وبعد الصراع والضرب والشتم عليه ماحسيت الا واني بغير عالم
مشفت الا الدم على رجليه والنزيف ماخذني كتله علاء ليش هيج انته سويت وظليت ادك واطلم وابجي
بذاك اليوم اتمنيت يطلعون جنازتي من الغرفه الي اني بيه ولا اطلع بعد و اواجهه مجتمع واني بالسادس علمي وفي مقتبل العمر وفقدت عذريتي على ايد حيوان مفترس همجي
شافني انزف وخابر على دكتوره اقاربه اجتي فحصتني وجيكتني واعطتني علاج وقالت لازم تستمرين عليه
واني اباوع على الدكتوره منكسره متحطمه لا امدر احجي ولا اكوم ولا اكدر احرك ايديه ولا رجليه
بعدها كمت غسلت وبدلت ورجعني هو للبيت
ويوم كامل مخابرني اخابره ميرد خلصت اليوم كله
ابجي وادك والطم متندمه ومكسوره خسرت اعز ماتملكه البنت هو الشرف ظليت منكسره لاحول اليه
ولا قوه
ويوم ثاني خابرته ومجاوبني وره اسبوع خابرني وقالي اريد اشوفج واني رفضت لان بدت امتحاناتي
واني الدراسه كله راحت من بالي ومو يم الدراسه
اروح امتحن وارجع مااعرف اني شنو الي كتبته بالورقه
ظل يخابرني ويهددني اذا مااطلع وياه يروح لبيت اهلي يكللهم على علاقتنه وفعلا مره عانته وماطلعت وياه واجه لبيت بيبي وعمامي موجودين واتوسل بيه لا يدكه للباب وافق على شرط اطلع وياه
وظل يضغط عليه ويهددني اذا مااطلع يخبر اهلي بالي صار كمت اخاف منه وظلت اطلع وياه لبيت
زوجته المطلقه وظل ينام ويايه بين فتره وفتره
واني اتوسل بيه يجي يخطبني وهو يكلي اييي اجي اخطبج بشرط ترسبين هذا السنه امي ماتقبل اخطب وحده بالكليه واضطريت اوافق وفعلا رسبت علموده
وعدت السنه بصف السادس وكله تعجبوا عليه
ليش هند الشاطره ترسب تعجبوا المدرسات وصديقاتي واهلي
وعدت السنه وهو ماخطبني وظل كل ميريدني يخابرني ويطلع وياي وطلع على حقيقته حقير لسانه زفر يغلط على امه بالتلفون وعلى اخواته طلعن اخواته مطلقات وهو واخوه عدهم شقه ويخونون زوجاتهم ويه بنات ضحيه مثلي كرهت نفسي واعتبرت نفسي رخيصه حيل بعد الي صار
وظليت اتوسل بيه بس يجي يخطبني ايكلي اييي وميخالف بس ميجي يحجي وياي يقول اذا زوجتك او زوجت غير مااريد الله ينطيني بنيه ولا اريد اخلف اخاف واحد ابن حرام يسوي بيه مثل مااني سويت بيج وضيعت مستقبلج
وظل الحال كما هو عليه الى ان يووم من الايام حدث ما ليس بالحسبان وبعد مرور السنه الثانيه من علاقتنه
حدث حدث حدث !!!!!!!
