عبرت ايام على السالفه تقريبآ 5 ايام ومحد يعرف
واني كاتلني القلقل والتفكير ومااعرف شنو مصيري
لكن بعد ايام تم اتفاق بين سهى وضحى يوصلون خبر لعمتي اقبال بعد ما عرفوا اني مو عذراء حتى
يطلعن من مسؤولية الموضوع
وفعلا وصلوا خبر لعمتي وظل تدك وتلطم وتعيط
بس محد ماضربني ولا احد كان متوقع ان اني اسوي هيج
واقترحت سهى اقتراح تخابر الولد وتفتهم منه شنو الي صار وشنو مصيري مع علاء
تم الاتصال ب علاء .... بوجودي ووجود عمتي اقبال وضحى واختي صفا
سهى الو استاذ علاء شلونك
علاء منو وياي
سهى اني بنت خال هند
علاء اهلا وسهلا
سهى شنو الي بينك وبين هند
علاء ماكوا شي مجرد كنت اوصله للبيت وللمدرسين
سهى لعد وهذا المكالمات وهذا المبايل وهذا الشريحه منو جايه لهند
علاء والله مااعرف عنهم اني هي يمج واسأليه
سهى علاء كافي وعيب احنه عرفنه بالسالفه وصارلك سنتين وياه هسه البنت مو عذراء وتعال اتقدمله
حتى لو شهر وطلكها بس المهم والاهم تستر عليه لان هيج مستقبله ضاع وهي يتيمه وحرام عليك الي سويته
علاء...اني مسويت شي اذا تردين ازوجه بدافع استر عليها مو بدافع اني الي سويت وياها الشغله الي خلته تفقد عذريتها خل تروح شوف منو الي خلاها تفقد عذريتها ونكر كلشي الي صار
سهى..عصبت وظلت تغلط عليه ف ضحى اخذته للمبايل وتكلمت وياه
ضحى شلونك علاء اني ضحى
علاء ...اهلا ضحى
ضحى..ليش هيج علاء سويت مو انته تعرفني واني واثقه بيك واعزك واحترمك ليش هيج لعبت على هند وصار الي صار
علاء...اعرف انتي شريفه وكنت احلف بشرفج بس هند مو مثلج اني كنت احبه وكنت ناوي ازوجه وهي رفضة عدت مرات وهسه مااكدر ازوجه الا كان هدفكم استر عليه وتعترفون كدام الناس اني مو الي خلاها تفقد عذريته غير هيج ماعندي كلام وياكم
بعدها ضحى تعصبت عليه وظل هو يهددنه يجب مفرزه للبيت ويتهم عمامي بقضايه واحنه خفنه من عند وسدينه التلفون وظلوا حايرين
وعمتي اقبال كالت لازم اوصل الخبر لبيبيتج لان مااريد مسؤوليته توكع براسي
وضحى وسهى رفضوا يوصلون الخبر لبيبي لانه خافوا بطل من المدرسه واني على ابواب امتحانات
وبعد محاولات عديده مع علاء ماكوا نتيجه منه كله يسب ويغلط ويهدد وحظر ارقامنه من عنده وقفله للمبايل
بعدها ضحى فكرت وقالت لازم احصل معلومات عنهم واتوصل لامه فخابرت صديقته الي هي كانت جيران بيت علاء
وفعلا حصلنه رقم ام علاء بحجة اخو علاء محامي ونريد نوكله للقضيه مهمه
والبنيه ماقصرت نطتنه رقم ام علاء وتم الاتصال بيه
وتكلمت ضحى وياها وفهمته على القضيه وام علاء في البدايه كانت متفهمه وقالت اوصل الخبر لابو علاء وهو يخابركم اعطوني مهله فد 3 ايام
يتبع ....الاجزاء الاخيره
