بعدها بكم سنه انعاد نفس السيناريوا وهم ابن جوارينا خطب رسل ورسل وافقت لان تعرف الموافقه اصلا طالعه من قبل مينطوها خبر بس الحمد لله رجلها لان جان يحبها بدون متعرف من كم سنه وبعدين عرفنا جان دائما يحاول يبينلها مشاعره وهي تصده قبل مايرتبطون ..... لذلك بعد الارتباط عيشها قصة حب حلوه صح اهل الولد تعبوها لكن رجلها مداريها ومن سألناها عدها سابق معرفه او علاقه برجلها قبل ميتزوجها كالت لا مره مرتين حاول يحجي ويايه اعوفه وامشي لان اخاف من ابويه عصبي وبس يعرف وحده عدها علاقه او عدها مشاعر او احد يگول فلان يحبها يبطلها ويكعدها بالبيت وطبعا امي ماشيه على مي ابويه حتى ترضي لان تخلفله بنات وهو يعيرها بهالشي لكن من انولد فراس امي نفشت ريشها وصارت تحكم بالبيت وابويه يسمع حجايتها يمكن احس ابويه احن علينا من امي بس مشاعره بارده ميعرف يعبر عنها وراها بأشهر اخو زياد رجل رسل عايش بالخارج راد من اهله يخطبوله بنيه ويدزوها اله رسل تحركت وقنعت زياده ياخذون نجوان لسمير وتمت الخطبه وبقت تقريبا ٨ اشهر كاطعه مهر بالوكاله ومن تحدد موعد زواجها وسفرها لرجلها للاردن .....يلتقي بيها هناك ومن عدها ياخذها ويرجع لالمانيا اهلي سوولها ببغداد حفله حنه وعرس بدون عريس ومن هاليوم بدينا الاحداث اني جنت صف ثاني متوسط عندي صديقه اسمها زمن بنفس شعبتي وبنفس شارعنا بس هم بيتهم ركن يعني راس شارعين وبابهم الرئيسيه على الشارع الورانا ....اتفقنا تجي ويانا للصالون من نروح اني ووهند وسمر ونجوان وخواتي الكبار .......كان الاتفاق زياد يودي نص والباقي نروح بتكسي لكن زمن اقترحت اكول لاهلي بدل التكسي اخوها سيف يوصلنا طبعا گتلها لامي انطت خبر لابويه وافق لان شايف الولد ويعرفه ويعرف ابوهم الصبح دكت عليه زمن الو هلو هاله هاله:هلو زمن زمن :اي ساعة انمرلكم هاله :على ال٤يادوب كلنا نلحك زمن :ماشي يله باي /باي هاله :خليني اعرفكم عن شكلي اني طويله وشعري سرح كلش طويل لونه بني بي خصل شگار وعيوني عسليه على صفر حنطيه ملامحي تشبه جيهان نصر عندي غمازات وجسمي حسب ميكولون حلو هند اختي نسخه ثانيه مني بس اقصر وبدون غمازات وابيض وفراس يشبهنا بس هو ملون اكثر من عدنا واحلى من عدنا كلش وسيم وعنده غمازات من يضحك مثلي بس عيبه متسلط ومغرور ولان يشوف امي وابويه مگوي علينا طلع مراهقته كلها براسنا حتى ضرب يضربنا المهم ورا ما سديت التلفون حضرنا فساتينا اني لبست جينز ويا بدي نص ردن اخضر اندكت الباب عرفت زمن طلعت افتحلها الباب ويا فتحت الباب حسيت قلبي طلع وراح يم شخص وسيم وطويل وشكله رجولي شكد ما اوصفلكم ملامحه بعيوني وشكد شفته حلو ثولني زمن :هلو هاله :هلو تعالي ادخلي سيف :مرحبا اني راح انتظركم بالسياره هاله :هلو ان شاء الله منتأخر عليك زمن :لج هاي شبيج ثوليتي هاله :لج زمن طاح حظج هذا اخوج يجنن غير تگليلي عندي اخ حلو زمن :اي وگتلج شنو راح تخطبي هاله :لا بس بلكت اصير جنتكم جان يوميه اطلع حجه حتى اجيكم ويشوفني بلكت يحبني ويتزوجني زمن :لج هذا بنات الكليه ماخذات عقله يباوعلج انتِ يا زعطوطه هاله :دسكتي على اساس انت چبيره على الاقل اني طويله واببن چبيره مو مثلج طولج شرين زمن :لج دمشي صيحي خواتج دنروح لنتأخر هاله :تعالي ويايه يله الولد دينتظر خلصتوا هند :بس سمر هسه تنزل هلو زمن شلونج زمن :هلو هند لج شوكت ينقلوج بشعبتنا هند : والله رحت للمعاونه گتلها اريد انقل ويا اختي بنفس الشعبه گلتلي هسه اشوف وبعد من يومها مدزت عليه سمر :هياتني خلصت يله امشوا سمر :اني طالبه صف ثاني جامعه اداوم لغات اول ما طلعت للباب ورا البنات شفت اخو زمن رمقني بنظره تفحص وحسيته ركز ويايه ومن صعدت بالسياره ورا بالضبط بقى عينه عليه منزلها بس حسيت بي متفاجئ واني هم حسيت شايفته بس كلت يمكن لان بنهاية شارعنا يجوز شايفته ولو احنه منمر من نهاية الشارع دائما من بدايته وما اتذكر اني داخله بالشارع الي ورانا وشايفته اوه اني هسه شكو مدوخه نفسي بي سيف :اني صف ثالث اداب من شفت اخت هاله عجبتني وحسيت نفسي شايفها اكثر من مره بس بداخلي كلت اكيد لان نفس المنطقه شايفها ولو احنه جدد مصارلنا سنه بالمنطقه بس اني هالبنيه شايفها اكثر من مره بس وين مدا اذكر بقيت طول الطريق اباوع عليها بلكت اتذكر شكلها وين شايفه البنيه حست عليه نزلت عينها وبقت ملتفته على البنات من وصلتهم للصالون هي نزلت بقيت اباوع على تفاصيلها عجبتني لدرجه دخلت عقلي وقلبي بسرعه اتفقت امرلهم ورا كم ساعه من يخلصون وجان املي ترجع هالبنيه تصعد ويايه مو و يا نسيبهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
