محمد :شكد قلبي محمل منها اول ما شفتها روحي طلعت لان جنت قافل عليها وبقيت صابر عليها بس بداخلي حسيت نزلت نفسي لدرجه سترخصتني وغيابي ما مأثر بيها جنت منطيها فرصه ٣ايام وراها وعدت نفسي اتغير وياها وصدك ناوي اتغير وياها
دخلتها بس عقلي كله يمها طلعت سلمت على فراس كلي سلامات مفهمت ولان يمي الولد ما استفسرت بقينا واگفين شويه وراها اترخص فراس گتله اني ارجعها اخذ راحتك
هاله:دخلت للمطبخ ملكيت احد دخلت للهول لگيت مينا بوستني جانت خاله طالعه هي ودلال يودون فضل باقيه هي ومحمد وحدهم بالبيت
بقينا نسولف اني وياها ورا ساعه دخل محمد وجهه طبيعي كدام مينا بس من دزها تسويله گهوه
اندار عليه گلي شوكت تريدين ترجعين لان عندي طلعه حتى ارتب وضعي وارجع اوصلج
هاله:من گلي عندي طلعه واني جايه علموده فشلت جاوبته اخابر فراس يرجعني
محمد :لا اتفقت ويا اني ارجعج عفتها وصعدت بدلت ملابسي نزلت العطر بأيدي كدامها غسلت بي انداريت على مينا انطيتها العطر تصعده سألتهم شلون طالع
هاله:حلو
مينا :حلو .....شنو راح تطلع
محمد:اي متواعد ويا جماعه ماطول هاله اجتي عليج ابقوا سوا بين ما امي ودلال يرجعون هسه على جيه
دزيت مينا تجيبلي مفتاح السياره انداريت على هاله امرلج ورا العشره
هاله:من شفته بدل ولح بالعطر شكيت اكو بنيه بالموضوع جنت متخيله مراح اغار عليه ولا اهتم يمكن الي حسيته مو غيره بس تملك هو الي واني على ذمته متقبلت فكره يطلع ويا وحده عرفت غلطت من بينتله عندي عادي اعرف صديقاته حاولت اغير تفكيره
گتله اني جايه علمودك وكذبت على اهلي گتلهم مريض حتى اشوفك ترى اني مو غبيه انت متواعد
محمد: تذكرت فراس گلي سلامات طلعت كايلتلهم مريض ...... جاوبتها اي متواعد وحجيت كدامج
هاله:متواعد ويا بنيه
محمد:ليش يهمج تعرفين اني ادري بيج سبورتيه ميفرق عندج اتواعد ويا ولد بنيه عادي عندج
هاله:ليش شنو عديمة احساس وعادي عندي اعرفك طالع ويا وحده
محمد:لا مو عديمة احساس بس اني ما اهمج ....وللعلم حتى ترتاحين متواعد ويا ولد
هاله: محمد لتناكرني لان زعلان وتحجي حجي انت تدري بي مو حقيقي لو متهمني ما اكذب حتى اكدر اجي اشوفك واصالحك
محمد:هم زين ورا اسبوع فكرتي تجين وطول الاسبوع تلفونكم مابي حراره تشوفيني عايش ميت تكولين هذا مختفي خلي اعرف اشبي عوفج اني رجلج هاي عندج ما الها معنى بس مو مينا صديقتج شيلي سماعه واسألي بصوره غير مباشره حتى لتنزلين نفسج (حجيتها بستهزاء)
مينا :من نزلت سمعتهم ديحجون عرفت بينهم مشكله اتأخرت من شفت الشغله حمت دخلت
محمد : من دا احجي ويا هاله بداخلي انقهرت منها گتلها من ارجع النا كعده اذا مرايدتني يابت الناس ومامرتاحه ويايه كل واحد يروح من طريقه شفتها ادموعها نزلت ......دا اكمل كلامي دخلت علينا مينا سكتت ...اخذت المفتاح دخلت للمطبخ شربت مي وطلعت فتحت باب السياره
طلعت ورايه مينا .....محمد خطيه شبيك وياها راح تخابر فراس يجي ياخذها كلتلي
من سمعت حجي مينا.... سديت الباب ورجعت للبيت دخلت لگيت هاله كاعده دتبچي سحبتها من ايدها گتلها تعالي دخلنا للصاله
وگفت كبالها انت جبرتيني احجي هالحجي بتصرفاتج وافعالج
ماكو وحده اسبوع متدري شي عن رجلها ولا تكلف نفسها تشيل سماعه تسأل عليه لو اني الي مزعلج اكول حقها بس انت تگليلي اريد اشوف صور وسولفلي على صديقاتك وراها حسيتي اني ضجت ردتي اطمطميها بحجة ما الي شغله بعلاقاتك قبلي المره الي متغار على رجلها او تحسسه هو الها معناها متحبه
هاله انت وافقتي على الخطبه برضاتج لو اهلج وافقوا وانت على موافقتهم
هاله:من صار عصبي وصل حد كلي كل واحد يروح من طريق كلش خفت وحسيت خربت كلشي من طلع واني دا ابچي وفكرت بكلامه يعني بعد مراح اشوفه اذا انفصلنا وراح افقد هالامان الي خلاني احسه من يوم الي ارتبطنا
معرفت اسوي شي غير زادت الدموع سألتني مينا شكو گتلها يريد ننفصل عفيه اريد التلفون دا اخابر فراس يرجعني .....البنيه گلتلي هسه ارجع افتهم منج بس اقفل الباب
ورا دقايق رجع محمد جرني من ايدي دخلني للصاله وسد الباب
بقى يحجي حجي كله صح ولان اعرفه صح مكدرت اوگف عن البچي الى ان صدمني من سألني على الموافقه جاوبته بكذبه حتى ما اخسره لا برضاتي
گلي لعد ليش حالج مو مثل حال البنات من يعقدون ويصير خطيبها رجلها يعني من حقوقه عليها يحس بأهتمامها بخوفها عليه اني دا احس روحي مفروض عليج كل المبادره مني لو اني ابادر بالكلام والافعال لو احنه كل واحد بجهه
هاله: سكت ينتظرني احجي بالاول مكدرت اجاوبه گلي روحي غسلي وارتاحي لتخافين من كلامي طلع بساعة عصبيه ....انتظرح هنا
طلعت غسلت وجهي مينا جابتلي مي گلتلي هاله لتخلين مشكلتكم تكبر قشمري بالكلام الحلو لان عصبي حجى هيج كذاب ميعوفج روحي اصعدي للغرفه شوفي الغراض اللي يشتريها الج ويضمها بالغرفه حتى كبر صوره من صور المهر وخلاها بالغرفه انت طالعه بيها كلش حلوه .
من حجيت ويا مينا ارتاحيت شويه رجعتله لگيته مغمض عيونه ومنتچي على القنفه
من حس دخلت فتح عينه ووگف ديمشي بتجاهي گلي ارتاحيتي هزيتله راسي فتحلي ايده يريد يحضني تقربت يمه حضني
مشتاقلج وروحي طلعتيها هالاسبوع صدك هاله طلعتيني من طوري والي صبرني عليج اگول بعدها صغيره تتعلم
هاله:الله عليك لتعوفني واتحملني خليني اتعلم عليك على اطباعك محمد اني صح عندي خوات متزوجات بس ميحجون عن حياتهم وخصوصياتها كدامنا احنه خواتهم الممتزوجات لذلك اني ما اعرف اتصرف وياك وماعندي سابق معرفه بيك انت شاب متخجل من ارتبطنا تعبر عن مشاعرك بس اني استحي منك واخجل اعبر بالكلام والفعل اكيد بعد الزواج راح اتغير وياك واسوي الي حجيته
انت متحسس مني بس اني اتربيت بيت مشفت بي احد يبوح عن مشاعره او علاقة ود بين ابويه وامي كدامنا بالعلن اعرف ابويه كلش يحب امي بس مشايفته يتغزل بيها او هي تسمعه كلمة حب او تبين مشاعرها اله كدامنا بيناتهم
وخواتي نفس الشي شلون تريدني اعرف اتصرف وابين مشاعري
محمد: افتهمت حبيبتي بس اني لا احبج اريد تبادليني هالحب .... تقربت من شفايفها وبدون وعي فتحت شعرها خليت اصابعي بي وهي بدون وعي اتفاعلت ويايه خلت ايديها على چتفي حسيت بحركت ايدها تمشيها على ذراعي وخرتعا عني ......لوله اذا احجي ويا ابوج ونتزوج فد اسبوعين عادي ماعندج مانع حتى قبل امتحانات الفصل الاول تقرين انت ومينا
هاله:جنت فرحانه بي وقلبي ذايب وياه هذا الرجال الي راحتي من يمون قريب عليه جاوبته موافقه .....مراح تروح لصديقك
محمد:لا راح اخابره اگله صارت عندي شغله ....... ابتسمت سالتها هاله انتي مشايفه بالافلام البطل يبوس البطله من شفايفها
هاله: لا لان امي تعرف الافلام من يطلع فلم تدري بي لقطات متخلينا نشوفه
ومره كاعدين دنتفرج فلم وطلعت لقطه غمضت عيني استحيت من ابويه صعدت للغرفتي
محمد :احسن حبيبتي
هاله:محمد اريد الصور مال المهر مشفتهن اخذني وصعدنا للغرفه لگيته مكبر صوره من صور المهر كاعد بصفي وراسه قريب على راسي ولاف ايده على خصري طالعه بالصوره اصابعه واني مخليه ايدي على ايده جانت لقطه كلش حلوه خلتني اشوف واحس بشي اني ممنتبهه عليه من اكون ويا محمد ابتسم واضحك من كل قلبي حتو احس نفسي حلوه لان اشوف انعكاس صورتي بعينه ونظراته
يعني من يلزم شعري احس بثقه واعرف شعري حلو لان هو يحبه
ومن يصفن على حلگي واني احجي لو عيونه تنزل على غمازاتي من اضحك يخليني احس نفسي احلى وحده هالثقه الي احس بيها وياه تخليني قويه .
انتبه عليه سألني وين نعلگها جاوبته فوك الجربايه گلي لا صوره العرس هناك اخليها
جاوبته ما ادري بكيفك خليها وين انت عاجبك ....يبين مكانها من ننصب الغرفه
محمد: حضنتها اني عاجبني ابقى ابوس هالشفايف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
قلب بين الوهم والحقيقه
ChickLitقصة فتاه مراهقه تقع في حب شخص لكنها تتزوج من شخص اخر وتكتشف ان حبيبها الاول يتقدم لخطبة اختها وتبدأ القصه والمعاناة الى ان تستفيق من الوهم
