بحبك ولكن

Part 19

 عادت نور من تفكيرها وذكريتها اكثر عنيده عن السابق نعم فهى تحبه ويجب ان تقف امام الجميع نعم هو زوجها ومن حقها هى فقط فمن هى مريهان ومن هى سيرين حتى يقفوا امامها وبعد تفكير عميق قررت نور ان تبدأ ملابسها بأخرى تناسب السهره فكانت غيرتها من سيرين واضحه للكل فصعدت إلى غرفتها وبدلت ملابسها بفستان للسهره وقامت بارتدائه وكان عباره عن فستان أسود من قماش ال...ليكرا ذات فتافيت فضيه طويل ضيق بالكامل ذات كتف عاري والآخر بكم من التل ذات رقبه دائريه صغيره ومفتوح من فوق الركبه إلى اسفل القدمين وحذاء احمر اللون كلاسيكي فيرنيه وغيرت من مكياجات فزادت من حمرة الخدود باللون الاحمر ووضعت احمر شفاه (جلوس) احمر ناري وأطلقت لشعرها العنان لينسدل بالكامل خلف ظهرها وزينته من الأمام بسورتيته حمراء اللون ستان وامسكت بيدها بورتفيه احمر كلاسيكي فرنيه ايضا ووضعت برفانها المفضلJadour من Dior وبدت كقطه شرسه ذات أظافر تريد ان تخربش اي امرأه تحاول ان تقترب من ادهم فهي لا تريد توسيع الفجوه بينهم أكثر من ذلك كما غيرت لون طلاء أظافرها من السيمون إلى الأحمر الناري كانت نور حقا جميله جدا بل كانت فى اروع من الجمال بكثير جين توجهت نور الى الحفل تجمعت الانظار حولها وحين شاهدها ادهم بهذا الجمال خطفت نظره وعقله وكل كيانه اخذ يقول لنفسه هل هذه الجميله زوجته هل هو يملك كل هذا الجمل اتجهت نور الى الطاوله التى تجمعهم وقالت

نور : اسفه لو كونت اتاخرت
حازم : ايه ده ايه الجمال ده يا نور
هنا : قمر يا نؤنؤ واللهى
نور : مرسى يا جماعه بس بقى كده هتغر
سيرين : لا بجد حلو اوى يا نور بس مش مقفول شوييه
نور : ده كله مقفول حرام علكيى يا سيرين
هنا : لا يا نور اصل سيرين مش وخده على النوع ده من الفساتين ولا ايه يا ادهم
ادهم : ها بتكلمينى يا هنا
حازم : ادهم مش معاكم خالص
هنا: الى واخد عقلك يا ادهومه
ادهم : ولا حاجه يا هنا

اثناء هذا الحديث جاء احد رجال الاعمال الى الطاوله وسلم على ادهم فستاذن ادهم منهم وذهب للجلوس بصحبت احد رجال الاعمال المعرفون بينما جاء وصل ممدوح فى هذا الوقت فسلم على حازم وهنا ونور وعانق سيرين وجلس معهم على الطاوله واخذوا يتحدثون فى الكثير من الاشياء الى ان اشتغلت الموسيقى الرومانسيه فقام ممدوح وسيرين للرقص وقد طلب حازم من هنا فرفضت هنا وبشده لانها رغم حذائها الكعب الى انها قصيره جدا بنذبه لحازم وقالت

حازم : يا حبيبتى قومى نرقص احنا مالنا بالناس
هنا : لاء يا حازم مش هينفع الى انت بتقوله ده الناس هيضحكوا عليا
نور : ايه يا هنا الى الهبل الى بتقوليه ده
هنا : مليش دعوه لو عاوز ترقص قوم ارقص مع نور
نور : لا يا هنا قمى ارقصى انتى مع جوزك
هنا : لاء مش عوزه ارقصى انتى
حازم : طيب هنسيبك لوحدك
هنا : متخفش يا زومه محدش هيخطفنى ههههه
حازم : طيب يله بينى يا نور
نور : يله

قام حازم ونور لكى يرقصوا معا بينما ظلت هنا وحدها وما هى الى دقيقه وقد عاد ادهم فستغرب وجود هنا وحدها فقال

ادهم : اما الناس راحوا فين
هنا : راحوا يرقصوا
ادهم : وحازم ونور
هنا : ايه يا ادهم ما بقولك راحم يرقصوا

نظر ادهم على الاستديدج الرقص فوجد نور وحازم يرقصوا ويضحكون فخطرت فى بله فكره و نظر لهنا وقال بخبث

ادهم : هنا متيجى نرقص
هنا : نعم دا انا مرضتش ارقص مع حازم وهو اقصر منك هرقص معاك يا فرع
ادهم : ما انتى لبسه كعب
هنا : مليش دعوه يا ادهم انت عاوز نخله عشان ترقص معاك
ادهم : يا بت انتى تطولى ترقصى معايه
هنا : مهو عشان انا مش هطول مش هرقص معاك
ادهم : طيب يا هنا بس متزعليش منى بقى على الى هعمله
هنا : ها وانت هتعمل حاجه تزعلنى ولا ايه
ادهم : مش عارف هتزعلك ولا لاء
هنا : هى ايه وانا اقولك
ادهم : او مرضتيش ترقصى معايه هروح اطلب مع سيرين
هنا : هههههه وده الى هيزعلنى
ادهم : لا ما انا هطلب منها ترقص مع حازم
هنا : بصدمه نعم كده يا ادهم تعمل فى اختك كده
ادهم : اعمل فى ابويا كمان قومى يله
هنا : طب متزقش

صعد ادهم وهنا الى مكان الرقص فاثر هذا دهشة حازم لانها لم توافق على الرقص معه بينما وافقت على الرقص مع ادهم ....فقام ادهم بعمل اشاره لحازم ففهمه على الفور فقام كل منهم بتدوير من تشاركه الرقص وبحركه خفيفه منهم تبادل الادوار فوقعت نور فى احضان ادهم ووقعت هنا فى احضان حازم اندهشت هنا من الامر ولكنها فرحت جدا لانها ترقص مع حازم بينما ظلت نور تنظر الى الى عيون ادهم وهو ايبضا كانت العيون من يتحدث

حازم : طيب ما انتى رقصتى معا ادهم اه اما مرضتيش له ترقصى معايه
هنا : اسكت والنبى يا حازم ده اعد يتحايل عليه لحد ما صعب عليا خاص والنبي يا هنا عشان خطري يا هنا زهقنى موت
حازم : هههههه طيب يا هنا هحال اصدق بس احلي حاجه عملها
هنا : بجد
حازم :طبعا يا حبيبت قلبى

اما عند نور وادهم اخيرا كسر ادهم الصمت بقوله

ادهم : بحبك
نور : وانا
ادهم : وانتى ايه عاوز اسمعها
نور : بحبك بموت فيك بعشقك
ادهم : ياااه بقالى كتير مسمعتهاش منك
نور : انا عرفه ان انت متعذب معايه بس عشان خطرى اصبر عليا انا خايفه
ادهم : عارفه بحس سعات انى مخنوق وهموت من بعدك عنى بس اول اما بشوفك قدامى وتنامى بين احضانى ببقى مش عاوز حاجه من الدنيا تانى
نور : وانا مبحسش بالامان الى معاك وفى حضنك ده ربنا يخليك ليا
ادهم : ويخليكى يا روح قلبى

بعد انتهاء الرقصه وجلوس الجميع الى اماكنهم صعد صاحب القريه على الإستيدج وقال كلمه افتتاحيه وبعد ذلك قام بتكريم بعض العاملين بعد ذلك قل كلمه جمليه جدا ثم قام بتكريم وشكر خاص لسيد ادهم هاشم احد المشاركين على نجاح هذا الصرح العظيم فصعد ادهم الى الاستيدج واستلم الدرع وشكر الجميع ((وقال لو كان ابى على قيد الحياه كونت اعطيت له هذا الدرع دون تفكير لكنه فارق الحياه اما الان اود ان اعطى هذا الدرع الى اهم شخص فى حياتى وهى زوجتى البشمهندسه نور محمد )) نزل ادهم من على الاستيدج وتوجه الى الطاوله فالقت نور نسها بين احضانه وكان ه سعيد جدا بها كما احتضنته هنا وحازم وبارك له ممدوح وسيرين وبعد حوالى ساعه انتهت الاحتفال وصعد كل منهم الى غرفته كان هذا اخر يوم لهم فى مدينه شرم الشيخ فهكذا انتها اسبوع شهر العسل الاول وكان عليهم يغادروا الفندق فى الصباح الباكر لاتجاه الى روما عاصمه ايطاليا حيث الجمل و السحر بلاد العشاق

دلف ادهم ونور الى غرفتهم وبعد ان بدلا ملابسهم واستقلم سريرهم قالت نور لادهم

نور : ممكن انام فى حضنك
ادهم : بستغراب فهى اول مره تطلب نور هذا الطلب فدائما يرغمها ادهم على ذلك : طبعا

اخذها فى احضانه فاحتضنته هى بشده كانت تشعر بالسكينه داخل احضانه وتشعر بالامان كانت خائفه ان ياتى يوم وتفترق عنها وتفتقد هذا الشعر ظلت تفكر هكذا الى ان سبحت فى نوم عميق جدا اما هو فظل يينظر لها ولجمالها ولبرائتها ثم طبع قبله حانيه على شفتاها ثم نام هو الاخر

فى صباح يوم اخر استيقظ ابطالنا منذ الصبح الباكر وذهبوا الى مطار شرم الشيخ واستقلم الطائره كان هذا اليوم مختلف بعض الشئ حيث كان هنا تغير كبير فى علاقه ادهم ونور ولكن سرعان ما تغيرت هذه المعامله حين شاهدة نور ادهم وهو يغمز الى المضيفه وينظر لها نظرات متفحصه تعصبت بشده وعاملته بطريقتها الاولى وبعد عددت ساعات وصلت الطائره الى روما وسرعان ما خرجوا ابطالنا واتجهوا سريعا الى الفندق وبعد عدد من الدقائق دخل ادهم ونور الغرفه المحجوزه باسم ادهم مسبقا من القاهره ووضع لهم الشيال الشنط الخاصه بهم وأعطاه ادهم بقشيش وانصرف لكي يذهب الى حجره هنا و حازم أيضا ليضع لهم شنطهم وهم ادهم بدخول التواليت واغتسل من عناء السفر وخرج بالمنشفه على خصره فقط ورأي نور واقفه في شرفة الحجره تتطلع المناظر الخلابه والألوان الزاهيه فالمعروف فبنايات روما كثرة الألوان وايضا غرابة التصماميم والأشكال وكثرة الورود

فارتدي ادهم ملابسه وكانت عباره عن بنطلون رمادي اديدس وتيشرت اورانج من نفس النوع ومشط شعره ووضع عطره وفتح ال tv عله يحد شئ يشغله عن التفكير ف نور التي لا تبالي به
دخلت نور لتجده أنهى حمامه ويطالع شاشه ال tv

نور : ايه ده انت خلصت حمامك
ادهم : اه من نص ساعه تقريبا
نور : طيب ليه مندهتنيش عشان اخد شاور أنا كمان
ادهم غامز : معايا
نور : ادهم .... لا طبعا انا قصدي بعد أما أنت خلصت
ادهم وهو يزفر فضيق : معلش أصل لاقيتك سرحانه فى ملكوت الله فمحبتش أقطع عليكي حبل السرحان
نور وقد فهمت ما يرمي اليه ادهم : مممممم طيب
همت نور بفتح شنطتها وأخذت منها البورنس واتجهت الى الحمام لتغتسل
بعد حوالي ربع ساعه
ادهم يطرق الباب علي نور
نور : ايواااا
ادهم : أنا رايح عند حازم تشوفه كلم مروان يطمن على الشغل النهارده ولا لا عاوزه حاجه قبل ما أخرج
نور : شكرا تسلم

خرج ادهم من الغرفه بينما حمدت نور الله بداخلها لأنها أخذت معها البورنس وتناست تماما أنها لا تغير ملابسها أمام حازم وكانت فى حيره من امرها حتى نجدها الله بخروج ادهم
أسرعت نور وخرجت وارتدت بيجامه ستان حمراء اللون مثلثه الصدر بأزرار من الامام وباكمام طويله وبنطال ومشطت شعرها وعقصته ديل حصان وارتدت إسدال صلاتها فبدأت نور تتقرب الي الله عله يهديها ل زوجها ويطرد وساوسها وشرعت ف الصلاة دخل ادهم الغرفه في حين غفله وحد نور تهم بخلع اسدال الصلاة وتدثره بين ملابسها تنحنح ادهم ليعلن عن وصوله فقالت

نور: ادهم انت جيت
ادهم :اه بتسلم عليكي هنا
نور : الله يسلمها هي بتعمل ايه
ادهم وقد اقترب منها : انتي اللي كمني بتعملي ايه
نور : ابدا كنت هرتب هدومي فى الدولاب
ادهم : طيب ودا وقته
نور : اومال دا وقت ايه
ادهم : لا بقى دا وقتي أنا وبدأ يتحسسها
نور : ادهم لو سمحت
ادهم : وقد ثار ثائره ايه فى ايه كل أما اجي اقرب منك تقولي لا وتتمنعي عليا في ايه كدا الموضوع مش طبيعي وانا تعبت ولولا اني واثق فيكي كنت شكيت فى امرك
نور : والله طيب الحمد لله ومتشكره اوى انك واثق فيا
ادهم : العفو بس بردو انا عايز افهم الأول لا وقولت يمكن مكسوفه أو متهابه زي بنات كثير وبعدين لاقيت ان الموضوع عادي ومفهوش رهبه ولا خوف وإن هنا اللي اصغر منك اتجوزت هى وحازم وفرحانه وسعيده ربنا يكمل فرحتها بخير وانتي عامله مش من هنا سافرنا قولت يمكن تهدي اعصابك ونبقى زي أي زوجين لاقيت الموضوع كبر معاكى وبتساليني اتجوزتك ليه وتخاريف ملهاش اي لازمه وبعدين اصل عندي ظروف ..... وبعدين بقى انا كده جبت اخرى

نور وبدأت تتلجلج ف الكلام : اه مانا ايه عندي نفس الظروف
ادهم : وهي يمسكها من ذراعها كفايه كدب أنا داخل الاوضه وانتي كنتي بتصلي وانا عملت نفسي مش واخد بالي قولت احتمال تيجي منك بس كدا كتير وزادت اوى
نور وهي تملص ذراعها منه : اااااه سيب دراعي وحساب بقى مهو مش بالعافيه
ادهم : لا لما يبقى مفيش مانع وانتي مانعه نفسك من جوزك يبقى هيبقى بالعافيه يا هانم
نور : اه وماله أصل دي عقدة الرجوله هههه ويتطلع على كل الرجاله االي بيتغلبوا على امرهم يا عيني
ادهم : والله عقده بقى انا معقد يا ست نور كل اللي انا صابر عليكي فيه دا وانا معقد الناس الى بتتجوز دى كلها بيبقوا معقدين هنا وحازم الى اتجوزوا من اول يوم وكلها كام يوم وهننزل مصر عشان فرح مروان وسالي وهيتجوزوا وانا اللي متجوز قبلهم بشهر وصابر وبقول مش بالغصب خليها براحتها وفي الاخر طلعت معقد أنا ادهم اللي كل البنات بتتمني تكون مكانك بقيت معقد
نور: ايوووووووا بقى طلع اللي عندك اه فعلا ميريهان هتموت وتبقى مكانى وسيرين كمان والمضيفات والسكرتيرات وعضوات النادي المحترامات كلهم هيموتوا عليك وانا بقى اللي فوزت بأجمل راجل ف مصر ومش مقدره صح
ادهم وقد بدأ ينفذ صبره : اه صح وصح الصح كمان ويلا بقى ودلوقتي
نور : دا بعينك ومش هتطول مني حاجه الا بمزاجي وفي الوقت اللي انا احدده انت فاهم ولا لا
ادهم : انتي اتجننتي اكيد انتي ايه وتحددي ايه لييييييه فكرا نفسك متجوزه جرونج ولا ايه
نور : .........
ادهم : متردي
نور : احست نور بالاختناق فهذا الحديث اذا استمر اكتر من ذلك ممكن ان ينتهى بكارسه وجدت نور الدموع تتساقط من عيناها يا ادهم عشان خطرى اصبر عليا شويه فعلا انا خايفه من كل حاجه حواليا