..
لا يمعود منطلع لا تنهزم هاي ..المخبله ليش تنهزم. .
ابو الهيل بشغلنه لا ضل تسال احسن الك والي ..
خوش..سكتت عمي ..
عفته ورحت ..مددت بلهول ..
جان البيت كلش حلو تمنيت اهلي بي يعيشون ..
الهول الي هوة النه ..بي ..كعدة عربيه ..وتلفيزيون وستلايت وتبريد ..كامل من كلشي ..
ماعدا اكو استقبال ملكي ..اتمنى اعرف شيشتغل ..
وهيج صار عندة فلوس ..
مددت ..وراح فكري وخيالي يم شوك .
افكر هسة شراح تسوي وشنو كالت عليه ..هنوب جنه تدري
بس تروح تكول الها وسمعها حجايه ..
شوكت ياربي اروح لاهلي واحجي وياها ..
طب جوكر جنت مدد ..
كال شنو هاي ..
شنو ..
العلاكه بيدة ويضحك ..
شنو ولك ..عبالي فقير ..
كمت جريته من ايدة شنو هلتصرفات ..ومو من حقك تكلب شي مو الك ..
هاي شبيك .المن اخذته ..كولي ..
مالك دخل ..لاهلي ..
ضحك المن للحجيه ..
جوكر ..وتقربت منه ..
اعصابك اشاقه وياك مالي دخل بشي..براحتك ..
ضميته جوة فراشي احسن مكان ..
ونمت ..ماكو شي اسوي غير النوم ..والاكل ..
نمت كعدت ..بليل جان السلطان موجود..وهاي بسمه هم وجوكر وكاعدين يسولفون ويشاقون ..
سلمت عليهم وكعدت ..صح النوم يمعود..
فاتتني نومه والله ..ها نطلع للشغل ..
لا بعد وكت ..تعال تعشا ..
بسمه ..يالله طلع يحجي شبي لعد مخروس ..
جانت تحجي وسلطان كاعد وكباله حاسبه ..
وهيه خاله اديها ع جتافه ..
مجاوبتها هم ..
تعشيت وانتظرت نطلع اريد اروح للبيت ..
طلعنه ..وهلمرة وصلنه لمكان وخلاني وحدي اروح ..
واستلمت كواني شنو ماعرف ..
الحياه هنا اشبه بفلم ..داعيشه الي يفرق ..
تسليم كواني مو جنط ..
اخذتهن وعبرت بين البساتين ووصلتهن ..
للبيت الي بي سلطان. .
كل مرة سلطان يطلع ويانه هناك ويختفي ..
وصلت وانه ميت تعب وخوف خوف لا انلكف شريد اكول لاهلي وشريد احجي ..
وصلت ..هلمرة..سلطان ..ماكو اجه ورايه ..
ها ابو الهيل ..
جبتهن بس جنت طالعه الدنيا من عيني ع داشوفه .
شنو ذنبي اني ووكعت بهيج بشر ..
راح للسيارة كلبها ..عفيه عليك ذيب ..
يلا نتوكل ..وين نرجع..
هااا مو اخاف..
هاي شنو محلوة منك اخاف ابد مو انت الي تخاف ..
سلطان مو سالفه خوف الي ابالك ..
المهم يلا ..
اصعد بسيارة ..وانت ..
مالك شغل بيه وراك عمي احنه لا تخاف ..نحرسك
مكعدت بس قبلي الشباب رتبو السيارة ..
والغراض ..
وتوجهت ..للمدينه ..الدنيا فجر جانت
بهلفترة ..الامن معدم جان والعسكري يخاف من المدني ..
وحتى اذا يشوف شي ..يغلس ..
عبرت ووصلت بس الطريق كله اريد اشوف سيارة ورايه ماكو ..هنا حسيت اني طعم كلش سهل ..
خالني بلبدايه ومحد ورايه ..
وصلت للبيت وفتحت الكراج اجوي الولد قفلو الكراج وبدو ينزلون بلغراض عفتهم .وطبيت جوة تعبان ..
صارت بوجهي بسمه ..
وين سلطان ..
ماعرف ..
شنو متعرف ..
شبيح شنو ضامه بجيبي ..
اجه جوكر هلا ابو الهيل .ديبوسني دفعته ..
هاي شبيك اليوم ..
مابيه شي ..
بقيت واكف ..نضرات ..بسمه الي ..ماعرف شنو تباع عليه من فوك ليجوة ..بستهزاء ..
تقربت مني وضربت جتفي شبيك ..عيني ..
دفعت اديها بعصبيه ..ولج اني مو سلطان خوش لزمي لسانج لا اكصه ..
وووولك عليمن هاي ..
عليج ..
وتباع ع جوكر شبي هذا ومين جايبي وجهه البومه ..
يكص لساني ..وكامت تعلي حسها حتى اكص راسك ..
وعفتهم وطبيت جوة ..اعصابي ادمرت من اعصب اكسر ..
بس ماعرف شكسر .هنا طبيت للحمام ..
من خبالي ..اشيل الشامبو واركعه الى ان حسيت اعصابي بردت ..
الي قاهرني جان ..عافني وحدي بكل شي صدك الطايح رايح وياهم ..بس والله اني الك سلطان مو سهبل الي يوكع ..ورجعني ..واصلا هو. مطلع ويايه خاف كل شي يصير اشيلها وحدي ..
لبست هدومي ..شورت وفانيلا
طلعت من الحمام ..
رحت للهول كعدت ..
طب جوكر شبيك سهيل ..
لا تلح ماكو شي ..
صار شي بلطريق ..
لا ..
لعد ..
ماكو بس سلطان عافني وحدي ..الطريق كوله ..
ضحك ..جان واكف يم الباب ..
ليش شعبالك انت ..اذا صار بيك شي ..يدخل ..
ههههه اصحى شبيك ليش اختارك واختارني وختارنه كلنه ع كد ايدة حبيبي فهمت واذا لزمنه محد يطلع ورانه  
بقيت ساكت ..
هز براسه اي اي ..وباوع ع رجله وحركها ..
شلون واحد يدوس ع نمله او يطفي جكارى ..
يعني احنه نندعس جوة الرجلين ..
كتله مو اني ..جوكر انداس ..
امشي اطلع ناكل ..
مالي نفس ..
شبيك يمعود ..
مابيه لا تلح اريد اروح لاهلي هاي يومين ..
تعبت واشتاقيت الهم ..
اهلك لو ام الحمر ..
وكمز راح ..
ام الاحمر ..وينها ام الاحمر هيج الله وصير من قسمتي ..والله لو عدها عشر جهال راضي بيها ..
احس روحي تخطف يمها ..وماعرف شريد احجي وشريد اكول ..هم يجي يوم وصير الي وحلالي ..
معقوله ..بعد ماطمست روحي وي ذولي اخليها ويايه ..
لا لا كافي عليها ضيم ياسر مو اني هم
احسن شي ابقى بعيد عنها ...
سمعت صوت سلطان ..بلكراج يضحك ..
عفيه شباب كفو منكم ..
كمت فتحت الباب ..
لزمني جوكر اعصابك صوحيبي ..غلس ..
بردت ...وسكتت..
عفته ورحت ويا..
واكفه بسمه جانت لابسه فستان بي الوان هوايه .مشجر
ولابسه بدي ابيض وفاتحه شعرها وبي كسرة خفيفه ..
واكفه ومنتجيه ع الميز مال طعام ..
وتباع عليه ورافعه تك حاجب ..
هلمرة من شفتها ..شكلها جان كلش حلو..
ومغريه كلش ..كل شي بيها مثير ..شعرها عطرها حركتها
بس تعوذت من بليس وطلعت ..
يضحك سلطان ويحجي وي الولد ..
عفيه عليكم خلصت بعد ..
هلا هلا بابو الهيل ..كفو منك ذيب والله ..
وعاشت ايدك ..وولزمني ومشاني وياه ..
للمطبخ..
هلو بسبس ..شونج كبد ..
حضنته وباسته ..
وكعد يحجي ويسولف ..
كل ما ارفع عيني اشوفها تباع عليه ..
ادنج اني واغلس ..
بصراحه ماتحمل نضراتها ..الي احسها ..صعبه ..
اكلت  ابو الهيل ..
لا ستادي ..
لا تكول استادي ولك كول سلطان ..
يلا بسبس ..سويلنه اكل جعنه والله  ..
اي تامر ..
ورحنه للهول ..
والله اليوم انت اثبتت وبجدارة انت ذراعي اليسرى ..
والجوكر اليمين ..
سكتت وكلبي يفور عليه ..
الك حلاوة غير طعم ..بس خلي اصفي البضاعه ..
الي عندك ..خلصن لو بعدهن ..
عفتهم يم اهلي ..
سهله ولا يهمك ..
اريد اروح لاهلي ..
شنو بحضانة ويوميه اهلي ..
ههه ..مو هسة بعد ..
شوكت ..
بعد لا تستعجل ..
سهله ..
جابت الاكل وكعدنه ناكل وكعدت ويانه .هيه هم ..
هيه بصفه ..واني مقابيلهم ..
كل شويه تشاورة ..
وتحجي وياه ..وتضحك ..
لو تخلي اديها ع زرة وتحرك بايدها ..
وتشاورة وتبوسه من ركبته ..
كوة كملت لكمتي حسيتها طلعت زقنبوت ..
كمت من الاكل .
ها وين ..
شبعت ..
كالت بلعافيه عيني اكلنه ميعجب ابن الباشا ..
وسلطان يضحك ..
بكلبي كلت امداك وامداها ..
كعدت بلمطبخ ماريدها كدامي ..
صاح سلطان اني وجوكر رحنه يمه ..
الجوكر صح ..عود صديق بس حياته غامضه ..
ماعرف شي غير الي كاله ..
رحنه كعدنه وكعد ينركل ويسولف ..
اريد اروح انام شو حياتهن بلمكلوب مينامون ابد ..
اجتي بسمه وكعدت ..يمه ..
اني وجوكر ع جهه ..
كاعدين ..
جان يفهمنه ع الشغل ..وشنسوي باجر ..
مدري شحجت ويا ..
دفعها من يمه ..
كلها انجبي ..واسكتي ..
حباب ..
داكولج اسكتي ..قبل يومين جبتج هم تريدين تنهزنين ..
لا والله ارجع بس اشوف اهلي ..
من انعل ابوج لابو اهلج ..رايحه ع الخيسه ..
حجايه منها حجايه منه ..
دفرها ..وضربها ..
اني متحملت ..
كمت ع سلطان دفعته ..كتله عيب تضرب مرة ..
انت شعليك ..
دفعته حيل ..ضربني ..بوكس بوجهي ..
انداريت ..جرني الجوكر ..
وطلعني برة ..
طلعت رحت بلحديقه ...
مالك دخل عسى مايذبحها ..
شعليك انت ..
صح شعليه بس ماكدر .ليش هيج يسوي ..
والله الا اكسر راسه الا اندمه ع الي سواه ..
لو عايفني ..
اعوفك ..
ي شنو ..غوفني شنو بعبع هو ..
طلقه براسك ويخلص الموضوع ..
اي سهيل شبيك انت لحد هسة مداتفتهم حجم الي بي انت .اصحى ..
خوش اصحى بس هله والله ..وبهلشارب ارجعها اله اضعاف ..
بقيت بلحديقة ..
طب جوة خلي،انام
ماطب عوفني لا تخاف مانهزم ..
ضليت ..ادخن ..وافكر ..شلون اخلص منه. .
حسيت ..صوت رجلين ..
انداريت ..بسمه ..
كالت ..انت مثلي مو ..
سكتت جنت كاعد ع الثيل ..
وكفت ..كالت نطيني جكارة ..
رفعت راسي ..
انطيني شبيك ..
انطيتها ..خلتها بشفافها ورثها ..الي ..
شغلت الجداحه وورثتها ..
مثلي انت ..مجبور اهنا ..
ادخلي جوة لا يجي ويسمعج ..
لا تخاف انطمر ..
شسمك ..
شتريدين ..
اوي شبيك ..انت ..عصبي الوكت كله ..
مجرد سؤال ..
سهيل ..
اني بسمه ..
طبي بسمه الي بيه كافيني ماريدج فوك راسي انتي هم ..
اشكرك دافعت الي ..وكامت تبجي ..
تعبانه هوايه ..اتمنى اموت ولا اعيش هنا ..
ضليت اتلفت طبي ..جوة اني يمج لا تخافين ..
قانون غابه ..هنا ياما تكون صياد ياما فريسه ..
واني فريسه ..
ثق بالله عضمي يون عليه ..
بسمه عفيه طبي جوة ..
راح اطب ..اشكرك ..ع سويته ويايه
اخ الله اخلص من شغله تطلعي ثانيه .
رحت طبيت ..ونمت ..بقيت اسبوع ..هنا ..
كملت كل شي وياه ..
ثاني يوم كمت ..سلطان يسولف ويحجي وياه ..
ولا عبالك اكو شي ..
هلفترة عرفني ع عالم ..وكمت اخذ اكثر ع الشغل ..
وتعلمت عليه ..واخذلي فون وسيم كارت
الا ان كلي انزل لاهلك ..
عفت كل غراضي ..ونزلت ..لاهلي ..
جنت مشتاق الهم هوايه ...
اخذت فلوسي ..وكيت تكسي للبيت ..
جنت متلهف اشوف شوك ..
واشوف اهلي ..
وصلت ..للمنطقه مثل كل مرة يذبني براس الشارع .
لان ..محد يقبل يطب بدربونتنه ..
نزلت كبل ع اهلي ..
والجهال استقبلوتي بزفه ..لحد ماوصلت للبيت ..
سلمت ع امي والبنات ..
هلا هلا يمه هلا بنضر عيني وشم بيه وتبوس ..
والبنات يباعون ع ايدي ماكو علاليك ..
اخ الله كعدت ع الحصيرة ..
اباع امي ..مبدله فرش الكاع ..
ها حجيه مبدله الحصاير ..
يمه ..والله خذيت من فليساتك ..
بس ع كد افراش الكاع ..
يمه الي عندج اصرفي بيهن لا ضمين الف ..
بيومه ..ليش والك انريد نعرس بيك ..
لا يمه كفي البيت ..
مممم سكتت..
هل مممم وراها حصبه وجدري اعرفها زين
جانت جنه ماكو ..
يمه وين جنه ..
ها يمه ..
اي وين جنه ..وبداخلي اسال ع شوك ..
اي جنه وين ..
واخويه وين ..ومرته ..
يمه اخوك طلع منا ..
ليش ..
كعد بيت عبود ..
هاي شنو ..
عبود اهل مرته ..
ليش ..
مو عبود سافر وي اهله لسوريا ..
هاي شنو ..
اي والله ومن يوم الي اخوك عرف اكو شغل بسوريا وهوة ع ونه وحدة اسافر لهناك ..
منو ..
يحيى يمه واخبر خوانك ولا الهم لازم ولا يحجون ..
سهله يمه ..
هسة جنه وين ..
بشغل ..
ياشغل ..
الي كتلك عليه ..
هاااا ومنو وياها ..
مرت ياسر شوك وياها ..
سهله يمه انه خراعه خضرة هنا محد يدير الي بال ..
لا يمه مو هيج ..
ادري عليمن تشتغل ..مو كلت اني اكفي واوفي ..
محلوة منها تكسر كلامي ابد ..
وزعلان عليها ..
يمه اسمع مو هذا المكموع ياسر شسوة من رحت انت ..
ةناسكت لحد مايحيى طبنه ..
ليش ..
هد ع هلمكرودة كسرها والله يريد فلوس منها ..
ليش رجعت يمه ..
اي رجعت جا يمه ..هوة بيتنه كن ..
سهله ..
هسة ..
ومديت ايدي ع جيبي ..وطلعت افلوس ..
وحسبت منها ونطيتها الباقي ..
هذا مصرف وماريد اسمع ..جنه تطلع بعد ..
.كمت ..
ها وين هم للطيور ..ولك تعال مين الك هلفلوس كلهن ..
عفتها وصعدت ..
اكلب بيهن واطيرهن وشفت عندي مفرخات ..
مساكي ..
بقيت معلك واطير بيهن واصفر وصعدو الجهال يمي ..
عسا اشوفهن راجعات من شغلهن ..
مشفتهم مليت ونزلت ..
ودزيت ع الولد .
وجتي جنه ..بس محاجيتها جنت زعلان منها ...
اجوي الولد للبيت  وهم امي دزت ع مسواك زين وسوت ثواب ..
هنا الكل اندار عليه .
من اين لك هذا وشغلنه وياك ..
مابيها مجال ..افلت الا نشتغل ..
رهمت الهم كذبه ..شغلي حارس ع الحدود ويخوف ..
وبنهار اشتغل غير شغله ..
بس محد اقتنع .
ويحيى اصر ع السفر مكدرت امنعه ولا اكسرة مثل ما اني اتكسرت ونطيته فلوس حتى يطلع جواز وهيج..
البيت من طلع اخوي شويه فرغ ..
وغرفتي فرغت الي ..
كدرت احط راسي وارتاح بيها ..
رحت مددت شويه ..وغمضت عيني احس احد يرفع ..
بهدومي افتح عيوني اني ..
هايمه سالمين ..
يمه اشوف ..كلاتك بعدهي ..
ههههه شلج بهلسالفه ...
من فدوة لطولك ..عليك القرعان شنو شغلك ..
يمه فلوس مال شهر هذول دتبوك ..
لا ..
لعد ..
ماكو يمه مثل مافهمتكم ..
هسة احنه مو بحرب ..
بلي ..
واكو مناطق ساخنه ..
بلي ..
انه بيها اشتغل هم حارس وهم ابني ..
وهلكثر ينطون ..
اي هلكثر والقرعان ..
برد روحي يابعدها انت ..
يمه نامي رغد واصرفي لروحج وللبنات ..
جايمه اروح بيهن للرضا ..
سكتت..ماعرف شجاوبها مو بحرام اوديج ..
كتلها بعدين الييت اوله هسة..
وكمت ..راح ارتب البيت واطلع عماله ..
ي ..😒 هذا شكلها ..
عفيه لو كل بنه مثلك الوادم تركب ..شبح ..
هههههه مضلت شبح ..يمه هسه اشكال اكو سيارات
اووف المن احلفك ويرتاح كلبي ..
محد لا تخافين ..
دخلت جنه ..
وكعدت وخلت جاي كدامي ..
كتلها شيلي ..
ليش خويه ..
تعرفين ليش ..ليش شتغلتي
مو شوك ..
مالج شغل بيها .
خطيه والله
ميخصني جنه شغل ماكو خوش ..
والله بعدفلا احاجيج ان ا شتغلتي ..
هسة البس عباتي واروح احاجيها ..
وبوستني وكامت ..
راحت..شويه وطبت  جنه ..كالت سهيل ..
شوك تريدك ..
وين ..
بلحوش ..
كمت .لبست تيشرت ..ورتبت شعري وطلعت ..
جانت واكفه ولابسه عبايه راس ..
شونك سهيل ..
زين..
وانتي .
برحمه الله ..
فدوة خلي تشتغل ..ويايه ماكدر اروح واجي وحدي ..
شوك انه شكلت مو انطيج فلوس وكعدي ..
ها مو هيج ..
وتقربت يمها ..
بيوتنه من ساسها مكشوفه ..
شبي وجهج ضامته ..شوك ..
مابيه شي ..
وخري العبايه ..شبي ..
مابيه والله المهم هسه بقيها ..
لا انتي ولا هيه تشتغلن خوش ..وجريت من يم عيونها العبايه ..شفت زراك ..
هاي شنو ..
وكعت ..
وكعتي لو ضربج ..
سهيل ..
شوك ..انه احبج تفتهمين ..
عفيه لا تحجي هيج احس جسمي يرجف ..
مافيدك اني سهيل ..عفيه لا تنسى مزوجه ..
الي عندج رجال ..
سكتت
الا اكسر ايدة ..
لزمت ايدي لا دخيلك عوفه ..
رفعت راسها ..شونج خاله ..
هلا هلا يمه ..
اني اروح وخلي جنه تطلع ..
لا انتي ولا هيه الي تطلع خوش واريد اشوف من بيجن باجر تطلع ..
سهيل ..تاذيني ..
ضحكت ..روحي شوك دبارة يمي هلنكس ..
وراحت ..
طبيت امي كالت شبيها ..
مابيها ع الشغل تحجي ..وتريد جنه تطلع وياها.
هاااا ..
ي ..
رحت ..للغرفه شفت جوكر داك عليه ..
الو ها ..حسن ..
شونك
تمام ..
تكدر تجي ..
ليش شكو ..
سلطان يريدك ..
يمعود اليوم جيت .
ي.اعرف .
خوش جاي ..
وسديته خير شكو وشيريد..
صحت جنه خليت باديها فلوس ..
كتلها توديهن لشوك ..خوش..
بقت ساكته ..
ي وديهن ومالج شغل ..
بس ..
بدون بس وكمت ابدل ..
وين
راجع للشغل ..
شكو ..
صار شغل ..بلكي بهليومين اجي ..
ودعتهم وطلعت افكر شكو ..
وصلت ..وطبيت
كاعدين الكل شكو ..شصار ..
ماكو امشي..
وين ..
شغل اجه ..
اخذنه وطلعنه ..بنفس الوكت ..هلمرة بقينه ..
بنفس المحافظه بس هم اخذنه غراض ..
شنو ماعرف
بقينه لنص الليل احنه نحمل ونحط ..
من داحمل بيهن شفتهن ..مواد غذائيه ..
هذا شيشتغل ياربي..
نزلناها بمخزن  وصفطناها ..وكملنه ..
صدك جتوفنه وكعت من الشيل والحط ..
كملنه ..ورجعنه للمقر البيت ..
سلطان عافنه ورجع لبيته ..وبقينه اني وجوكر وانور ..
طبيت سبحت هلكت تعب صار هواي ممشتغل هيج ..
وطلعت لغرفتي ..
جنت لاف الخاولي عليه ..
طبيت وسديت الباب ..
انداريت .
شفت ..بسمه بلغرفه .
فتحت عيوني ولج شجابج هنا..
اريد احاجيك .
شتحاجيني ..وكعدت ع الجربايه ..
بشغله ..
اشرت بايدي طلعي قبل لا احد يطب علينه مناقصني هم اني ..طلعي ..
كامت وكفت يمي ..وخلت اديها ع صدري شبيك ..
وتحرك باديها وتنصي حسها
شبيك..انت شكد عصبي ..
دخيل الله ..
اول مرة بحياتي مرة تلزمني ..غريبه ..
كمت احس صوتي راح ..واعصابي..رخت ..
بسمه اطلعي ..فدوة ..شتريدين مني
لا ماطلع منا ..اريدالي تريدة انت
وللحكايه بقيه .. 🌹