#قدري

البارت الثاني

البارت الثاني ..
#قدري
بقلمي #شمس
وجهي گام يخبط الوان .. هذا نفسه الولد الي راد يدعمني ..
گال مرحبا اني عادل ..ممكن اتعرف لان نيتي صادقه ..
اسى .. ماعرف منين اجتني القوه ورزلته انت شرايد مني وليش تريد تتعرف عليه ..
عفته ومشيت وجان الگي گبالي رحمه .. بقت تخزر بيه واول موصلت يمها ضربتني راشدي وجرتني ..
ادخلي لج احنا موديج للمدرسه تدرسين لو تتمعشقين وتفترين وي الولد بالسياره ..
گلتلها .. والله مااعرفه هو اعترض طريقي .. مسمعتني وبقت مصره انه اني نزلت من سيارته ..#شمس
بقيت ابجي بالغرفه واباوع بصوره ماما وبيبي وقررت اسولف كولشي البابا ع رحمه مااخليها هيج تسوي بيه بس هي سبقتني ودخلته للغرفه وسولفتله صدگ وجذب گلتله عساس اني نزلت من السياره وعندي علاقه وياه .. بابا فار دمه واجه دفر الباب وبعدني محاجيه وياه شبعني كتل اول مره يضربني ..
ويگولي لج واني ثاق بيج ومخليج تدرسين تالي تفترين وي الشباب يعني كلام رحمه ذيج المره صحيح ..
كل مااريد ابرر او احجي يسكتني وگال بعد مدرسه ماكو من باجر تبطلين .. اني بسرعه طفرت واتوسل بي وبست رجليه بابا عفيه لا كولشي ولا دراستي مااهتميت للكلام الباطل الي اتهموني بي بگد مااهتميت لان بطلوني ..
اول مره اشوفه هيج حسيت بنفسي صدوگ يتيمه لان گام يصدگ بكلام رحمه ويميل الها وخاصه بعد مجابت اخويه مرتضى لان بقت هوايه تتعالج يالله صار عندها ..وبابا هم تأخر يالله تقربلها فماحملت بسرعه ..

بقيت ابجي بغرفتي واتوسل بالله ياخذني العند ماما وبيبي .. ربي تعبت لتخليني هيج ربي اخذني وريحني
ودخلت نور حضنتني وتبجي ..
نور .. اسى لتبجين ادري بيج بريئه بس مااگدر احجي وي ماما تضربني .. ماما زاد تكبرها وحقدها بعد مااجه اخويه مرتضى حتى اني متحبني مثل قبل ..
شويه ودخلت رحمه شافت نور عندي طردتها .. وگلتلي اذا تردين ترجعين للمدرسه اتنازلي عن المزرعه الي .. واني اخليه يرجعج ..
بقيت افكر بكلامها مستعده اسوي كولشي حتى ترجعني بس تذكرت كلام بيبي من گالت هاي المزرعه امانه عندج مو تفرطين بيها ..
بقيت اتوسل البابا كل يوم بس ماكو فايده ..

عادل .. مر اسبوع واني ماشايفها سألت ابو المحل المقابيلهم گال اسمها اسى ..
اسمها حلو بس حزين وعرفت كولشي عنها بعد مااتحملت رجعت للبيت
لگيت امي گاعده بالصاله سلمت عليها وبوست ايديها وگلتها يمه اريد احجي وياج بموضوع ..
امي .. گول يمه شنو الي مدولبك صارلك كم يوم شايفتك مو ع بعضك ..
عادل .. يمه انتي مو صارلج شگد تلحين عليه حتى اتزوج امي .. اي يمه هاي فرحتي اشوف جهالك ..
عادل .. خلص يمه اني لگيت بنيه بس هي صغيره كولش ومااعرف اذا ينطوها ..
امي .. منو هي يمه العمر مو مهم وثاني شي امها  داعيتلها الي تاخذ شيخ عادل ..
عادل .. يمه البنيه يتيمه بعد شارعين عنا .  بس يمه جنان شلون مااگدر افاتحها تعرفين هي بنت عمي وحبيبتي وخاف اكسر خاطرها ..
امي .. عوف جنان عليه .. اني احاجيها وانت يايمه صبرت عليها هواي عشر سنوات وانت خايف ع مشاعرها وهي اذا تحبك ماترفض ..
عادل .. ماشي يمه بس ع كيفج وياهه واني من ارجع بالليل هم احاجيهه ..#شمس
طلعت ورجعت بالليل لگيت جنان تسوي بالعشا وعيونها وارمات من البجي ..
جريتها وحضنتها ..  جنان تعاي اگعدي يمي اني مستحيل اضلمج فد يوم انتي تبقين حبي الاول والي اخذها. بس عمود الطفل ..
جنان .. لا ياابن عمي الي تشوفه سويه بس اني مااگدر اشوف وحده تشاركني بيك وعمتي گالت صغيره .. يعني راح تاخذ عقلك منك ..
عادل .. افه عليج يابنت عمي اي قابل اني طفل وتاخذ عقلي وحده ..
مااريد اشوف دموعج بعد .. وباجر انتي وامي ترحين تخطبيلياها ..
اسى .. صار اسبوع من بطلوني وكل يوم انام ودموعي ع خدي
وبقيت اقرأ وماهملت دروسي عسى وان بابا يحن عليه ويرجعني ..
وگمت ادعي ع هذا الولد الي بسببه بطلوني .. واندب حظي ..
ثاني يوم العصر اندگت الباب .. واني دااغسل الفراشات بالطارمه ولابسه تراك وشايله شعري عالي ..#شمس
فتحت الباب واشوف اثنين نسوان ووياهن بنيه متوسطه بالعمر بس مرتبات ومبين عليهن الغنى والرقي ..
وطلبن يدخلن ..
#شمس
يتبع…..