#قدري

البارت الثامن

البارت الثامن...
#قدري
بقلمي #شمس
وصار يوم الجمعه .. وجهزت نفسي ولو اني لابسه اسود بس لبست قميص طويل اسود وبنطرون وشال من توفى عادل مالبست البنطرون هاي اول مره ..
بالعشره اجه امير ورحمه توز بأبويه وتگوله شتگول علينا الناس وسمعتنا ورجلها متوفي بس هو مينطيها مجال تحجي گللها عيالهه والهم حق عليها تروحلهم وتزور عمتها مهما يكون ذولي اهل ابنها ..
اول مره اشوف بابا هيج يحجي .. فرحت
طلعت وي امير صعدت بالوره مگعدت يمه عيب ..
سلمت عليه .. التفت عليه وعليكم السلام شلونج اسى ووجهه مبتسم .. ليش مگعدتي هنا
اسى .. لا خليني هيج مرتاحه
امير .. براحتج
بقى الطريق كوله يباوعلي من المرايه واني اسوي نفسي مامهتمه ..
حيل يخجلني بنضراته .. بس من ناحيه دا احس شي اتجاهه وخايفه ..
وصلنا وتلگتنا عمتي وهناك جنان واختها هم .. دايما عندهم من قبل رادتها الامير .. وتگول العادل خلي يتزوجها امير وياخذها وياه بره ..
واجه امير ولگتها فرصه تقربهم البعض .. من دخلت بقت جنان تأفأف .. شوف شلابسه بطنها الخشمها ولابسه بنطرون صدوگ لو گالو الي استحوا ماتو ..
دخل امير بعدي .. گاللهه جنان مااريد حجي زايد ..
هي عاطت ..هاي شنو حتى انت طبگت وياهه قشمرت عادل وخلته يتروجها وتتمسكن العمتي وتصدگ بيها ..
امير عافها وطلع وگاللهه اني حطلع عندي شغل والبنيه جايه كم ساعه ورايحه لاتضغطين عليها انتي اخيتي وامون عليج ..#شمس
وهي اجت بعد مطلع امير .. گعدت مقابيلي ..
جنان .. اي اسى شگلتلج الدكتوره ولد بنيه ..
تباوعت العمتي .. جاوبتها .. ان شاء الله حيجي ابن عادل ويشيل اسمه ..
جنان انخطف لونها .. وحتى ماباركتلي ..
گالت اي اذا جبتي وانتي بعدج صغيره وعندج نيه تتزوجين اني اربي ابن عادل لان احسبي احسابج مايربى بعيد عن هذا البيت .
اسى .. اني خفت من حجت هيج وتريد تاخذ ابني مني دور حطت عينها ع ابني مستحيل اعوفه هو ببطني واني افكر بي صحيح بالبدايه ماردته بس هسا الوضع اختلف بعد ماتحرك ببطني ..
جاوبتها عمتي .. ان شاء الله مايربى بعيد عنا ولا عن امه اسى بس تولد ترجعلنا ان شاء الله
جنان ضاجت حيل من كلامهه وگالتلهه عمه حرام عليكم تجبروها تبقى هي صغيره بعدها خلوها تشوف حياتها ..#شمس

تحاول بكل الطرق تبعدني وتاخذ ابني مني اتجرأت وسكتتها ..
اني .. لتخافين عيني جنان مستحيل اعوف ابني وحتى اذا بنفسي اتزوج او اجت القسمه مااروح بعيد عن هذا البيت ابني يربى بين اهله ..
هي واختها تخبلو من حجيت هيج وعرفوا اقصد امير ..
بس عمتي فرحت حيل ..
سوو الغدا واجه امير .. خلصنا غدا گلي اسى عندي شغله وياج .. #شمس
طبعا اخت جنان كل ساعه وجايه گاعده يم امير تريد تجذب نضره ..
شويه وطلع امير ورقه گلي قدمتلج تمتحنين خارجي هاي السنه سادس وادري بيج طموحج تكملين ومدام ماعندج شي اتلهي بالدراسه الى ان تولدين ..
اني فرحت حيل وتشكرته طباع امير كولهه تختلف عن عادل الله يرحمه .
بدأت مشاعري تتغير حول امير . بس مابينت الاحد اخاف يفهموني غلط واكيد الكل ينتقدوني واولهم جنان اجت ورايه للمطبخ وتگلي اكيد عادل دا يتعذب من وراج لان يشوف زوجته تتحارش بأخوه ..
اني عصببت صدوگ وگلتلها .. ليش يتعذب هو اصلا ماكان يحبني تزوجني عمود الطفل .. واني حلمت بيه فرحان ويتلمس ببطني يعني الي يهمه الطفل مو اني ..#شمس
واذا ع امير فمثل ما يعتني بيج يسوي نفس الشي وياي لان مسؤولين من عنده فلا تحرفين الامور مو اني الي اتحرش شوفي منو الي لازگه بي وتتحرش قصدت اختها
جنان .. هههههه وانتي ليش ضايجه هاي وصيه عادل انه امير يتزوج منى ..
اسى .. قصدج وصيتج لان دايما اسمعج شلون تزنين ع راس عادل حتى امير يخطب اختج ..
#شمس
بعدين انتبهت ع حالي اني انفعلت واغار ع امير بسرعه غيرت الموضوع وگولتلها بالعافيه عليهم يوم نفرح بيهم وعفتها وطلعت ..
اترخصت من عمتي وگولتلها اريد اروح لان اذا بقيت اكثر اختنگ ..
جهزت نفسي ورجعني امير واني الطريق كوله ساكته ..#شمس
امير .. شنو زعلانه مني لو اكو شي مضوجج
اسى .. لا بالعكس بس اتضايقت
امير .. اعتقد اعرف الي مضايقج . سمعت حجيكم انتي وجنان ..
اني بسرعه رفعت راسي عليه باستغراب وهو يتباوع بالمرايه ..#شمس
امير .. مااقصدي اسمعكم كنت مار وشفتج منفعله خفت جنان تسويلج شي .. بس من سمعت الكلام الي بينكم ارتاحيت…
ويباوعلي ويبتسم
اني خجلت وغيرت الحديث ..
اني اشكرك مره لخ لان حكمل .. ماانسى وگفتك وياي ..
امير .. لا شكر على واجب بأي وقت تحتاجين مساعده اني حاظر ..
وصلنا ونزلت بسرعه بس اريد اخلص من نضراته ..
#شمس
يتبع…