كل واحد بينة يخطف من نفسه ساعات حتى يهرب من الواقع عن طريق القصص ويعيش وياها الفرحة والحزن
بقلمي : ❣️ حكاية مات صاحبها ❣️
ًهلو اني نور من بغداد عمري 25 سنة شكلي عادي شعري طويل اسود بشرتي حنطية عيوني كبار سود شفايفي منفوخة وعندي شامة بارزة فوق شفتي ملامحي حلوة
طولي 160 جسمي حلو رشيقة و معالم الانوثة عندي بارزة
اتخرجت من معهد المعلمات بس ماكو تعيين ف قررت اكمل كلية هسة اني مرحلة ثانية
شخصيتي ثگيلة ما احب اضحك واشاقة اهواية ما احب العلاقات والصداقات الزايدة احسهة تجيب دوخة راس مكتفية بصديقة وحدة بس بنفس الوقت اني متواضعة وحبابة وشخصيتي حالمة من كثر الروايات الي اقراها وكنت دائما اتمنى اعيش قصة حب واجرب بيهة كل المشاعر مو بس حب وزواج والسلام
عائلتي متكونة من بابا وماما واخوان اثنين علي وعمر متزوجين وعدهم اطفال وگاعدين وحدهم ودائما يجون يمنة و اخوات اثنين زينة وزينب زينة الكبيرة متزوجة ابن خالتي وزينب اصغر مني طالبة علاقتي حلوة بأهلي وبالاخص اخواتي احبهم واعتبرهم صديقاتي
عايشين اني و ماما وبابا واختي زينب وحدنة ببيت وعايشين ع راتب بابا التقاعدي واخواني يساعدونة بالمصاريف حياتي ماشية طبيعي من الدوام للبيت
وعندي صديقة وحدة مقربة مني بالجامعة (مينا :) مخطوبة لابن عمهة ويانة بالجامعة اسمه ( جراح )
بيوم كان احتفال 🙌 بالجامعة ف اجة ابن عم (مينا و جراح ) للحفلة كان هيبة و مرتب والبنات زميلاتنة حطاً عينهن عليه اني سلمت عليه ورحنة اني ومينا گعدنة مقابيلهم لان هم گعدو وية الشباب
اهلا اني ( نمر ) ابن عم (مينا وجراح) احنة وية عمامي مترابطين وعلاقتنة طيبة ابوية اكبر عمامي واني عندي 5 عمام وعمة وحدة وكلنه ساكنين بمنطقة وحدة يعني تقريبا جيران
ومن احنة صغار خاطبين ولد العمام لبنات العمام اني ع اساس خطيبتي شهد بنت عمي وتحبني بس اني ما احبهة وگتلهة من زمان اتزوجي وشوفي حياتج لتتأملين بية
اني ضابط بالداخلية عمري 30 سنة مواصفاتي اسمر طويل طولي 185 شواربي ثخينة يمكن هذا الي يجذب البنات الية ملامحي حلوة ورجولية جدا
طبعي حاد وعصبي وثگيل وعندي اهم شي كرامتي يعني كرامتي فوق كل شي بس دمي محبوب واجامل واغلب الي اعرفهم يحبوني
عائلتي متكونة من امي مديرة اعدادية متقاعدة و والدي ضابط كبير متقاعد و اخوان اثنين متزوجين وعدهم اطفال
اني اصغر واحد بيهم وممفكر بالزواج لان مرتاح ومتونس وعندي علاقات اهواية واحب اكشخ يعني ذهب وسيارة اخر موديل واحلى ملابس واصرف اهواية
أنت تقرأ
تموت البنية بحضن مابي عشگ
Romanceقصة حب تتكلم عن حبيبين يواجهون صعوبة ويعانون الى ان ينلم شملهم قصة مليئة بالاحداث المشوقة
