#قلب_بين_الوهم_والحقيقه بقلمي ام مريم اماسي الليل الجزء الثامن حقوق النشر محفوظه محمد:بس حسيت على نفسي والغضب والقهر راح يطلعني من طوري عفتها وركبت سيارتي طلعت بسرعه لدرجه اتمنيت اسوي حادث واموت ولا ابقى بهالاحساس وهالمشاعر الي كلها ألم مجنت متوقع اني حابها لهدرجه وصعبه عليه اتعرضلها بعد وهي مخطوبه قررت من يومها لا احاول اشوفها ولا اعرف اخبارها حتى اختي خلينالها خط بقيت فتره اعاني ومتروح من بالي بديت الهي نفسي عن التفكير بيها بديت اتعرف على بنات صارت عندي علاقات وتلفونات والشغل ماخذ وقتي لكن ....مجرد ما افكر بيها ترجعلي كل الاحاسيس وكم مره احاول اروح اشوفهاواعرف اسمها الحقيقي وامنع نفسي مرت سنه الى ان شفتها ويا مجموعة بنات وگفوا بصفي باب بيتنا عرفت هي ويا مينا صف ثالث ...اول ما نزلت عيني على ايدها من شفت ماكو حلقه رفعت راسي عليها شكد مشتاق اشوف هالحلوه ما اعرف شلون سيطرت على نفسي ودكات قلبي وحاولت اتجاهلها دخلت للبيت هم دخلوا للصاله اول مدخلت مينا ردت اجرجرها بالحجي وافتهم منها اسم البنيه وليش ملابسه حلقه سألتها ذولي التوم يمكن وحده بيهم مخطوبه دا اتخيل شايفها خطيبة احد اعرفه گلتلي منو تقصد بيهم هند القصيره بشعبتي ادري ما مخطوبه وهاله الطويله بغير شعبه ما اعرف اذا مخطوبه او لا بس متلبس حلقه گتلها بله اسألي اختها.... وفهمتها شلون تسأل گلتلي بغمزه شكو عندك ليش مهتم جاوبتها لا هيج فضول لان شايفها واريد اتذكر ويا منو ..بس لتجيبين سيرة عن الي حجيته هسه مجرد استفسريلي وراها اجتي مينا گلتلي انت مشبه عليها لان طلعت اصلا ممخطوبه وما عدها علاقة حتى تگول اخاف شايفها ويا ولد من سمعت هالكلام من مينا بقيت مصدوم ومتحير ليش صدتني وليش گلتلي مخطوبه وبنفس الوقت رجعلي الامل والمشاعر كلها هاجت من جديد بقيت كم يوم افكر بيها و بالسبب الي خلاها تكذب عليه ما لگيت مبرر غير خوفها من ملحتي وليروح احد يشوفها حتى ابتعد عنها كلتلي مخطوبه لان اخر يوم صدك حسيتها مرعوبه مني ردت فرصه احجي وياها مدتصير الى ان ماهر گلي اكو ولد اخو بنات ويا مينا بالمجموعه يريد يجي يدرس وياهم اذا انت توافق تدخل للصاله وتكعد على صفحه منا لحد ميخلصون الدرس وافقت ورا يومين جان اكو محاضره طلعت بالباب انتظر ادخلهم طبگت سياره نزلت منها هاله وهند وبنات ٢ ونزل وياهم الولد سلم وبيده اوراق وقلم استغربت معقوله هذا صف ثالث يبين اكبر دخلتهم للصاله وكعدت وياهم ....بين ميجي الاستاذ بقيت اسولف ويا فراس عجبتني شخصيته حسيته رجال من عمري مو مراهق بس وجوده ويا البنات قيدني مكدرت ارفع عيني واشوف هاله طول الوقت الى جانو بي البنات كاعدات على صفحه الى ان اجى الاستاذ وبدت المحاضره بقيت صافن عليها حسيت بيها مرتبكه ومبينه مدتفتهم شي لان حست بنظراتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
