تموت البنية بحضن مابي عشگ

part 5

وحط السترة مالته ع كتفي وقربني عليه وحط راسي ع صدره وايده ع خصري وشبه حضني ما اعرف شصار بية روحي ذابت

نمر ..بهمس نونتي تدرين هذه احلى لحظات حياتي

نور ..حبيبي والله احبك واتمنى هذه اللحظات متخلص قرب وجهة عليه اني نزلت راسي هو رفعة

ضل يباوع بعيني وكانت لحظات صامته بس صوت انفاسنه وبأيده يتلمس وجهي وشعري وحط ايده ع شفايفي

باس شامتي بوسة رقيقة و باس شفايفي وعيونه ذبلت وبقه يبوس بيه واني ذبت باحضانه وبلمساته وهو يبوسني ويگولي احبج اريدج الي وحدي بهمس

احساس غريب وجميل بحيث من وخر مني جسمي كله يرجف وما اگدر اوگف ووصلني للبيت وكان احلى يوم

نمر ..اليوم شفت حبيبتي وتونسنة وبستهة ومردت اعوفهة اتمنيت اخطفهة واخليهة بنص گلبي وما ارجعهة حلو الحب ورجعت للبيت وبعده طعم شفتهة

شلون ترافة شلون رقة كلشي بية يريدهة ربي لتحرمني منهة وياهة حسيت كلشي حقيقي ونابع من الگلب وعدت ايام وعلاقتنة تقوة وحبنة يزيد ودا انتظر التخرج حتى نتزوج

نور ..اشو نمر ماكو ادگ وميرد من طلع من الدوام گال بس اوصل اخابرج مثل كل مرة احنة بالعادة اهواية نتخابر

يعني كل ساعة واحد يسأل ع الثاني بس اشو صار 3 ساعات اتصل وماكو ضل بالي اتصلت ع ام نمر ماكو اتصلت 4 مرات يلا ردت تبجي

نور ..خفت حسيت صاير شي خالة شبيج عفية خو ما اكو شي

ام نمر ..نمر يوووومة حبيبي وليدي وتبجي

نور ..تبسمرت بمكاني وجسمي يرجف اريد احجي متطلع الكلمة من حلگي ابجي فدووة خالة شبي فدوة گوليلي اجتي مرة اخو الكبير

ام محمد... حجت وياية اطمئني والله ما بي شي اصابة بسيطة برجله

نور ..عفية ام محمد بس گوليلي شكو شصاير راح اموت

ام محمد ..حبيبتي ماكو شي هو بخير هسة تعرض لحادث اطلاق نار 🔥 من طالع من الدوام جماعة جايين بسيارة ورامين عليه بس الحمدلله عدت سلامات وبس طلقة جاية برجله وهسة احنة بالمستشفى

نور ..عفية الله يخليج خلي التلفون يمج حتى اطمئن علية كل شوية

ام محمد ..ميخالف حبيبتي

نور .. اووووووووف حبيبي بية ولا بيك و من البجي عيوني ورمت اجتي اختي

زينب ..لج هاي شبيج عيونج مورمة

نور ..ابجي ..ااااااخ كلبي ح يوگف بعد ما اگدر اتحمل اريد اروح اشوفة

زينب ..تشوفين منو بهالليل بس گوليلي شكو يمعودة

نور ..نمر حبيبي سودة علية يومي گبل يومك بعد عيني

زينب ..لج بس فهميني شبي الولد