نور ..اني وزينب نبجي وخايفين مدري نصحيهة مدري نشوف شصار وصعدولي جنزوني موتوني كتل بحيث حسيت نفسي دا انازع وروحي تريد تطلع ومن الضرب گمت ما احس بجسمي فقدت
حسيت ع روحي بالمستشفى وبس صحيت رأسا طلعوني للبيت لان خافو لا احد يسألني واشتكي عليهم
نمر ..قررت اخذهة وانهزم لان بعد مابيهة مجال واصلا اهلهة مينطونياها بعد واهلي كلهم گالو بعد منروح اهلهة ميقدرون وسووهة شغل عناد بقيت وحدي بهذه الدوامة محد يحس بنار گلبي بس اريد اتواصل وياها شلون اتصلت ع زينة اختهة
نمر ..شلونج اختي
زينة ..الحمدلله
نمر ..اريد اطلب منج خدمة واكون ممنون الج طول العمر اريد احجي وية نور
زينة ..والله صعبة اني من اروحلهم حتى موبايلي ياخذو مني وميخلوني ابقى يمهة بالغرفة شوية ويطلعوني لان حابسيهة
نمر ..ااااااااااااااخ گلبي يعني ابد متگدرين
زينة ..والله لو اگدر بعيني بس صعبة حيل صعبة
نمر ..طلعت بالسيارة رحت لمنطقتهم ضليت افتر المهم شي من ريحتهة وطلعت افتر بالشارع ما ادري وين اروح اخذت مشروب ورحت ع مكانه السري ع نهر دجله وضليت اشرب وبس هي ببالي
احجي وياها مثل المجنون جان اروح لبيتهم بعد ما اگدر اشتاقيتلهة گلت هسة اخوانهة ماكو حتى محد يضربهة دگيت الباب بس بالگوة احجي وبالگوة اتحرك لان سكران ودايخ ادگ بالباب
نور اطلعيلي بس اشوفج ابوهة فتح الباب
ابو نور ..شتريد انت متجوز هسة اخابر عليك الشرطة
نمر ..عمي الله يخليك كلشي ما اريد بس اشوفهة واروح
ابو نور ..صدگ انت متستحي شنو تشوفهة امشي اطلع بره
نمر ..عمي رحمة ع والديك هاك المسدس سحبت طلقة هاك الزم بس اشوفهة ووراهة اقتلني
ام نور ..هذا فضحنة مناك الجيران وفوگاها شارب شلون بلوة ابتلينة ياربي
ابو نور ..نزلي نور
ام نور ..انزلهة
ابو نور… ييي نزليهة شبيج
نمر ..نزلتهة حبيبتي شصاير بيهة اول مشافتني طگت من البجي وگعدت بالگاع گعدت ع ركبتي يمهة ولزمت جهها بأيدية ثنينهن اني يمج حبيبي والله ما اعوفج وهي بس تبجي گطعت گلبي
ابو نور .. يلا روحي
نمر ..عمي بس دقيقة انطينياها الله يخليك ما اگدر بدونهة ولا هي تگدر بدوني
ابو نور.. هاك عمي مسدسك وروح منا مو ردت تشوفهة وشفتهة يلا روح خلي عندك كرامة وبعد ابد لتجي
أنت تقرأ
تموت البنية بحضن مابي عشگ
Romanceقصة حب تتكلم عن حبيبين يواجهون صعوبة ويعانون الى ان ينلم شملهم قصة مليئة بالاحداث المشوقة
