#قدري

البارت الاول

القصه بعنوان #قدري
بقلمي #شمس
البارت الاول…
عن لسان صاحبة القصه…
مرحبا حبايب اليوم حكتبلكم قصتي قدري الي بدأ من ولادتي ..
اسمي .. اسى .. بابا سماني لان جبت المآسي من يوم ولادتي .. اول مجابتني ماما صار عندها نزيف وتوفت .. بابا كان حيل يحبها الماما وتأثر بوفاتها .. وانعزل عن الدنيا لفتره ربتني بيبيتي ام بابا ..
اني بيضه وعيوني عسليه ع امي طالعه بس شعري اسود وطويل حيل ع شعر بابا اسود وسرح ..
من صار عمري ست سنوات .. اتوفت بيبيتي واني حيل تأثرت لان عبالي هي امي .. كانت حنونه عليه وكنت اصيحلها ماما .. .ماحسيت اني يتيمه ام بس حسيت اني يتيمه اب ..
لان خلال هاي الست سنوات كان بابا يجي بالشهر مره
ينطي البيبي مصرف ويروح عبالك اني سبب موت ماما هيج يشوفني يمكن ..
بعد وفاة بيبي اصروا عماتي ومرت عمي حامد هو عمي الكبير والوحيد .. ان يزوجون بابا حتى تجي وحده تربيني لان محد يقبل يتحمل مسؤليتي ..
وبعد الالحاح والاصرار قبل بابا عمودي بس ومرت عمو رشحتله اختها ارمله وعندها بنيه عمرها سنتين ..
وگلوله هي تگدر تربيني وتعوضني عن حنان الام وتراعيني لان بنتها يتيمه هم ..
المهم بابا وافق وتزوجها هيج بس ع الورق عمودي ..
واخذوني وياهم ..
اسم زوجه بابا رحمه بس هي ماعندها اي رحمه ..
بابا بهاي الفتره الي اجت يمه بدأ يتقربلي وحسيته گام يحبني ..
بس رحمه .. دايما تضربني ودخلت للمدرسه ومتعتني بيه ولا تدرسني اني كنت ادرس وحدي ..
وماتغسل ملابسي وسخات اروح بيهن حتى الطالبات يضحكون عليه رغم ماكنت حيل حلوه بس وسخه ..
وگمت اعتمد ع نفسي اجي من المدرسه اغسل ملابسي واحضر كتبي واقرأ ..
بابا دايما بالمحل لليل يجي .. حتى غداه هناك .
هي تتغدا وي بنتها وتاخذها وتنام واني اصب وحدي واكل واغسل المواعين واروح الغرفتي ..
يعني اعتمدت ع نفسي واني بالاول ابتدائي ..
والعصر تجي مرت عمو حامد .. توزها عليه وطلعت هي الي مخليتها تكرهني هي من زمان ماتحبني لان بيبي كانت فضلتني ع اولادها .. وكتبتلي مزرعه بإسمي لهذا حاقده عليه ..
مرت الايام والسنين وكبرت وصار عمري 15 سنه وبنت رحمه 11سنه ..
بدت الخطابه تجيني ورحمه تغار وترفض من الباب حتى ماتگول البابا واني هم افرح لان ترفضهم رغم معاناتي عندها وتعذبني بس المهم اكمل دراستي كنت حيل شاطره ومعدلاتي عاليه وكان طموحي طب وامنيتي ..

بابا علاقتي بي تحسنت وكولشي يصير وياي اسولفله بس مااسولفله ع رحمه لان هو يجي تعبان خطيه مااريد ازيد همه .. وهي هم من يجي بابا تنگلب ملاك الرحمه
اني هم مااهتم المهم دراستي والباقي سهل حتى اذا اتعب بالبيت واشتغل ومرات تساعدني نور بنت رحمه هي حبابه مو مثل امها ..
ومرات امها متخليها تگولها لتسوين شي المهم دراستج هي كانت مو كلش شاطره بس اني هم وقت فراغي ادرسها ..#شمس

صار عمري 18 وملامح جسمي وانوثتي تبرز وكل الي يشوفني يتمناني بس اني مو ببالي اي شي ..
لان تعرفون سادس ولازم احدد مصيري .. كان اكو معهد مال دورات اروح اخذ بي دروس العصر .. واني دا اعبر اجت سياره عليه شويه وتدعمني .. اني وگعت من الهبطه .. وفتحت عيني لگيت الناس ملتمه وولد حلو وشخصيه بس هو كبير بالعمر ولابس خليجي يذب ع وجهي مي ..
اني صحيت بسرعه .
عادل .. اكو شي يأذيج .. شنو تحسين ..
اني گمت بسرعه وگوتله كولشي مابيه واطفر…
رجعت للبيت طايره حتى للمعهد مارحت ..#شمس

عادل .. اني شيخ عشيره عمري 40 سنه متزوج بنت عمي صار عشر سنوات وميصير عندها اطفال واني لان بنت عمي واحبها مااردت اكسر بخاطرها .. بس الوالده بعد وفاة والدي بقت تلح عليه وتگلي صرت شيخ ولازم تتزوج واشوف ذريتك مايصير تگطع نسلك هيج .. عندي اخو اسمه امير اصغر مني .. بس هذا عايش بره يدرس .. وماعنده نيه يرجع ..
المهم .. واني رايح لاجتماع ومستعجل اجت بنيه ووگعت گبال سيارتي ماشفتها من رحت اصحيها شفتها سبحان الخالق وجهها طفولي بس جسمها تگول جسم مره كوله انوثه وطويله هي وتارسه بس رشيقه .. ذبيت عليها مي فتحت عيونها شهل يسودنن .. اني مااعرف شأحجي كولتلها بيج شي اكو شي يأذيج هي گالت لا .. وشردت اني بقت ببالي ركبت سيارتي ولحگتها ..
بعد شارعين عن بيتنا ..

اسى .. رجعت للبيت گلبي يدك وخايفه تلگتني رحمه .. شبيج ولج ليش رجعتي بسرعه وين جنتي وتحقيق ..
اني مجاوبتها .. #شمس
بس هي راحت الابوي وگالتله اجت اسى وجهه اصفر عبالك واحد يركض وراهه .. ماادري مهزومه من شي

اجه بابا يحقق وياي وبدا يشك ..
اسى .. بابا اني متعوده احجيلك كولشي صدگني ماكو شي اكو سياره رادت تدعمني ووگعت وملابسي توسخت واستحيت اروح للمعهد .  فرجعت للبيت ماكو شي اطمأن عادين بابا عافني ومحجه شي ..
بقيت كلما اروح اشوف هذا الخليجي بسيارته يراقبني ..
اسى .. ياربي هذا منين طلعلي شيريد مني . صراحه گمت اخاف منه ..
عادل .. من شفت البنيه لليوم ماادري شصار بيه نسيت اني شيخ وعمري كبير ورجعت مراهق وبقيت اراقبها من تروح للمدرسه وترجع او من تروح للمدرسه بنيه رزنه وعاقله وطريقها واحد حتى صديقات ماعندها تروح بطريقها وترجع كولش عجبتني .. ودخلت عقلي ..#شمس

اسى .. بقيت ع هاي الحاله هوايه كل يوم اشوفه وكل يوم يزيد خوفه يعني هو كبير بالعمر ويمكن عنده اولاد بگدي شيريد مني ..
ومره رجعت من المعهد العصر .. واشوف سياره اعترضت طريقي قريب بيتنا…
#شمس
يتبع ..  😍