تموت البنية بحضن مابي عشگ

part 17 الاخير

اني استجمعت قوتي ورحت صليت وحمدت ربي وشكرته وبجيت ضلينة ننتضرة ورة ساعتين اجوي

نزل نمر حبيبي من السيارة تلگتة امة بالگراج وحضنتة ساعة هم متحاضنين يموت عليهة وتموت عليه والعالم والدنيا مگلوبة والطلقات والذبايح اني واگفة مرتاچة ع باب الصالة المطل ع الگراج لان مابية حيل جسمي كله يرجف ومحتارة شلون اسلم عليه بداخلي شوگ مال حضن قوي وابقى حاضنتة سنين وما اشبع ولا تطفة ناري

بس الناس واني بصفتي شنو حتى احضنة ابجي ابجي ودموعي متوگف بس شفته عاف كل الناس الي يريدون يسلمون عليه واجة علية ودموعة ع خدة وحضني حيل حيل و اني هم حضنتة كل قوتي ما همني احد كلهم سراب بس هو حقيقي بجينة اثنينة وضلينة متحاضنين وباسني من راسي

نمر .. احبج وطول ما اني مخطوف افكر بيج ولازم اية الكرسي واگول ما دام هذه الاية برگبتي اني راجع لحضن امي وحبيبتي

نور ..حبيبي وروحي من الدنيا انت اجتي امه وحضنه ثنينة وگعدنة بالگاع نبجي ومتحاضنين

مينا .. اوووووف والله منظر يگطع الگلب الحمدلله رجع بالسلامة

شهد ..تمنيتة ميرجع ومتتهنة بي هذه الساقطة

مينا ..ياحقيرة ليش حسبي الله عليج

شهد ..حرگ گلبي من ورة هذه و شوفيهة فد وحدة گح.... وبت شارع تحضن وتبوس بي وهو حتى مو خطيبهة وگدام الكل ما استحت هاي لو احنة كان حارو شحجو علينة

مينا ..خطية شبعو ضيم هو وياها حرام عليج

نور ..الحمدلله رجع بالسلامة التمو الناس عليه سلمو عليه و هو سودة عليه تعبان كوووولش

سولف شلون خطفو بس حبيبي سبع و ذكي گدر يتعرف عليهم بدون ميحسسهم انو هو يعرفهم

رأسا انطة المعلومات لاصدقاءه الظباط و گدر يقبضون عليهم و هسة همة ع ذمة التحقيق

اني و نمر اتفقنة يجي يخطبني بس طلبت منه ينتظر حتى امهدلة الطريق و تجرأت و حجيت وية بابا

صح كنت منحرجة و خايفة بس الحمدلله بابا وافق و وعدني انو يوگف وياية

ف دز ع اخوتي و حچة وياهم مقبلو و زعلو هو صح موافقة بابا اهم من الكل بس ما اگدر استغني عن رضا اخواني الكبار

طلبت من نمر يتصل بيهم ويفهمهم وحبيبي نمر مقصر اتصل بيهم وحجة وياهم كلام حلو

صح ردو وفشلو وحجو عليه بس هو لخاطري تحمل وراضاهم و راحلهم واجوي اهل نمر ونمر واجوي اخوتي وتصالحو واخواتي نور عيوني اكيد وياية و خطبوني

لبست قفطان مغربي لون وردي وابيض مخصر ع الجسم وفتحت شعري ومكياج واجة حبيبي ورة مقرو الفاتحة باسني من راسي فدوة لگلبة لابس دشداشة بيضة وعگال طالع يجنن لزم ايدي