#قدري

البارت الرابع

البارت الرابع ..
#قدري
بقلمي #شمس
اجوا اهل العريس كم سياره مو هوايه . عبالك فصليه ماخذيها مو بنيه ومن حقي افرح بزواجي حتى موسيقى ماكو كوله بسكته ..
هو يسوق واني گاعده بالمقدمه يمه . حتى ماكلف نفسه وباوعلي ..
رحنا للفندق مو للبيت لان مايگدر هناك زوجته .. دخلنا رفع البرگع شافني گال سبحان الخالقج ومتفنن بخلقتج هيج .. اني ابتسمت مجامله لازم اسايره واحاول احبه يعني حيصير زوجي لامفر بعد من قدري ..

عادل .. اني من اول يوم شفتج گلت متصرين الغيري وفعلا هسا انتي يمي وبحضني .. وبدا يتقرب واني ارجع لورى حتى ماانتضر انزع ملابس او اسبح هجم عليه من غير اي مقدمات كأنه مشايف ولا عبالك شيخ وكبير والمفروض يكون واعي ..
بس هو حتى مااهتم اذا تأذيت او لا . واني دموعي تجري ماحس بيه خلص شغلته .. ودخل سبح من طلع گلي اني حطلب عشا على ما تسبحين وتطلعين ..#شمس

اخذت ملابسي ودخلت ترست البانيو مي وگعدت بي وعفت المي مفتوح حتى مايسمع صوتي .. وبقيت ابجي حتى مشاعر ماعنده شلون حعيش وياه ربي صبرني ماعندي غيرك .
#شمس
سبحت وطلعت لگيته يحجي وي زوجته ويواسي بيها ويتغزل ..
لعد ليش وياي مايحجي هيج وياها انسان ثاني .. اذا يحبها هيج ليش يتزوج ..
كرهت نفسي وكرهت جمالي الي خلاه ياخذني عموده وعرفت انه اسمي ملائم ع حظي السئ .. شافني طلعت غلق الموبايل .. وگلي تعالي اكلي العشا حيبرد
گعدنا ناكل .. وسألته ..
عادل انت ليش تزوجتني .#شمس
عادل .. امممم لان حلوه ولان…  وسكت
اسى .. اني اكمل وعمود الطفل يعني ماحبيتني
عادل .. يوووه اسى ليش تنكدين عليه بهيج ليله سدي الموضوع وجائز مع الزمن تتعودين عليه وع طبعي 
اسى .. مالهه علاقه بالطبع الواضح انك متحب غير زوجتك واني مجرد ام الاولادك تريدني ..

من حجيت هيج احس عادل گام وجرني من ايدي ..
اسمعي جنان خط احمر مااريدج تتقربين الها وتسمعيها حجي .. اني لو ما الطفل مستحيل ابدلها ..

عافني وراح نام .. بقيت صافنه ع الوضع والقدر الاغبر الي خلاني هيج ..
ابجي الطم وشيفيد بعد .. هذي قسمتي ولازم ارضى بيها ..
نمت وگعدت الصبح لگيته طالب ريوگ گوتله صباح الخير ..
عادل صباح النور يالله كملي حتى نطلع لان الناس منتضرتني واني عازم شيوخ ..
هزيت براسي وگوتله حاضر ردت اروح اغسل وجهي جراني گلي اعتذر اذا البارحه ضوجتج. بكلامي وباسني ودور مااتحمل وهجم عليه كالعاده ..
واني استسلمت لان هو ماخذني الهذا الشي ولازم اتحمل .. خلصنا وسبحنا وبدلت وطلعنا للبيت ..#شمس
وصلنا لگينا الناس هوايه بالشارع فدخلني من الباب الخلفيه للبيت حتى محد يشوفني ..
دخلنا البيت كبير حيل عبالك ڤلا .. لكيت هوايه نسوان گاعدات تلكونا وكولها تصلي ع النبي ومنبهره بيه ..
بس ماكو احد يحجي لان يخافون ع مشاعر جنان هي بنت عمهم ومنهم وبيهم ..
الي قهرني او مادخلنا صاح جنان وصعدوا اخذولهم نص ساعه ونزلوا هو مبدل ويضحكون سويه ..
صحيح هي زوجته بس اني عروس هم بنفسي افرح. .
نزلت تباوعلي بحقد .. #شمس
واجت يمي وهمستلي لتفرحين بي هوايه يبقى الي ومحد ياخذه مني ..
متت قهر .. گولتلها بالعافيه عليج لتخافين يبقى الج ..بذيج اللحضه صدوگ ماحسيته الي وحلفت مايدخل گلبي ويبقى بس اسمه زوجي ..
خلص اليوم وصعدت غرفتي وشويه واجت امه گالتلي. هايمه كملتوا شغلتكم ..
اسى .. اي خاله بخجل ..
ام عادل .. الحمد لله ان شاء الله من هاي وتشيل بطنج الطفل الي اتمناه ..
طلعت من الغرفه واجه عادل سمعتها تحجي وياه يمه ماتعوفها الا تحمل منك كل ليله يمها ..
عادل .. صار يمه ..
حسيت نفسي بضاعه عندهم لو جايبيني عمود مصلحتهم ..#شمس
اجه عادل ولگاني لابسه ثوب نوم قصير احمر واني بيضه حيل مااتحمل اجه وهجم عليه كالعاده مشايف عبالك واحد جوعان صارله اسبوع مماكل ونطوه اكل هيج هو .. يعني يشبع رغباته يمي وگلبه يم زوجته ..
يخلص يسبح وبنص الليل اگعد الكيه مو يمي رايح يمها ..ماحسيت نفسي متزوجه ..
بقيت ع هاي الحاله كل يوم .. ومن انزل جوه تتلگاني جنان هي مبينه طيبه بس الغيره تعمي العيون يعني دايما تشوفني عدوتها مو مثلها مكسوره ويتيمه.. امه هم ساعه زينه وياي وساعه لا اذا شافت جنان تگلب عليه مره من المرات بالليل .. نايمين اني وعادل وسمعت همس لگيت جنان داخله للغرفه وتبوس بي وتگوله اشتاقيتلك گوم وياي ..
وهو گام وياها ولا عبالك اني زوجته ونايمه يمه ..
اني ماحسستهم وبقيت ع وضعي نايمه ودموعي ع المخده ودعيت ربي يخلصني من هذا الضيم ومااريد منه طفل يربطني .. بلكي اذا ماجبت الطفل يطلگني وارتاح ..
مر شهرين ع زواجنا وهو نفس الوضع .. جنان مسيطره بشكل .. لان هي بنت عمه وزوجته عن حب ..
كم مره گوتله طلگني يگلي مااگدر اعوفج مستحيل شي يجذبني الج واني اعرفه ميحبني بس جمالي ولبسي يخليه ينجذب الي لان اني البس واعدل حتى يتباوعلي وصدگ يتخبل من يشوفني گباله وياخذني ويصعد بس جنان متخليه يطول ساعه يمي وتاخذه حتى مليت. وبعد مااهتم ..#شمس
وبيوم گاعده بغرفتي .. وسمعت عياط وصراخ .. نزلت مرعوبه ..
شفت الكل تبجي وجنان مشلعه شعرها وتعيط هي شافتني ..
گلتلي فكووور صدگ من گالت مرت ابوج عليح انتي دخلتي بيتنا وقلبتي حياتنا .. وهجمت عليه ولزمنها نسوان وامه وگعت والدنيا مخبوصه ..
ومااعرف شنو صاير ..
#شمس
يتبع…