تموت البنية بحضن مابي عشگ

part 2

نمر ..انعل اهلج ع هالشعر والجسم والجمال والشامة فوگ الحلگ تسطر اول بنية هيج تدخل مزاجي طول الحفلة اني گاعد برة بس ردتهة تطلع

طبعا اجني بنات عمي ويسولفاً ويضحكاً وياية بس اني عيني هناك ع الباب ماكو خلصت الحفلة طلعت اجة ابوهة اخذهة

اجة جراح

نمر ..جراح شنو السالفة رقم معرفت اتدبرة قابل اني شطالب

جراح ..ههههههه ها نمر مبين عليك وگعت

نمر ..والله يا خويي ما ادري اريد بس احجي وياها واتعرف عليهة زين

جراح ..والله حجيت وية مينا ع الرقم وگالت نور صديقتي واحبهة ومو مال هاي السوالف وخلي نمر يطلعهة من راسة لان نور الاستاذ بالجامعة ذابح روحة عليهة ويريد يخطبهة

نمر ..هاي صدگ مينا هيج تحجي ششايفين علية شبيكم معقولة اني هيج بنظركم

جراح ..نمر حبيبي لتزعل هاي مو شهد خطية ضلت تنتضرك وتالي گتلهة روحي شوفي حياتج وهي بنت عمنة

نمر ..ليش اني مواعدهة بزواج السالفة اهلنة مدبريهة من كنا صغار يعني اني مالي ذنب

جراح ..بس هي حبتك

نمر ..واني ما احبهة واني ممجبور اتزوج وحدة ما احبهة

جراح ..ع العموم نمر مادام انت رايد نور واول مرة اشوفك تريد وحدة لهالدرجة تواصل وياها ع الفيس بس لتخلي احد يحس بيك واني لتدخلني بالسالفة

نمر ..شنو الفيس مالتهة

جراح ..هذا هي صديقة مينا ع الفيس بس نمر عليك الله لتجرحهة
 
نور ..رجعت للبيت وبالي كله يمه ورة شوية اجاني طلب صداقة الفيس وشفته هو ما اعرف شصار بية اگول لنفسي شبيج نور اثگلي اشو مموتة روحج علية هاي اول مرة يصير بية هيج ولازم ما اقبل الصداقة رأسا لازم اثگل

نمر ..صار 5 ايام دازلهة طلب ع الفيس وموافقت ضجت وگلت لنفسي شبيك نمر تضوج علمود وحدة هاهي طلعهة من راسك خ تولي گامت تبيع ثگل انت بحياتك مراكض ورة وحدة

نور. .صار 5 ايام لازم اوافق ع الطلب  كافي اهواية ثگلت قبلت الطلب العصر ونزلت اسوي عشا ورة العشا صعدت لگيتة دازلي مسج

نمر ..هلو

نور .. ارتبكت رديتله هلو رأسا

نمر .. شكرا ع قبول الصداقة

نور..  اتشرف بيك وگلبي يدگ يدگ حيل

نمر .. احب نكون اصدقاء ودائما نسأل ع بعض بما انه انتي صديقة مينا وجراح

نور ..ان شاءالله 

نمر ..قبلت الطلب ودزيتلهة رساله وراسلتني ع گد السؤال وضليت تقريبا اسبوعين مراسلتهة ما اعرف حسيت نفسي اريد اختبرهة واشوفهة تضل تراسلني اذا اتركهة فترة مثل بقية البنات بس ابد مراسلتني