نور ..يلا گومي
زينب حبيبتي سوتلي واهس اروح وصراحة اريد احرگ گلبه مثل محرگ گلبي ذيج الفترة ثاني
يوم سبحت وسويت شعري كيرلي وهو طويل كووولش حلو صار وحطيت مكياج قوي بس مرتب ولبست فستان اسود قصير فوگ الركبة وربع ردان والفتحة مال الصدر قريبة ع الصدر وحزام ذهبي عريض وكالون شفاف وحذاء العفو اسود عالي بي ذهبي والجنطة صغيرة ذهبي ولبست فوگ الثوب بوليرة فرو ابيض
وصلني بابا وراح دخلت للقاعة العين كلهة صارت عليه وهو كان گاعد طالع يجنن لابس ذاك القاط الحلو ونازع السترة وذاك القميص والرباط واليلگ وهو ضخم وحلو والشوارب اوووووف وحدهن سالفة وحاط رجل ع رجل وديدخن سيگار ( جروت ) واهلة كلهم گاعدين ع ميز سوى
وهاي البومة گاعدة يمة وتحجي ويا وهو ساكت بس ضايج وعاگد حاجبة من شافتني لزگت بي اني دخلت سلمت ع بنات زميلاتي بالجامعة ونزعت البوليرة وهو يخزر بية نضراته كانت غريبة و عينة ضلت عليه اني ضليت اسوي شغل عناد ما ادري اريد اغورة لو غرت عليه من شفت هذه الحقيرة لازگة بي گمت رحت يم مينا وجراح
مينا كوووولش فرحت من شافتني وحضنتني اني ضليت اضحك واسولف وياهم بس القاعة والموجودين كلهم يعرفوني وكلهم وين ما اروح وشأسوي يباوعون عليه اني مهتميت كأنما الناس كلهم سراب بس هو حقيقي ضليت اسولف واضحك واصور بالموبايل وهو ع وضعية وحدة يخزر بية والسيگار ابد مطفة واحد ورة اللاخ ردت احرگة بالزايد دزيت مسج لمينا گتلهة گوميني اريد ارگص اجتي گومتني واخذتني اني والبنات للستيج
هستوني بديت بالهزة الاولى ماحسيت الا واحد جرني من عكسي وسحلني حيل واخذني للسيارة طبعا اول ماجرني كلهم انذهلو ضلو صافنين اني دا اگله عوفني شبيك كسرت ايدي ضربني راشدي والله الا شوية وافقد الوعي هلگد ما قوي
صعدني بالسيارة اخذني ضلينة طول الطريق ساكتين اني من الراشدي اخرسيت لان دايخة حيييل وصلنة لمكانة ع نهر دجلة نزل و فتح الباب وجرني حيل
نمر ..شتريدين من هذا الاستعراض الي سويتي حتى يباوعون ع طي… وزنودج لو شنو
نور ..انت الي شتريد مني عوفني بحالي اريد اخلص منك
نمر ..لو تموتين الا اكسف احوالج والله
نور ..كافي اني اكرهك ما اريدك
لزمني بأثنين ايديه وهزني حيل لدرجة وگعت بالگاع مگدرت اسيطر ع روحي حيل تعبت وتأذيت وايدة ثگيلة بالضرب اني بالگاع وطگيت بجي عوفني انت عايش وية مرتك ومرتاح وشالع گلبي
نمر ..گعد بالگاع يمي رفع راسي لج والله ممرتاح لج اني بدونج ميت ولتگولين مرتك هاي مو مرتي
نور ..ابجي… لتكذب شفتهة گاعدة يمك وتحجي وياك وانت تسمعلهة
نمر ..لا والله ما اسمعلهة ومشمئز منهة وهي تتوسل تريدني ارجعهة
أنت تقرأ
تموت البنية بحضن مابي عشگ
Romanceقصة حب تتكلم عن حبيبين يواجهون صعوبة ويعانون الى ان ينلم شملهم قصة مليئة بالاحداث المشوقة
