نور ..عدت ايام وعلاقتنة اني وحبيبي صارت اقوى رغم اكو اهواية رادو يخربون بيناتنة
بيوم جايين اخوتي يمنة لان هم كل جمعة يجون وصايرة هوسة ومحاجية وية نمر من الصبح ليهسة ف صعدت گلت خلي احجي ويا شوية لان اشتاقيتله
دا احجي ويا وماخذني الواهس وما احس الة واخوية علي فوگ راسي اني شفته من الصدمة حسيت جسمي كله صار بارد وهو مرتاج ع الحايط
علي ..كملي ليش سكتي اني سديت التليفون رأساً ضليت واگفة وعقلي وگف عن التفكير اخذ التلفون مني وضل يگول الو الو سدة الگواد
ولزمني موتني مخلة ضرب ودفرات وشعري گطعه ويفشر عليه اهلي كلهم صعدو يريدون يخلصوني منه واني بعدني مصدومة اجتي زينب حضنتني جسمي كله دم ومزورگ وشعري مكفوش
زينب ..لج شبي شكو نكسرت ايدة ان شاءالله صعدت امي تلطم لج شلون هيج تسوين لج راح يذبحوج فضحتينة گحب.....ساقطة منو هذا الگواد الديضحك عليج
نور ..ماما والله العظيم ميضحك علية والله يحبني
امي ..لج وضربتني هذا لويحبج جان اجة خطبج شمدريني اني شمسويلج
زينب ..ترة مو لهالدرجة الولد خوش ولد وراد يخطبهة وهي اجلتة علمود الدراسة
امي ..تلطم انتي مشتركة وياها گحب…. مثلهة اجة بابا يباوعلي نظرات عتب
بابا ..ليش ليش واني منطيج ثقة واگول بنتي متغلط كبيرة وفاهمة وعاقلة ليش نزلتي راسي بالطين مع الاسف مع الاسف
نور ..بذيج اللحظة تمنيت الگاع تنشگ وتبلعني .. لا بابا الله يخليك سامحني والله ما اقصد
بابا ..روحي گلبي وربي غضبانين عليج واني شايل ايدي منج وشيسوون بيج خلي يسوو
دخلو عمر وعلي يحققون وياية بالكتل هذا منين وشلون عرفتي وصارلج شگد ويا وضرب وكتل بابا طلع وعافهم يضربون بية
ماما وزينب يبجون عليه واني مثل بلاع الموس لا اگدر ابلعة يجرحني ولا اگدر اطلعة يفضحني وتحملت كتل وضرب الحيوان ميتحمله وحبسوني بالغرفة وگالو بعد ماكو دوام وحتى من الغرفة متطلعين وراحو
اجتي زينب ..حضنتني وبجت علية وغسلتلي انكسرت ايدهم شلون گلوب سودة
نور ..ابجي زينب الله يخليج خابري ع نمر ليجاوبهم وليحجي وياهم
زينب .. اخذو تلفوني وحصلت كتله بس يمكن حجو ويا بس مفهمت شي بس صياح وغلط
نور ..يبو علية
نمر ..دا احجي وية حبيبتي من الصبح ليهسة محاجي وياها ويمهم اخوتهة وهوسة دتسولف وياية وفجأة سكتت واسمعت صوت ولد يمهة عرفت واحد من اخوتهة وانسد التلفون
يمكن انلگفت خفت عليهة حيل وضليت حاير ما اعرف شأتصرف گلت خلي اخابر ع رقمهة واحجي وياهم وباجر اخذ اهلي و اروح اخطبهة احسن
أنت تقرأ
تموت البنية بحضن مابي عشگ
Romanceقصة حب تتكلم عن حبيبين يواجهون صعوبة ويعانون الى ان ينلم شملهم قصة مليئة بالاحداث المشوقة
