بعد انتظار 3 ايام من الخوف والرعب والهم والتفكير والبجي
لم تتصل ام علاء وزاد الهم والتوتر
اتصلت عليها ضحى وتكلمت وياه
ام علاء شلونج ها مادزيتيلنه خبر
ام علاء ...،حبيبتي اني مريضه ومابيه حيل للمشاكل شنو تردون سوون سوه هذا علاء يمكم اني وابوه متبرين منه
ضحى من سمعته هيج تحجي ظلت تدعي عليه وسلمته بأيد الله هي وابنه وسهى اخذت التلفون وظلت تهدد بأم علاء وظلت تغلط عليها بعدها انسد الاتصال
وانسد وياه كل امل وكل حلم خلاص بعدها انتهت حياتي
وقررت عمتي اقبال توصل الخبر لبيبي
وسمعت بيبي بالخير غمه عليه وكعت وصار الصريخ بالبيت وبيبي متحجي ولا ترفع ايد ولا رجل
وبعد محاولات من انقاذ بيبي كعدت وظلت تبجي وتلطم ولج ليش هيج صخمتي وجهي هذا جزات تربيتي بيج ليش شعايزج وظلت تحجي عليه واني لا صوت ولا خبر الدنيا اسودت بعيني وظل الكل يحتقرني بالبيت ويعيرون اختي صفا بيه
من بعدها كملت امتحان صف السادس وطلعت معدل بس مو قوي يادوب يدخلني كليه
وبطلوني من الدوام وماخلوني ادارم كليه وحرموني من المصروف ومن كل كلمه حلوه وبعدها رجعت اني من الصفر
لا كملت دراستي ولا حزوج مثل الناس وبقيت وحدي بالبيت اداري بيبي وشايله البيت حسره عليه الطلعه والبسه محد مايثق بيه وظلت السالفه مطمومه بيني وبين بيبي وعمتي اقبال وبنات عمي واختي صفا
وضليت اني منكسره نكسر قلبي وفقدت عذريتي وفقدت فرحة نجاحي من السادس ودخولي للكليه ورجعت للصفر كما كنت وماتقدمت اي خطوه بعدها
انتهت القصه
نصيحه
لكل بنت دير باله على نفسه وابد مسلم نفسه تحت اي مسمى وابسط مثال الكم اني هند
ونصيحه للاهل ارجوكم وفروا الحب والعطف والحنان والاحترام لأولادكم ترى اذا مالكوا الحب بالبيت يدورون عليه بالشارع
