#قدري

البارت السابع

البارت السابع ..
#قدري
بقلمي #شمس
رجعناهه البيتهم .. ورجعنا البيتنا اتصلوا عليه يردوني بالديوان .. وصلت اني ورحت للديوان .
من رجعت بالليل لگيت امي منتضرتني واخذتني الغرفتها امي . تعال اگعد يمه عندي شغله وياك لگيت حل الشغله اسى ..
امير .. گولي يمه اكيد طبختيها للسالفه وكملتيها واني لازم اوافق ..
يمه .. انت تشوف جنان ماتريدها واسى تخاف منها وماترجع تخاف ع ابنها ماتشوفني لسا ماگلت الجنان ع الولد هم تضوج وتسوي شي للبنيه ..
احسن شي تخطبها ومن تولد تعقد عليها  ..
امير .. صحت بذهول شنو يمه .. هو هذا الحل الي لگيتيه شلون اخطبها وهي حامل وشتگول عليه الناس ..
امي .. يمه اني ماگتلك اعقد عليها بس خطوبه منا لمن تجيب واسى صغيره وحلوه وماتتعيب وهم تحافظ،ع ابن اخوك وتصير سند اله .. والناس ماعليها لان انت راح تحافظ ع ابن اخوك ..
امير .. بداخلي فرحت من قرار امي وسويت نفسي ماراضي .. بس اخاف اسى ماتوافق ..
گلت الامي .. يمه افكر بالموضوع وارجعلج خبر ..
فكرت يومين وقررت امي تحجي وياهه اول مره واشوف ردها وبعدين احجي وياهه اني…
رديت الخبر الامي وامي ماصدگت للعصر بدلت وراحتلهم

اسى .. العصر اجت عمتي النا ومشتريه ملابس الي وللطفل خطيه خابصه روحهه ..
وگالت عندي موضوع وياج .. حسيت من جيتهه عندها شي ..
فاتحتني عمتي بموضوع الخطوبه مال امير وگالت لاتستعجلين فكري عندج منا للولاده وشوكت ماتوافقين نجي نخطبج رسمي من اهلج ..
هالمره بابا ماتدخل گال القرار الج .. بقيت افكر الليل كوله بكلام عمتي ..
بس اني مااريد اكرر التجربه اريد اكمل واتعين واربي ابني مااريد اشوف الضيم الي شفته واخاف يطلع امير مثل اخوه همجي ومحب الشهواته ..
بس بعدين گولت لا امير واعي ودكتور ودارس بره اكيد يختلف .. اووووف تشوشت افكاري .
حطيت راسي عرالمخده ونمت .. وغفيت واشوف عادل بالحلم اول مره يجيني يبتسم ويتلمس ببطني .. وشكله فرحان ..
فزيت لگيت الاذان ايأذن توضيت وصليت ودعيت ربي يدليني ع الطريق الي يسعدني لان تعذبت بحياتي هوايه ومااريد اكرر الغلط ..

امير .. بقيت كل يوم افكر بأسى امي خلتها ببالي وحسيتها الي .. وخفت يجي احد يلعب بعقلها ويخطبها وهي صغيره وحلوه وتوافق ..
تجرأت واخذت رقمها من امي واتصلت عليها ..

اسى .. كنت گاعده اتباوع ع التلفزيون اني ونور ورضاوي رحمه ماهي طالعه ..
وحسيت ابني يدفر برجله حركته كثرانه ونور تتلمسه وتضحك بهاي الاثناء دگ الموبايل .. 
باوعت رقم غريب .. مارديت
بقى يلح .. رديت الو
امير .. مرحبا اسى شلونج اني امير
اسى .. بقيت مذهوله .. هاا هللو امير
مستغربه من اتصاله ..
امير .. اسف خاف ازعجتج بس حبيت اطمأن عليج شلونهه صحتج ..
اسى .. تسلم ع السؤال .. تمام الحمد لله
امير .. اها الحمد لله ..
اسى اذا فارغه اريد اخذ من وقتج شويه ..
اسى .. بقلق وخوف تفضل
امير .. اسى اكيد امي حاجتج بالموضوع .
اسى .. اي گلتلي بس ..  وقاطعني
امير .. قبل لتردين وتنطين رأيج اريد اسولف وياج ..
لا عبالج اني ردتج غصب عني او عمود الطفل هذا شي ثاني .  بس السبب الرئيسي هو گلبي اختارج من غير مااعرف حتى انتي منو ..
انطي نفسج وقت تعرفيني وتتعرفين عليه يالله تردين لتستعجلين .. اني اريدج تختارين وانتي موافقه 100%

اسى .. حسيت گلبي يركض ..
گالي اسى وينج وياي .
رديت .. بلي .
امير .. اشو سكتي ..
اسى .. امير اول شي انطيني وقت افكر وثانيا احتراما الذكرى عادل مانخطوا اي خطوه الا بعد السنه مالته ..
امير .. هذا شي اكيد
اسى .. امير اني عانيت بحياتي هوايه وحتى زواجي بعادل كان غصب عني رغم هو كبير كولش بالنسبه الي بس گولت عادي يمكن احبه بعد الزواج .
بس ماگدرت لان هو كان يحب جنان فماحسيت بشي ناحيته يعني الي مات بالنسبه الي ابو ابني وبس يعني لو كنت احبه ماكنت افكر اتزوج غيره حتى لو كان اخوه ..
لهذا انطيني فتره مثل ماگلت وبعدين نشوف

امير .. حجي عدل واني اول مشفتج عرفتج مغصوبه لان انتي صغيره بالنسبه العادل ..
المهم خلينا بموضوعنا .. بس شلون حتتعرفين عليه وانتي بعيده . 
اسى .. اني رجوع للبيت مااگدر وخاصه بعد محجيت بيه بس اگدر اجيكم بين فتره وفتره او وقت متكون فارغ وماعندك مسؤليات وهم اشوف عمتي لان تعودت عليها ..
امير .. اوك لعد الجمعه اجي اخذج لبيتنا ..
اسى .. اوك .. غلقت الموبايل وحسيت گلبي يدگ اول مره يصير هيج كلام امير واسلوبه يختلف عن عادل ..
امير .. اسى كانت ماخذه عقلي بنضراتها وهسا حجيت وياهه خبلتني بالزايد ..
#شمس
يتبع… ..