#قلب_بين_الوهم_والحقيقه بقلمي ام مريم اماسي الليل الجزء السابع حقوق النشر محفوظه محمد : خليني اعرفكم عن نفسي وعائلتي والدي متزوج على والدتي عندي اخوه ٣من زوجته ومن امي عندي ماهر ومينا والدتي موظفه بالبنك حالتنا الماديه ممتازه اني اول سنه دخلت الجامعه اخذولي سياره هدية نجاحي اخويه ماهر متزوج بت عمي عن حب وعنده ولد وبنيه ويشتغل ضابط بالمخابرات لذلك جان ميتواجد بالبيت دائما اني المعتمدين عليه ابويه يجي يمنا بنهاية الاسبوع لان اخوتي من مرته صغار بالعمر اكبر واحد بيهم ٣متوسط لذلك يودي مرته واخوتي لبيت جدهم ويجي يبات يمنا ومرات يجيبهم (لاخوتي)وياه يبقون للعصر ويرجعون لبيتهم علاقة امي بأبويه علاقة ناضجه باقي منها صداقه وعشره ومجرد احنه الرابط بيناتهم وامي مخليته على راحته لان هو قرر يختار حياة ثانيه امي قررت تعتبره مجرد ابو ولدها وتكمل حياتها بشكل طبيعي ومستقل عن ابويه بعد ما عرفتكم عن عائلتي احجيلكم عن نفسي من خلال كلامي عن وضع حياتي العائليه اكيد استنتجتوا اني المسؤول عن البيت وصاحب الكلمه بغياب ماهر اخويه اني طالب كليه بس بنفس الوقت اتابع الشغل بمعمل ابويه من ارجع من الكليه وباوقات العطل والفراغ اداوم دوام كامل بالمعمل اساعد ابويه ولهذا السبب ماعندي وقت للعلاقات والصرمحه ويا الشباب الي بعمري مجرد علاقات زماله بالكليه والمنطقه .... طبعا مخلي بالي اخذ وحده صغيره اربيهاعلى ايدي ما جنت مخلي بالي اخذ بنيه من الجامعه مينا اختي نقلناها لمدرسه جديده هم بمنطقتنا بس شويه ابعد من بيتنا لذلك اول ايام اني جنت اوصلها قبل لا اطلع للكليه مره مرتين انتبهت على بنيه كلش حلوه بطولها ونزاكتها ورزانتها اخذت عقلي وقلبي ويا كل يوم اشوفها اتعلق بيها اكثر وتدخل دماغي اكثر الى ان وصلت مرحله كلت هاي البنيه قفلت عليها بس اتخرج اخطبها بقيت فتره اراقبها وفد يوم رحت اجيب مينا طلع ماهر مار ماخذها ويا ما دا اركب السياره ارجع للبيت شفتها هي وصديقتها مشيت وراها حتى اندل بيتها من ضحكت حبيت الفت انتباهها ذبيتلها حرشه ما التفتت وبقت طول ال طريق ساكته الى ان وصلت لراس شارعهم وگفت بقيت انتظر وين توصل شفتها التفتت يمكن رادت تعرف منو الي وراها بس مشافتني سلمت على صديقتها ودخلت للبيت ........اني من اندليت بيتها رجعت لشارع المدرسه لان عفت السياره هناك ورا فتره قررت احجي وياها بس ردت اعرف اسمها وبأي مرحله هي لان مدرستهم متوسطه واعداديه وهي طويله مكدرت اميز عمرها صح ولان مينا جديده متعرف احد ما سألتها ولا ردت انبهها على هالسوالف (اني معجب ببنيه وياهم بالمدرسه) بقيت كم يوم اوصل مينا وبحسرةاشوف الحلوه ماكو قررت اخذ مينا من وكت الصبح وابقى مرابط بالسياره اشوفها شوكت تجي للمدرسه واعرف وقتها ثاني يوم اخذت مينا وصلتها وبقيت انتظر الى ان شفتها من بعيد جايه متأخره بحيث وحدها بالشارع دتمشي قطعت طريقها مقبلت تحجي ويايه بقيت امشي وراها بس حسيت بيهاخايفه ومرتبكه لا احد يشوفنا سألتها على اسمها وگتلها اني بأي مرحله وبأي قسم وهم منطتني مجال يعني ويا كل تصرف تشدني الها اكثر حبيت الغرور الي عدها حبيت خوفها وارتباكها لان دتحجي ويايه وجان واضح مثل الشمس بحياتها مامسويه علاقه او حاجيه ويا احدغريب حبيت رزانتها وثقتها بنفسها من عرفت اسمها هبه بقلبي گلت هاي هبه من رب العالمين الي ....بقت متفارك خيالي مشاعري صادقه ناحيتها لدرجه حبيت اخليها محتفظه بطهارتها وعفتها .....جنت اكدر بسهوله اعترض طريقها كدام البنات الي بالمدرسه بس بقيت صابر الى ان شفتها فديوم جايه متأخره من وصلت يمي جريت ايدها بقوه وبسرعه دخلتها بفرع فرعي يم هيگل هي بقت تضرب ايدي وتعيط عوفني طمنتها گتلها هبه لتخافين بس احجي وياج ترى صارلي كم يوم انتظر هالفرصه حتى محد يشوفج ويايه ومتجيج حجايه لتخافين مني اني اخاف عليج مثل ما اخاف على اختي الي هي عرضي بس اسمعي مني ...بعصبيه وخوف گلتلي اني مخطوبه واسمي مو هبه حسيت قلبي انقبض حجيت وياها بعصبيه وعياط گتلها صار اشهر اراقبج وما اتعرضتلج لان غايتي وياج زواج قبل عشر ايام سألت عليج ولد واندليت بيتكم مجنتي مخطوبه شوكت انخطبتي گلتلي قبل ايام گتلها افسخي واني اجي اتقدملج من صدتني وكلتلي ما عندي مشاعر تجاهك وكلشي قسمه ونصيب معرفت شنو اسوي بس الشي الوحيد الي اجى بالي ووسوس براسي الشيطان اخذها بالهيكل واعتدي عليها حتى متصير لغيري
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
