نور ..ياستار ع شنو يحسدوني
مينا ..انتي تدرين بنات العشيرة كلهن حاطات عينهن ع نمر وهو ميت عليج واجة هيج جرچ واخذچ تخبلاً هنيالهة وشلون يحبهة واشكال الحجي
نور ..الله يكفيني شرهن ميدرون اني شبعت ضيم
مينا ..ولج شسويتو من اخذج وطلعتو
نور ..هههههههههههاي فضولية انتي سولفيلي شسويتو انتي وجراح
مينا ..ما اگول الا انتي تگولين
نور ..يعني وحدة بوحدة
مينا ..طبعا تسولفيلي اسولفلج
نور ..لعد اسمعي……
وسولفنة اني مينا ع الاحداث الي صارت مرت الايام ونمر حبيبي طلگ شهد و راح يجي يتقدملي صح بداخلي خوووووف بس قررت اصير قوية اتفقنة بالليل اني ونمر يجي يتقدملي الاسبوع الجاي
ثاني يوم اتصل بي مغلق من الصبح للعصر ماكو متت اتصل ع مينا مترد عليه واني رقم والدته ما عندي لان كان بالسم كارت القديم ضليت اتصل ع نمر مغلق ومينا مترد
ردت امووووت ادزلهة رسايل ماكو اخر شي قررت اروح لبيت اهله لان بعد ما اتحمل خليت بابا يوديني لبيت زينة اختي وگتلهة وديني لبيت نمر لان اكو شي صاير ومحد ديگولي بس اني الوب نار 🔥 مشتعلة بداخلي
رحت لگيت بابهم مفتوح وسيارات وناس وخبصة رجلية گامت متشيلني اجتي اسوأ الافكار براسي دخلت شفت نسوان وزلم واني ادور عليه رحت لامه شفتهة تصيح وليدي نمر جمد جسمي صار ثلج گعدت يم رجليهة ما اگدر انطق بهتت الكلمات متطلع
نور ..شبي
ام نمر .. خطفو وراح مني وليدي بعد شيرجعة
نور ..ما ادري شنو ليش گمت كلشي ما اسمع وغوشت وبردت و بس بداخلي بركان 🌋 جمد الكلام والدموع رحت لغرفته امشي بيهة واتلمس غراضة
هنا خطوط ايديك صمتك صدى صوتك عنفوانك هنا ضحكت هنا بكيت هنا على صدري غفيت هنا تصاويرك على حايط البيت هنا بقايا من بقايا امنياتك رحلت انت وهي ضلت في مكانك في وجوه الناس اطالع وجهك الحاضر الغايب وين انت ومتى اشوفك وحدي اسأل وحدي اجاوب حتى في اصغر اشيائك ابقى اتأمل واراقب استجدي صوتك استجدي همسك ولو في لحظة وهم جمدت الدمعة بعيوني……
طلعت ملابسة اشم بيهن اگولة ممكتوبلنة نعيش سوى شفت اول متقربت منك انت ابتعدت يعني انت مو الي ارجع وعيش حياتك اني ابتعد ما اريد اذيتك
صح اني ميتة بالحالتين بس ع الاقل انت موجود وتشتم هذا الهوى لتروح هسة بعد وكت حتى اجي اشوفك من بعيد شلون تلعب جهالك حتى لو مو مني اقبل بس انت موجود يجوز من نكبر ونشيب ويكبرون اطفالنة نلتقي وتصير الية حتى لو ما بيك حيل تبوسني ارضى
أنت تقرأ
تموت البنية بحضن مابي عشگ
Romanceقصة حب تتكلم عن حبيبين يواجهون صعوبة ويعانون الى ان ينلم شملهم قصة مليئة بالاحداث المشوقة
