#قدري

البارت الثالث

البارت الثالث
#قدري
بقلمي #شمس
اني دخلت صحت رحمه واجيت فتحت الاستقبال الهم ودخلتهن ..
اجت رحمه وبقت ترحب وتتملق عبالك مشايفه نسوان .. وگلتلي اسوي عصير وكيك كنت مسويه ..
سويتتهم وجبتهم وسمعت سوالفهن المره الكبيره جايه تسولف وتگول احنا جاين نخطب اسى الابنه الكبير .  اني ارتبكت ورادت توگع الصينيه مني .. گالتلها رحمه هاي هي اسى ..
المره جرتني وگعدتني يمها ..
سبحان الخالق ماشاء الله.. مايلام شيخ عادل من انعجب بيج .. #شمس
اتباوعت شفت البنيه المتوسطه بالعمر تخزر بيه .. وعرفتني ع نفسها ..
اني جنان مرت عادل ..
اني سودت الدنيا بعيني .. هو نفسه عادل هذا الي يلبس خليجي ومتزوج فوگاهه .. ياربي مااخلص منه ..
رحمه .. ام عادل احنا نعرفكم كولش زين وناس متتعيبون بس هو متزوج ومرته ماشاء الله هم ماعايزها شي ليش يريد يتزوج ..
ضاجت البنيه وام عادل ..
ام عادل .. الله محلل اربعه ومرته قابله وهو شيخ ومايتعيب ..
اسى .. بس هو اكبر مني . #شمس
ضربتني رحمه ع ايدي وگالت ان شاء الله يجي ابوهه واحاجيه وارجعلكم خبر ..
طلعن النسوان واني بعد مااشوف بعيني .. وگلت الرحمه ليش نطيتيهم امل ليش مارفضتي ..
رحمه .. ليش ترفضين وين تلگين هيج قسمه ..
بقيت الطم ع وجهي .. ياقسمه متگوليلي هو كبير ومتزوج واني طفله واريد اكمل منو گللكم اريد اتزوج ..#شمس
رحمه .. شنو تكملين غير ابوج بطلج بعد شلج بگعدت البيت ..
اسى ..  لو بنتج تقبلين تتزوج اكبر منها .. حرام عليج ..عافتني ومشت وخلت دموعي تنزف ليش هيج ياربي ..#شمس
اجت نور يمي تواسيني .. واني ابجي وشويه وسمعت بابا اجه .. اتعجبت اجه من وقت ..  تالي رحمه متصله عليه ومسولفتله ..
شويه وصاحلي ..
تعالي بابا اسى اگعدي گبالي ..
بابا اني اريد مصلحتج والناس خوش ناس ورحمه من الله واكيد راح تعيشين بسعاده ..
اني قاطعته .. بابا بس هو كبير كولش ومتزوج ليش تريد تذبني هيج
بابا .. منو گلج اني اذبج بالعكس ماتجيج هيج قسمه وهيج نسب ..
اسى .. بابا عفيه اني اريد اكمل مااريد اتزوج لاتسوي هيج وياي ماعندي غيرك .
بابا .. گام يعيط اني مو گتلج انسي سالفه الدراسه وثاني شي مو هو نفسه الي نزلتي من سيارته بعد ليش ماترديه ..
تباوعت الرحمه لان اكيد هي الي مخليه هاي الفكره براسه ..
وگلتلها حسبي الله ونعم الوكيل خطيتي برگبتج ..
هي تخبلت .. وگالت شفت بنتك شلون تتحسب عليه هاي گدامك هيج تسوي لو شايف وراك شتسوي ..
گام بابا يعيط وگال ولا صوت ادخلي الغرفتج وانتي رحمه نطيهم خبر موافقين هي مو بكيفها ..#شمس
دخلت للغرفه وعبالك سكاكين بگلبي .. مااتحملت وبقيت اعيط ..
ردت رحمه الخبر الهم واجو ثاني يوم .. جابو الذهب وفلوس للملابس .. واني ضايجه ولا عبالك زواجي لان ماتمنيت اتزوج هيج كانت اكو مواصفات للشخص الي ببالي وكنت اريده عازب وماممتزوج .. بس بعد ميفيد الندم ..
حددوا يوم للخطوبه ونگطع مهر .. وطلعنا نشتري ملابس وكوله اختارته رحمه لان مالي خلگ صرت مجرد صنم وهم الي يقررون عني ويشتروني .. واشترتلي فستان وردي حلو للخطوبه ..
وعبالك حاسدتني .. تمشي وتحجي اي لو هيج القسمه لو ماكو حتى تدعيلي مو تدعين عليه شوفي الفلوس كلما نشتري ميخلصن ..
هه عبالهه الزواج بالفلوس .. #شمس
وصارت يوم الخطبه ولبست الفستان وشلت شعري نص والباقي برمته طلع كولش حلو وبنات عمو خلولي مكياج لان مقبلت اروح للصالون بس طلعت حلوه .. واجه السيد عقد النا ومن دخلت تعجبوا الكل بيه هو ماعازم هوايه قليلين الي جايين منهم لان يخاف ع مشاعر زوجته حتى زوجته مجايه الله يساعدها اكيد گلبها يتگطع لان عرفت هي مراضيه بس مجبوره لان ميصير عندها طفل ..
هو اتباوعله فرحان والضحكه مفارقت وجهه بس اتباوع مو هو الي ببالي .. كبير صحيح شخصيه وحلو بس مو الي لبسني الذهب وباسني بگصتي حسيت جسمي اقشعر وهو بقى يسولف بس اني ساكته محجيت ورحمه تخوزر بيه .. ومااعرف شنو تسولف وي ام عادل حسيتها حجتلها قصه حياتي .. الله اليستر منها ..
خلصت الحفله وحددو الاسبوع الجاي الزواج لان ماعندهم شي ومكملين .. اني مقبلت لان مااعرفه وردت فتره اتعرف عليه بس كالعاده محد سمع كلامي وبقيت اجهز ملابسي واكمل الاشياء الناقصه كتبتهم بورقه واشترتهم رحمه وباقي الفلوس خلتهم بجيبها وگلتلي خلصن اني مااهتميت لان ماببالي اي شي بس شلون راح ادخل البيت غريب ومااعرفهم وافكر شلون راح اتزوج واني وزوجته بنفس البيت وشلون راح اتحمل نضراتها..

صار يوم الزواج وجابولي بدله كولش حلوه طلعت عبالك اميره بيها شعري بقى اسود ماصبغته لان عادل مايقبل يحبه اسود وهو سرح وطويل ..
الضاهر حب جمالي وشكلي ماحبني الي لان حتى اتصال متصل خلال اسبوع الخطوبه واستعجل بالزواج ..

اجه بابا باسني بگصتي وگلي ارفعي راسي .. عبالي يتأثر ع فراقي . بس نور الوحيده الي تأثرت وحضنتني وتبجي .. اما الباقين عبالك هم وخلصوا منه ..#شمس
يتبع…