البارت العاشر ..
#قدري
بقلمي #شمس
وطلعت قبولاتي وانقبلت صيدله وضجت حيل لان كنت احلم بالطب ..
وگمت الوم بأمير وگوتله انت ملأت الاستماره خطأ.. وهو يواسيني ويگولي الصيدله هم ماقاصره والله كاتبلج ولتضوجين ..
وقررت ارجع الاهلي .. وعمتي ماقبلت گالت تعودنا ع عادل ومااريده يفارگني وشگد حاولت اقنعها ماكو ..
امير .. من شفت امي تبجي ع عادل واسى تريد ترجع تخاف من حجي جنان والناس .
واني هم تعودت عليهم وقررت هالمره اني لازم اخطوا خطوه اتجاهها ..
دخلت الغرفتها لكيتها دا تلم بغراضها هي وعادل .. #شمس
سألتها .. عادل عند امي
اسى .. بلي
امير .. جريتها من ايدها وگعدتها يمي ع السرير گولتلها اسى مو كافي نطيتج وقت هواي تفكرين . انتضرت ولادتج وهسا عمر عادل شهرين وانتي نجحتي بعد مااتحمل فراقكم تعودت عليكم مابقى شي السنويه عادل اخوي شهر بس ..
اسى .. امير انت متتعيب ووگفت وياي بأصعب ايامي ومااجازيك بس…
امير من گالت بس .. قاطعتها خفت من الرد
اسى .. انتي شتحسين من ناحيتي ..
اسى .. بخجل باوعتله عيوني تگولك مو اني .. شتشوف بعيوني
امير .. بقيت اتباوع لعيونها واتقرب وهمست بأذنها يعني موافقه . هزت راسهه بخجل دنگت ع رگبتها اشم بيها ودي احضنها .. تالي دخلت جنان #شمس
ومااسولفلكم شسوت انتو توقعوا هههههه
گامت تعيط .. هلا هلا عادل نايم بگبره وهي تتغزل بس العتب مو عليج ع اخوه الي ماصان عرضه .
اني گمت عطت بيها اششش ولا كلمه انتي اكبر مني ومااريد اتجاوز عليج .. اني خطبت اسى وحتصير زوجتي بعد سنويه عادل . افتهمتي بلا حجي زايد ..
جنان صفنت .. وگالت شنو انتو بكيفكم واختي تضحك عليها ..
امير .. اني ماوعدت اختج بشي انتو من وحدكم خططتوا .. اني گلبي اختار اسى ومستحيل يختار غيرها واني اليوم حنطي خبر العمامي .
وانتي اسى . حظري نفسج اوديج الاهلج واخطبج رسمي حتى من ترجعين للبيت ترجعين زوجتي ..#شمس
اني طرت من الفرح بداخلي بس مابينت ..
عمتي .. گالت واخيرا عادل مايفارگني بعد هسا ارتاحيت الله ينطيج يمه ع گد مافرحتيني ..
طلعت عمتي ورجعت جنان ..
شگد حربايه انتي لفتي ع عادل وتزوجتي وهسا ع امير لان صار شيخ بس لاعبالج امير يحبج امير اختارج عمود ابن اخوه ..
والا اخليه يتزوج منى ويجيبها ضره عليج حتى تشوفين اللوعه شلون ..
اني مااهتميت الحجيها وكملت واخذنا امير وعمتي الاهلي .. وفاتحوا بابا بالموضوع وبابا مامانع وگالهم اذا اسى موافقه ماعندي مانع لان جبرتها مره وماارتاحت مااريد اجبرها مره لخ وهسا هي كبرت وصارت ام وتگدر تقرر ..
اني نطيتهم الموافقه وگلت البابا اني عمود ابني مااريده يربى يتيم . بس الحقيقه غير وافقت لان احبه الامير وصار كولشي بحياتي هو وعادل .. #شمس
بعد شهر صارت السنويه مال عادل بس اني مارحت لان اعرف جنان حتفضحني هناك والناس ماترحم وماردت اغث روحي ..
باليل اتصل امير .. الو شلونج حبيبي مشتاقلج
اسى . هههه واني هم
امير.. شنو اني هم گوليها بداعتي
اسى .. شأكول 😂
امير .. گولي احبك گولي اشتاقلك اريد اسمع گلبج شيگول
اسى. طبعا احبك امير انت اول حب حسيت بي لان بحياتي ماحسيت احد حبني وخاف عليه مثلك انت تستاهل حبي وعشقي وكولشي بحياتي ..
امير ..اويلي يابه كملي لاتسكتين
اسى.. بالبدايه اندب حظي الي عرفني بعادل واتزوجته بس بعدين عرفت ليش القدر اختارلي عادل حتى بالاخير الگاك وارتاح من كل العذاب الي شفته ..#شمس
امير .. ياعمري والله لأخليج اسعد انسانه انتي خليتيني اب قبل مااتزوج نطيتيني عدولي الي احسه ابني مو ابن اخوي ..
بس ها اكلج اني اريد دسته مو بس عادل بس طبعا يبقى عادل المفضل هههه
اسى. هههههه الله كريم
امير . حبي شنو رائج نعقد الجمعه الجايه مابقى شي الدوامج ولازم نتزوج قبل الدوامات
اسى .. اشو مستعجل
امير .. طبعا مستعجل عمري صار 31 كبرت ولگيتج بعد شمنتضر
اسى.. هههه العمر كوله حبيبي
امير .. اويلي يابه اكلج غيرت رأي عگب باجر نعقد
اسى. لا خليها ع الجمعه ماالحك اسوي شي.
امير .. اوك حبيبي #شمس
اسى .. وصار الجمعه لبست فستان بسيط وتسريحه بسيطه وعقدنا من شافني امير ماصدگ ماخله مكان مابوسني بي احنا ماعازمين ناس هوايه بس امه واخواته وهو اخواته ماحبني مااعرف ليش لبسني الذهب وتونسنا عبالك اول مره انخطب وحتزوج ..ابد ماحسيت بهيج مشاعر وي عادل ..
#شمس
يتبع…
أنت تقرأ
#قدري
Romanceقدري اشبه بحظي السيئ تماما .. كلما حاولت الهروب منه بدأ بملاحقتي .. فياليت يوما يتغير حظي ليتغير قدري ..
