توفى جدي وصار البيت فاهي لاضحكه ولا سالفه ولا وراحت لمتنه الحلو
صارت عمتي المطلقه اسمه اقبال...
ظلت تتحكم بالبيت وتحكم وتنهي وكلشي بأيده
ظلت بكلشي تدخل بزوجات عمامي وتتعارك وياهم وميعجبه احد للعلم هي عدها بيت وحدها وعدها اولاد مططفى وسهى وضحى وظلت يوميه ياجايه يارايحه للبيت وتحجي براس بيبي على عمامي وظلت بيبي متحب عمامي ولا زوجاتهم واربعه وعشرين ساعه تحجي عليهم بسبب عمتي اقبال كام محد ميجي من عماني لبيبي ولا يسألون عليه وعافوها لان بس يجون تتعارك وياهم والسبب عمتي اقبال
عمتي اقبال هي الي ربت اختي صفا بس هي معقده ومتحب الا نفسه هي مطلقه وبعد طلاقها تعقدت وظلت تكره شوف واحد سعيد وفرحان لذلك كامت سوي مشاكل بين عمامي وعماتي وبيبيتي ف البيت انكلب الى جحيم وعراك واحد ميحب الثاني وكل واحد عليه بنفسه وبيته وزوجته وجهاله
وابويه همات حايره بيته وزوجته واطفاله وصارت عنده بنيه اسمه زينب وصاروا مجموع اخواني من ابويه 3 ولد وبنيه الي هم محمد عدنان وعباس وزينب
حيل يحبونه ويحترمونه اخوتي وزوجته ابويه عكربه احسه من جوه ليجوه كدام ابويه تبوس وترحب وره تحجي وتعيب
ووفد يوم من الايام صفا اختي كبرت وراحت لصف خامس أبتدائي وكاعدين اني وياها بالغرفه وصاحتني هند هند رحتله ها صفاوي حبي شبيج
صفا،،، لج هند ضايجه من هايه العيشه لا ام لا اب لا عمام لا خوال بيهم خير احنه المن عايشين اشو كل واحد محتار بنفسه
هند،،،لا حبيبتي صفاوي لاتحجين هيج الحمد لله عايشين احسن من غيرنه وبابا عدنه مسؤوليه ودوام وماعنده مجال يجي يشوفنه بس انتي كوليلي ليش تحجين هيج شبيج اليوم احد ضاربج او مسمعج حجايه بالمدرسه ؟
صفا،،،لا هنوده لج اني اليوم شفت شي ونقهرت وكمت ابجي
هند...شنو شفتي حبيبتي صفاوي دحجيلي ياروحي واني الي تردينه اسويلجياه بس اهم شي لاضوجين
صفاتحجي ودمعتها نزلت.....
لج هند كل الناس عدها امهات ويحبوهم ويهتمونبيهم تعرفين البنات بالمدرسه امهاتهم يجون يسالون عليهم ويدرولهم لفات ويبوسوهم ويرحون واني محد يسال عليه ولا احد يبوسني وباجتماع اولياء الامور كلهم يجون ويسألون عليهم امهاتهم وأباهم واني محد يسأل عن مستواي واموووت من القهر
تعرفين هند اليوم شنو شفت
هند.. شنو شفتي حبيبتي
صفا... شفت بزونه عدها جهال ودافع عنهم وشيلهم بحلكه واني وانتي ماعدنه ام لج ليش هيج وين امي اريد اشوفه اشتاقيتله هنوده اريد امي لج حتى الحيوانات عدهم ام وتخاف عليهم وتحبهم
واني الفكر موتت امي بجيتي للدنيا وحرمتج وحرمت نفسي منها
هند... شبكت صفا وظليت ابجي لا صفاوي حبيبي لاتحجين هيج نتي كل الخير هذا امر الله هو هيج رايد وقاسملنه وبعدين اني امج وابوج واذا تحتاجين اي شي تجين تكليلي وظليت ابوس واحظنه الى ان هدءت صفا وكامت توضت وصلت
واني ظليت افكر بكلامه حيل ونقهرت كولش عليه الا ان قررت اروح لابويه واحجي وياه
ورحت لبابا وحجيت وياه عن حاله صفا وشنو صاير وياها ومقهوره وطلبت منه يروح يمه ويحجي وياها ويحسسها بحنانه وعطفه وحبه وطلبت منه صور ماما. كتله بابا اريد صور امي نريد نشوفها وفعلا ابويه اعطاني صوره امي وشفته لامي
مااكلكم عن جمال امي
