القصه الحقيقيه لبطلة قصة وشاء القدر #قلب_بين_الوهم_والحقيقه بقلمي ام مريم اماسي الليل الجزء الخامس
حقوق النشر محفوظه ورا عرس نجوان بكم يوم شفت محمد الصبح دينتظرني بشارع المدرسه من شفته قلبي انخطف من الخوف بداخلي ياربي هذا شلون راح اخلص منه لا اكدر اگله اني احب شخص ثاني ولا اكدر احجي لاهلي لان راح يكعدوني بالبيت اني صوجي كسوله وما اطلع وياهند وزمن من وكت ابقى بالفراش الى ان اتأخر من باجر التزم اروح وارجع ويا هند والبنات ومن وصلت قريب عليه ابتسملي گلي صباح الخير مجاوبته اسمعه ورايه اشتاقيتلج وصار مده ما الحك امر اشوفج لان عندي امتحانات وما اكدر اتأخر على محاضراتي من شافني ما اجاوبه وصلت قريب شارع بي هيكل جر ايدي گتله وخر مني ترى والله اعيط گلي لتخافين بس احجي وياج گتله عوفني وابچي اني مخطوبه ومو اسمي هبه الله يخليك اذا احد شافني وياك والله اهلي يبطلوني .....ترك ايدي واستغربت ملامحه الي تغيرت من سمع مخطوبه انصدم گلي شوكت انخطبتي قبل عشر ايام مشيت وراج اندليت بيتكم وسألت ولد عليج وعلى اهلج مگلي مخطوبه جاوبته قبل ايام انخطبت باوع على ايدي جاوبته ما اللبس حلقه لان بالمدرسه ميقبلون .......بعصبيه گلي صار اشهر اراقبج وما تعرضتلج لان غايتي مو لعب ودا انتظر اتخرج واخطبج ومن فكرت احجي وياج حتى تعرفين مشاعري وغايتي هسه تگليلي مخطوبه .....جاوبته كلشي قسمه عفته ومشيت مشى ورايه گلي عدنا فرصه افسخي الخطوبه واني اتقدملج وراها بأيام ...خفت اجاوبه جواب سلبي ليأذيني گتله ما اكدر اهلي شارطين عليه ما اكمل دراسه اذا ما اوافق الله يخليك عوفني بحالي اني ماعندي مشاعر تجاهك اذا عندك خوات وتخاف على شرفك خاف على بنات الناس ولتجيبلي الحجايه ومن اليوم انساني . صدك اندار تركني وراح سمعت صوت شخطت السياره انداريت مفزوعه شفته راح بس بداخلي مااعرف ليش انقهرت وخفت يمكن عليه و يمكن منه ....من يومها بعد ما شفته واني هم بقيت اروح وارجع ويا البنات سمر :ورا عرس نجوان بكم يوم شفت سيف بالكليه هو مشافني عرفت ليش من شفته بحنة نجوان حسيت نفسي شايفته هوايه المهم ورا ايام شافني سلم عليه سلمت عليه بقينا على هالحال احس نظراته بيها مشاعر ومجرد سلام بس صرت اشوفه بكثره وبأستمرار بالمكانات الي اتواجد بيها ورا فتره علاقتنا قوة بأهله ويجونا ورا فتره عزمونا بيتهم على عشا رحنالهم بهذا اليوم بين مشاعره الي حاول كل ميشوف فرصه يتوددلي ويسمعني كلمه حلوه ويتغزل وطبعا يحجي وياهاله وزمن بكلام يقصدني بي مثلا شاقى اخته غمزلي وسألها حبيبتي باجر نتريك سوا.... زمن جاوبته والله ما الحك اتأخر خليها الجمعه قبل ما نطلع شاف اهلنا ملتهين ديسولفون همسلي باجر اشوفج بالكافتريا الصبح قبل المحاضره اني مشاعري تجاهه صارت مفضوحه اله من نظراتي ثاني يوم لگيته ينتظرني يم القسم مالتي صباح الخير سيف :صباح النور تعالي نروح للكافتريا عندي حجي وياج ميتحمل تأجيل سمر:سيف اخاف احد يشوفنا كاعدين وحدنا يفتهم علط سيف:لا مو غلط الي راح يفتهمه اني احبج وانت هم اتبادليني نفس المشاعر صار اشهر صابر عليج حتى اتإكد من مشاعري حقيقيه ١٠٠/١٠٠يله افاتحج بالموضوع سمر:خلينا نروح بمكان محد يشوفنا ما اريد تجيني حجايه سيف : يله براحتج امشي وصلنا لمكان گتلها سمر انت اكيد تعرفين اني احبج وحاسه بمشاعري سمر:اعرف سيف :لتخجلين مني لان اعرف انت تبادليني هالمشاعر الي بيناتنا ان شاء الله نهايته زواج بس انتظري اخلص الرابع واتعين واتقدملج سمر:انتظرك بس سيف اني ما اكدر اسوي علاقه راح يبقى الي بيناتنا مجرد تبادل مشاعر ما اريد احد يعرف لان اهلي اذا يدرون يكعدوني ويجوز اي احد يخطبني يقبلون اذا عرفوا عندي علاقه سيف :لا عمي راضي انت الي من بعيد احسن من ما يعرفون وتخرب سالفتنا سمر :بقت علاقتنا محصوره بيني وبينه اهلنا يدرون بينا بنفس الجامعه لذلك كدامهم نتعامل برسميات حتى محد يشك ومرات تنعد على الاصابع احجي وياه بالتلفون من تصيرلي فرصه بس هو مرات يتصل مجرد ارفع السماعه يگلي احبج واسدها ومرات يگلي سيف : لو انت صديقة زمن مو هاله حتى دائما اشوفج من اوديج درس خصوصي يله هي هاله اكثر وحده تشبهج من اسمع صوتها تحجي ويا زمن اتخيل نفسي دا اسمع صوتج حبيبتي اشهر واخلص رابع اول يوم اتعين ثاني يوم اتقدملج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
