#قلب_بين_الوهم_والحقيقه بقلمي ام مريم اماسي الليل الجزء السادس عشر حقوق النشر محفوظه هاله: بسرعه انتبه على عيوني سألني جاوبته من ورا الكحل محمد :حبيبتي مو كتلج لتخلين مكياج خليج على طبيعتج احلى هاله:يمكن لان ممتعوده اخلي هيج ديصير بس شو ديعجبني اجرب ....اذا متحبه خلص بعد ما اخلي محمد:لا اذا يعجبج خلي طلعي من نفسج هاله:شنو تشرب محمد:تعالي بصفي ما اريد شي هاله:جاوبته يله بعدين نسوي جاي وكيك نطلع بالحديقه كعدت بصفه سألني شوكت اداومين جاوبته اول يوم غير محمد:يعني ويا مينا لعد اني اوصلكم هالسنه ما طول ماعندي شي الصبح انجمعوا هالسنه كلكم بشعبه وحده انت ومينا وهند صدك انت ليش مجنتي تروحين الصبح ويا هند بس بالرجعه سوا هاله:ضحكت مو اني اسهر هي تنمبل تنام من وكت فتكعد من وكت واني الا بالدقيقه الاخيره يله اكوم من الفراش ولو فتره من وراك كمت اكعد من وكت واروح وياها محمد :لعد هالسنه اني اعلمج على النشاط اجيكم قبل نص ساعة حتى اثبرج الى ان تتعلمين تكعدين من وكت هاله:الله ويدك بس خايفه لا تالي اني اعلمك على السهر وتكعد متأخر وناخذ رزاله من المدرسه من وراك محمد:هي تحجي واني صافن على حلگها وغمازاتها اموت عليها من تضحك انتبهت عليه سألتني اكو حمره بسنوني ضحكت كتلها لا اني عيني صلفه بقت مركزه على هالشفايف هاله:خجلت گتله راح اروح اسوي جاي محمد :رادت تنهزم جريت ايدها تعالي ما اريد جاي ساعه واروح خليني اكضيها وياج وخلي اشوف شنو ترتيب المهر هاله: بقينا نسولف على ترتيبات المهر ولان عنده التزام ميكدر يجي ويايه هاليومين گلي انتِ اختاري الي تريدي واني راح اوصي امي ميدخلون يخلوج تختارين براحتج ثاني يوم مرت علينا امه طلعنا للمنصور حتى اختار البدله وسوالف ميز المهر امي حاولت تختارلي بس ام محمد گلتلها خليها هي تختار عرفت هاي تعليمات محمد جان احساس حلو اول مره اجربه اكعد اتفرج على البدلات واني اختار على ذوقي والشي الي اني ارغبه مو امي تختارلي وتفرض ذوقها ورغبتها عليه طبعا امي عدها ذوق بالملابس بس مرات تختار شغلات ما نرغبها او مو على الموده وتشتريها لان هي رايدتها احنه منعترض لكن انبقي الشغله منلبسها الى ان تنساها او نلبسها مره مرتين حتى نرضيها وبعدها منخليها على جسمنا المهم اختاريت بدله بس الصدك جانت مكشوفه واعرف امي متقبل عليها بس اختاريتها يمكن لان عرفت مراح تعجب امي جان مجرد عناد واريد اثبت لنفسي اني تحررت من قيدهم بصاية محمد واعرف محمد مراح يمانع من يشوفها لان بس نسوان مواصفات البدله بوقتنا بيها رگبه وماليها ظهر والاكتاف مكشوفه لونها اوف وايت مشجره بنفسجي واخضر فسفوري وخليت براسي اسوي تسريحه شعري ينزل صفح لان شفته محتفظ بالصوره الي بيها شعري صفح من رجعت اول ما دخلنا للبيت امي رزلتني على البدله جاوبتها محمد گلي اريد بدله مكشوفه وهو بالحقيقه مگال بس اعرفها من تسمع محمد راح تسكت گلتلي خوش راح يطلع عينج هالمحمد جاوبتها محد راح يشوفني غيره والبقيه نسوان صعدت للغرفه فرحانه بالبدله هناك سرحت شفت وجه سيف كدامي واحجي ويا نفسي لو سيف هم يبادلني الحب وهو الي خطبني وهالبدله اللبسها اله وتخيلته من يدخل عليه بالحفله حسيت على نفسي لشوكت يا هاله راح يبقى سيف بينج وبين محمد لشوكت تخونين محمد بافكارج لشوكت تبقين تحبي وتعرفين قلبه مو الج لشوكت تجازين زينية محمد بنكران بدون وعي تأنيب الظمير خلى دموعي تنزل اتمنيت انام واصحى الگى ماكو اسم سيف بحياتي جريت تنهيده نزلت بسرعه اخذت السماعه واتصلت على بيت محمد الو مينا الو هاله:هلو مينا اني هاله مينا :هلو شلونج ولج مشتاقتلكم شوكت تجين هاله: والله ما ادري عكب باجرالمهر يجوز وراها اني هم مشتاقتلج ...مينا محمد موجود مينا :هسه على جيه لان طلع للاسواق هالسنه راح يوصلنا سوا صدك بالعافيه البدله امي تگول تخبل عليها هاله :الله يعافيج حضرتي نفسج للمهر مينا :اي اخذنا اني ودلال وحضرنا سلال المهر والكاسات .....هاله على الخط ....اجى محمد حبي يله راح اروح اي شي تحتاجي خابريني الله عليج هاله:ان شاء الله محمد :شلون الحلو هاله:هلو شلونك محمد:زين قلبي شنو اخبار روحتكم اليوم هاله :الحمد لله اخذت البدله وكملت كل الامور محمد :امي تكول البدله حلوه مرتك عدها ذوق هاله:صدك عجبتها ان شاء الله تعجبك انت هم ومترزلني محمد :ليش ارزلج هاله:البدله مكشوفه محمد:وشنو يعني غير كلها نسوان الحفله هاله:اي بس انت رجال محمد :لا ما ارزلج ماطول بس اني اشوفج اللبسي براحتج لان حتى الصور دلال راح تاخذها اشتريت كاميرا وافلام وانطيتها مهمة التصوير ومينا اليوم كتبتلي اغاني تريد اتفق ويا الدي جي ينزلوها مابالج اغاني تريديها هاله :لا قلبي انت اختار براحتك محمد:هاله هاله:نعم محمد:حبيبتي اموت عليج اذا اني قلبج انت روحي هاله: منتبهت گايلتله قلبي الا من گلي بوقتها معرفت طلعت مني لان حسيتها لو لان ردت اجامله بقينا نحجي بالتلفون سمعني كلام وغزل اول مره اسمعه حرك مشاعري من سديت الخط بقى كلامه بالي لحد ما نمت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
