تموت البنية بحضن مابي عشگ

part 11

نور ..اااااااااخ ااااااااخ ليش هيج اكرهك امووووووت منك ليش هيج سويت بية ليش هيج سممت حياتي ساعة السودة العرفتك وشفتك بيهة

نزعت الگلادة وشمرتهة وضليت ابجي ورة شوية رحت شلتهة وحطيتهة ع گلبي وابجي انت مو تحبني ليش عفتني وحدي اتخبط بالضلام هذا الكون شگد واسع صار بگد زرف الابرة بعيني

انت مو تدري اني بدونك اضيع وما اندل دربي والله تايهة بدونك يعني شلون نايم وبأحضانك وحدة ثانية يعني تبوسهة مثل مجنت تبوسني تلعب بشعرهة تتلمس وجهة تحبك بگدي لو تخاف عليك بگدي

متبارك بزواجك حبيبي اتمنالك السعادة روووح روووح انت طلعت من حياتي مودع بعد حيلي روووح بعد عمري بس رجعلي العافية الماضلت بلياك وهاي الگلادة راح تبقى برگبتي وقريبة ع گلبي مو وفاءاً الك لا وفاءاً لذيج الايام الحلوة الي من راحت اخذت كلشي حلو وياها وبقيت ابجي واون للصبح

نمر ..ما اطيق البيت ولا اطيق اشوف خلقة شهد گمت ابقى بدوامي اروح للبيت بالاسبوع مرة حتى اشوف امي

بالي كله يم حبيبتي كذا مرة رحت للجامعة ماكو وسألت مينا وجراح گالو مداومت اروح لمنطقتهم افتر بس اتمنى اشوفهة ماكو اتصلت ع اختهة زينة متجاوب تعبت اريد بس اشوفهة صار 3 اشهر لشايفهة ولا سامع صوتهة

شهد ..صار شهرين متزوجين وهو بوجهي ميباوع شگد حاولت ويا ولا گلبه يرف شنو من بشر لازم الگالي حل خلي احجي وية ابو وامه دخلت عليهم لگيتهم گاعدين گعدت يمهم

اني حابة احجي وياكم بموضوع

ابو نمر ..تفضلي بنتي

شهد ..يعني انتو دتشوفون وضعيتنة اني ونمر ليحجي وياية ولا ينام بالغرفة واصلا يبقى بدوامه ميجي للبيت

ام نمر .. ييي شفنه هذا الشي بس هاي امور بيناتكم تحلوهة احنة ميصير نتدخل

شهد ..لا اني اريدكم تدخلون لان اني حاولت ويا بس ميفيد

ابو نمر ..ان شاءالله اني احجي ويا ولا يهمج

شهد .. اشكرك عمو شهد

هاي مهمودة الشيب امه طابگة ويا وتدري بي گلبه يم ذيج الساقطة

  نمر ..ابوية اتصل بية يريدني اقوي علاقتي ب شهد بت الكلب حاجية وية ابوية وامي تگللهم هاملني بس اني گتله لابوية هذا الشي بيني وبين شهد و ما اريد احد يتدخل

ابوية گالي براحتك بس والله لو تموت ما اعبرهة هالكذابة هذه

نور ..صار شهر من سمعت بزواج نمر شسوي تعايشت وية حزني بس بداخلي حقدت عليه يمكن هو هذا الشي الي خلاني اصمد اهلي الحمدلله معاملتهم تغيرت وياية للاحسن بس بعدني محبوسة بالبيت

وبقو زينة وزينب ومينا يزنون براسي ع استاذ خطاب واني بصراحة اقتنعت لان اريد ارجع اعيش حياة طبيعية حجيت وية زينة من بابا ردتهة تجي گتلهة من تجين نتفاهم اجتي زينة و تفاهمنة وخابرت مينا وفهمتهة بانه اني موافقة ع استاذ خطاب وطلبت منهة تنطي رقم زينة ويتفاهم وياها