هاله :بقيت طول الطريق استرق النظر شكد حلو ياربي تخيلته لو يصير خطيبي واني اكعد بصفه وهو يسوق ونضحك ويتغزل بيه من نزلت للصالون جنت مخليه بالي اسوي شي يلفت انتباهه وبالفعل سويت تسريحه وطبعا بدون مكياج لان اهلي ميقبلون بس وكعت دخيل دم لخواتي يخلولي كحل وخلولي نجوان طلعت كلش حلوه وبقية خواتي هم حلوات لان المعاني الي ورثناها من امي انطتنا جمال اضافي من اخذنا ملامح من ابويه وألالوان كلنا عيونا بيها لون وعدنا شعر وطول ينضرب بي المثل بس احلى وحده بينا هي سمر لان جانت بيضه وطويله وشعرها اشكر وعيونها صفر ونازكه اني هم مثلها وكلش يشبهوني بيها لان هم نازكه واتنعوص بالحجي صوتي هادئ بس بي رنه تلفت الانتباه ومره دا امشي بالشارع راجعه من مدرستي الظهر جانت زمن ويايه دنسولف ضحكت سمعت صوت ورانا كلي يعني الله ممخلي بيج عيب حتى صوتج بلوه غلست ومشفت منو الي ورانا بس بقيت طول الطريق ساكته الى ان وصلت لبيتنا من دخلت انداريت ملكيت احد سلمت على زمن الي خلصت طريقها وحدها لبيتهم ورا فتره طالعه الصبح للمدرسه من وصلت شارع المدرسه ما منتبهه اكو سياره تمشي ورايه الى ان حسيت احد نزل منها مشى ورايه الى ان وگف بوجهي گلي دقيقه مشيت وعفته بقى يمشي ورايه ويگلي بس انطيني مجال احجي وياج من شافني مستمره بالمشي لزم زندي فزيت نفضت ايدي منه جاوبته شكو شتريد لاحگني رفعت راسي شفته مو صغير ومبين فارق العمر بيناتنا مو اقل من ٦-٧سنوات شكله حلو وطويل ابيض وعنده سكسوكه حاجبه ثخين شكله عصبي جاوبني شنو اسمج جاوبته وانت شكو شنو هالفضول گلي اني متأخر عن دوامي بسببج باقي انتظرج گتله الله يخليك لتشوفني وحده من البنات وتجيني حجايه معناها اكعد بالبيت بسببك گلي تريديني اروح گليلي شنو اسمج جاوبته هبه..... الي هو اسم صديقتي الي اجى بوقتها على لساني گلي اني محمد صف ثالث علوم كيمياء جاوبته خلص بعد لتمشي ورايه عرفت اسمي گلي اريد اشوفج واحجي وياج على انفراد جاوبته مستحيل وكافي تلح ابتسم گلي خلص براحتج بس انت داخله قلبي صار فتره اراقبج وانت ما منتبهه عليه. انطيني فرصه تركته مشيت بس جسمي كله يرجف وكارهته خفت لا الحظ يجيبلي احد ويشوفه يمشي ورايه عباله متواعده دخلت للمدرسه بيومها خلصت دوام اتقصدت اطلع اول ما دك الجرس قبل صديقاتي بعدين فكرت هو كليه معناها وقته مو مثل وقتنا ارتاحيت رجعت انتظر زمن وساره ورجعنا من وكت بقيت ايام ما اشوفه لا ن الصبح اتأخر حتى كم مره احصل رزاله من المدرسات شكد جان الولد وسيم وشكله رجولي بس ما اثر بيه مثل ما اتأثرت بسيف اليوم طلعنا من الصالون ملهوفه اشوف سيف بس الي صار نجوان لان بدلتها نفش صعدت ويا سيف وياها سرى وزمن ......واني وسمر ورسل رحنا ويا رجلها صارت عندي خيبه لان سيف حتى ما باوع عليه سمر :من طلعت لازمه بدلة نجوان ساعدتها تصعد بالسياره شفت سيف ابتسملي وغمزلي استحيت منه واتقصدت ما اصعد ويا نجوان دزيت سرى وياها من شافني صعدت بسياره زياد رفع حاجبه وضحك اني غلست سويت نفسي ما انتبهتله سيف :اول ما طلعوا البنات من الصالون عيني مشافت وحده بيهم غير سمر يا الله شكد حلوه ورزنه مو تمشي عبالك عدها جناحات ودتطير من النزاكه صوتها مينسمع من شفت الكل ملتهي وهي دتساعد اختها العروس اول ما صارت عيني بعينها غمزتلها وابتسمت .....هي خجلت وراحت صاحت اختها الثانيه تركب ويايه ....وراحت ويا رجل اختها عجبتني اكثر ....ضحكت هي شافتني دارت وجهها وصلتهم للبيت من دينزلون انداريت على زمن گتلها خابريني حتى ارجع اخذج من تخلص الحفله وعيني على سمر من نزلت من السياره ودخلت للبيت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
