#قدري

البارت الثاني عشر والاخييير

البارت الثاني عشر والاخيرررر
#قدري
بقلمي #شمس
اجيت من الدوام تعبانه وصعدت الغرفتي ولگيت امير نايم وبصفه عادل ومنى گاعده تبوس بس وهو دار وجهه وهو مغمض وحضنهه .. اني تخبلت دمي نشف ..
عيطت بصوت عالي .. امير هو طفر وجهه اصفر ويباوع المنى ويباوعلي ..
اني جريت ابني وطلعت حتى من غير مااخذ شي وياي .  امير طلع ورايه يركض ويگلي انتضري انتي فاهمه غلط اني ماسمعته بس المنضر گبالي ودموعي تجري .. هو باقي بالفانيلا حس ع روحه رجع للبيت يلبس شي اني صعدت تكسي ومشيت ..#شمس

دخلت الاهلي ابجي وبابا يريد يفهم كولشي ماسولفتلهم وره شويه اجه امير قفلت الباب وماطلعتله وهو يتوسل ويريد يحجي واني مااطلعله تالي .. من ورى الباب مال غرفه يحجي ..
والله انتي فاهمه غلط اني اخونج مستحيل .. عبالي انتي اجيتي وحضنتيني واني نايم حضنتها واني مغمض عبالي انتي .. والله ماادري ويتوسل ..
اني گتله روح امير منا خليني ارتاح عند اهلي ياما حذرتك وماقنعت .. وهاي النتيجه احسب حسابك ماارجع الا بشروطي .
طلع امير واني بقيت ابجي ومتندمه لان عفته يطلع ادري بي ميسويها بس ردت اخلي حد للي ديصير بعد مااتحمل الغيره موتتني ..
اتصلت عمتي تتوسل ارجع وخطيه هي تعبانه حالتها تتدهور .. وگلتلها عمه خليني كم يوم ارتاح وارجع .
بس هي من غلقت الموبايل مني رايحه متعاركه وي جنان ومتخربطه ..

لليل اتصل امير .. مارديت بقى يلح تالي دزلي رساله
اسى اني محتاجج حيل مابقالي احد بس انتي ..

قلقت من الرساله اتصلت عليه لگيته يبجي وينحب ويگولي امي راحت . اسى لتعوفيني محتاجج
اني طگيت من البجي وجهزت عدولي وگلت البابا ورحمه هم راحت ويانا وصلت لگيته راجع للبيت ياخذ جنسيتها العمتي حضنته وحضني وبقينا نبجي كنت احبها هوايه بقى حاضني ويبجي والبيت مليان نسوان كولهه تباوعلنا .. اجت جنان تعيط مسويه نفسها حنينه وتهجمت عليه تگولي كوله من وراج راحت عمتي ..
امير لوه ايديها وگللها . اذا تهجمتي المره الثانيه ع مرتي ميصير خير واذا اكو واحد سبب وفاه امي هو انتي وطلع ..
هي بقت تتصفن .. واني اجه دوري اثبت نفسي مرت شيخ صرت المعزبه والوگافه وي النسوان ومسمايه مرت شيخ امير ولازم ارفع راسه .. وبالفعل الناس كولهه طلعت من الفاتحه تسولف بيه حتى امير متعجب بيه يگولي الناس كولهه تحمد بيج وتگول صدگ مرت شيخ رفعتي راسي ..
گتله امير اني انتضرت تخلص الفاتحه واحجي وياك ..#شمس
امير.. اسى كولشي اطلبي بس لتعوفيني…
حضنته .. امير اعرف انت متسويها بس اني بعد مااگدر ابقى اكثر بهذا البيت ..
امير .. يعني حتعوفيني ..
اسى .. لا بس عندي الك اقتراح .
امير . وهو
اسى .. بيبي الله يرحمها كتبت بأسمي مزرعه كولش كبيره وبوسط المدينه ..
نگدر نبني بيها بيت وبصفه ديوان الك وننتقل هناك شتگول ..
امير .. بس هذا بيت الوالد
اسى .. هو راح يبقى مثل ماهو .. تعرف جنان ماتطلع منه واني مااگدر اعيش بي .. گول الاختك الي ماخذ اخو جنان يجون يگعدون وياهه ..
واحنا ننتقل هناك هم تبني ديوان اكبر من الي هنا والمزرعه قريبه مو بعيده وتسمى مزرعه الشيخ امير ..
امير .. ههههه والشيخه اسى
اني ..😂😂
امير .. نطيني فتره افكر ونروح نشوفها ونقرر بس دوامج شلون والبيت ..
اسى .. عادي اگدر أاجل السنه الى ان نرتب وضعنا ..#شمس
راحنا اني وامير وشفناهه وعجبته حيل الخضار والطبيعه وقريبه حيل يعني حتى هو تعجب بيها واختارينا اني وياه التصاميم بنينا بيت كبير بوسط المزرعه وديوان كبير واثثناه ووضف فلاح للمزرعه وزرع ورد بالقدمه ورتبها وبنينا گراج ببدايه المزرعه صارت فد شي كل الي يشوفها ينبهر . وذاع صيت مزرعه الششيخ امير وحتى صارت الشيوخ تجي تتونس يمه مو شرط اكو مشكله او شي .. وكبر حبيبي واني صار عندي اثنين ولد توأم بعد عادل وسميناهم حسن وحسين ..
وعشت احلى حياة وكلهه حاسدتني ع امير واخذت طبعه وحتى مرات يستشيرني بشغله واني كملت دراستي بس بعد كم سنه .  وصرت اسعد انسانه بفضل الله وامير ..

العبره حبيباتي .. صحيح القدر ياخذنا الزوايه مضلمه بس لازم يجي يوم ويتغير قدرنا المهم مانيأس .. وان الله قادر على ان يغير حياتنا من حال الى حال .
اتمنى عجبتكم قصتي واستفاديتوا منها .. ارآكم حبايب
الكاتبه #شمس ❤