رحت لصف السادس علمي وتعرفت على بنات صديقاتي وكانت الامور ماشيه تمام التمام
ويوم من الايام كنت كاعده بالصاله دا ادرس واسمع مبايل يدك اني ماعندي مبايل اخذوا مني اهلي لان
اريد ادرس خافوا لا ألتهي بيه واني كنت موافقه وماعنديً مانع
ف رحت دا اسوف منو متصل ف شفت رقم غريب
فتحت الخط صحت الو
هند... الووو نعم منو ويايه
المتصل...اني علاء سايق ضحى وين ضحى متجي اليوم
هند... لا مااعرف ضحى بيتهم خابر على مبايله
علاء...لعد هذا مبايل منو ليش مو مبايل ضحى هي متصله من هذا الرقم عليه
هند...والله مااعرف اتصل على رقمه وتأكد
علاء...اوك شكرآ اختي مع السلامه
هند...اهلا وسهلا
ضحى بنت عمتي داوم بالجامعه قسم علوم كمياء
وعلاء السايق مالته يوديه ويجيبه
وره فتره اتصل نفس الرقم وطلعت احجي وياه وبعدها تعودنه نتكلم مع بعض بدون مااحد يدري ونبهته انه ميبلغ بنت عمتي ضحى انه يعرفني او يتكلم وياي وخلاص اتفقنا ميبلغه وظل يوميه ياخذ ضحى من الجامعه ويجيبه من الجامعه وهي متعرف بعلاقتنه اني وياه
بعدهاطلب يشوفني واني رفضة وبعد ايام واشهر والحاح منه
وافقة اشوفه بس بشرط مااروح لاي مكان يجي يم المدرسه يشوفني وخلاص
واتفقنا واجه شافني وشفته وحيل نعجبت بيه كان راكب سياره همر اخر مديل ولبس ملابسه العسكريه ونجماته بجتفه هو ضابط
حيل حيل نعجبت بيه وظل يوم عن يوم يخابرني وتعلقت بيه حيل وحبيته هو اهله ناس راقيين ومعروفن ابوه رجال معروف واخوه الكبير محامي واخواته مدرسات وكليتهم واصلين وعلى مستوى
اني كيفت وفرحت وكلت اخيرآ الله فتحلي باب من ابوابه وبعثلي علاء لان كان يحبني حيل ويخاف عليه ومن يشوفني مالبسه جواريب يظل يعيط ويزعل عليه
كان يكول اني اخاف عليج واغار مااريد احد يشوفج
وكان يحب ملامح وجهي وعيوني الوساع وملونات
علاء.....تواعدت مع هند يم مدرسته ورتبت نفسي ولبست بدلتي مال عمل الي هي زي الضابط ورحت يم المدرسه بعد مااخذت العنوان منها
شفته هذه هند اييي هي هند
الله شنو هذا الطول شنو هذا الحمال شنو هذا الترتب
هند حيل مؤدبه وعلامات الفقر عليه واضحه ومبينه ماعدها تجارب سابقه مع الشباب
ف شفته وشافتني من بعيد ودخلت لمدرسته واني رحت لشغلي
هند،،،بعد ما رجعت من المدرسه رحت غيرت ملابسي وغسلة وتغديت وصليت ورحت بالختلات اخذت مبايل بيبي وخابرت علاء
هند..هلو علاء شلونك اخبارك
علاء..هلو حياتي لج هاي وينج على احر من الجمر دا انتظرج مشتاقلج حياتي
هند..شكرا شيوي اني ماعندي مبايل حتى اخابرك كلت ارجع للبيت واخابرك من مبايل بيبي
علاء...سمعي هند احنه خو منظل هيج اني حجيبلج مبايل وشريحة ونتواصل ونظل نتواصل عليهم
هند..لا اخاف من اهلي خاف يحسون عليه
علاء....لا حبيبي شنو يحسون انتي ضمي لا تخلين احد يحس بيج
هند.. اوك موافقه شكرآ
علاء..تعالي لج شنو هذا الجمال شنوهذا الطول شنوهذا العيون الحلوه لج امووت عليج تخبلين حياتي
هند ....تسلم حبيبي الله يخليك اليه وميحرمني من كلامك الحلو وبعدين انته مقاصر تجنن طولك يخبل طالع هيبه
علاء شكرا حبيبي يله اني هسه اروح
هند مع السلامه نتواصل من يصير عندك مجال
وبعدها راحت الايام واجتي الايام وتقابلنه وانطاني المبايل وشريحه
