#قلب_بين_الوهم_والحقيقه بقلمي ام مريم اماسي الليل الجزءالعاشر حقوق النشر محفوظه خفت منه ومن كلامه قلب كل احوالي دخلت بسرعه يم زمن بقيت يمها بس تفكيري مشتت شنو ايام وتصيرين الي شنو يقصد يخطبني ارفضه وما اقبل بي مو بكيفه شنو هالثقه الزايده الي عنده لو يموت مااريده زمن :قبل ايام سمعت سيف اخويه يحجي بالتلفون ويا وحده ويتغزل بيها جاب اسم هاله بالنص گلت معقوله سيف عنده علاقه بهاله ومحجتلي بقيت متفاجئه ليش هاله تسوي نفسها متدري بشي عن سيف واني شفت رقم بيتهم بالكاشف يعني متصله بسيف ورا كم يوم دگ التلفون انشال من غرفة سيف صار عندي فضول اتأكد هاي هاله شلت السماعه اتنصت سمعته يگلها مشتاقلج ايام واستلم النتيجه وراها اتعين واتقدملج الصوت الي جاوبه بين صوت هاله وسمر بس الي خلاني اعرفها سمر الاسلوب وطريقة الكلام مستحيل اغلط بهاله وبطريقة كلامها واسلوبها حتى لو الصوت متشابه سديت السماعه وبقيت مصدومه سيف يحب سمر اخت هاله وهاله المسكينه تحبه وهو يحب اختها بقيت انثولت وناوي يخطبها بقيت مقهوره وافكر لا اكدر احجي لهاله وافضح اخويه لتروح تصيرله مشكله ويخسر الي يحبها ولا اكدر اشوف هاله متأمله ومتوقعه نفسها الحبيبه بقيت كم يوم ادور طريقه حتى اخليها تعرف سيف ميحبها ملكيت وخفت اتسرع قررت اسكت حاليا الى ان اشوفلي طريقه محمد :اخر مره مريت بشارع بيت هاله شفت ابوها نزلت سلمت عليه وسألته على فراس كلي بالساحه رحت لفراس من خلص اللعبه گتله عندي موضوع وياك فراس :ها محمد خير محمد:فراس اني جايكم من الباب اريد اتقدم لاختك هاله واريدك تنطي خبر لابوك فراس :ان شاء الله اليوم من ارجع انطي خبر وبعدها ارجعلك الرد من رجعت للبيت فرحت محمد اذا ياخذ هاله اني ماكو عائق يوگف بطريقي حتى ينطوني مينا من يصير محمد نسيبي راح اكدر اشوفها دائما مو مثل هسه من بدت العطله لليوم ما شايفها اول ما دخلت گتلها لامي عندي موضوع وياج كعدنا اني وياها گتلها يوم انت مو جنتي تريديني اتغير واصير رجال وافكر بالمستقبل جاوبتني اي حبيبي گتلها وهسه اني صرت الي انتِ ردتي صح جاوبتني اي والله گتلها وحده حبيتها هي الي غيرتني وخلتني اسوي اي شي يخليني احصل عليها يوم اخذي كلامي جد اني مو كلام مراهق اني هاي البنيه احبها واريدج اول ما ادخل للكليه تخطبيها الي واوعدج اطلع من هندسه وفوگ لان منطيها نفس الوعد اليوم اخوها محمد طلب ايد هاله والولد مابي عيب اني اعرفه وابويه يعرفه الام :متخرج شكد عمره وين يشتغل فراس :الولد خلص رابع گلي ايام واستلم النتيجه وشغل عدهم معمل هو يديره والولد ماعنده سوالف مكسره يعني مابي عيب احسن من ما يجيها واحد مابي خير الام :اخاف هاله متقبل هاي تريد تخلص مدرسه فراس :گتله للولد گلي ماعندي مانع تخلص ويا مينا اختي الام :خوش هسه اليوم افاتح ابوك واشوفه شيگول فراس :يوم قنعي فدوه مثل ما فهمتج اريد الموافقه اسمعها منج هاليومين
لليل امي گلتلي ابوك يگول خلي بالاول ينجح وبعدها اكعد وياه واشوف وضعه اني هم رجعت خبر لمحمد
محمد :يوم الي استلمت النتيجه خابرت على فراس وبلغته وطلبت منه اشوف الوالد امر عليه المغرب ....بنفس اليوم العصر شفت هاله جايه لبيت زمن ....طار عقلي من شفتهاجنت متلهف لليوم الي اامن هالانسانه على نفسي وشرفي واني مغمض عيني ومرتاح البال للمغرب طلعت لبيتهم استقبلني فراس وابوها كعدت وياهم بالصاله بقى الاب يستفسر عن امور وشغلي ومخلي فراس يسأل عليه بالمنطقه ووعدتهم اخليها تكمل ويا اختي وما اقصر ويها بشي ولا اخليهم يندمون بيوم انطوني بتهم الاب وافق كلي بس نسأل لبنيه ونحدد موعد الخطبه طلعت من بيتهم احس كل شي حلو بحياتي راح يبدي من يوم الي اخطبها جنت متحلف اعيشها احلى قصة حب واحلى مشاعر جنت محتفظ بيها الى ان تصير الي بالحلال ومقدر صدها الي لان ما بيناتنا شي رسمي ردت اثبتلها مجان بنيتي اللعب عليها واجيتها من الباب وصبرت كل هالاشهر حتى يصير شي رسمي يله احجي وياها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
