فى حي من احياء الخرطوم (الرياض-شارع المشتل ) فى فيلا كبيره نسمع صوت 👂🏻
لنا ؛؛ يا لنا ؛؛لنا
ايووا يااامامتى ..وجات متزحلقه بالسلم زى الاولاد 😦 (دى مالا دى )
الام :ياابتى بتكبرى متين انتى حركاتك كلها اولاد ومجنونه رسمى وشعبى
البنت: كلام كل يووم 😓اها يامزززه عاااايزه شنو بتكوركى لى
الام: يااارب تصبرنى على محمد ولد دا
البنت : امى احكى لى قصة محمد ولد دى حلفتوووكى 😉
الام :خلينا فى المهم ..ناس مها اختى قاالو جايين بكره من لندن ..وحا ينزلو معانا جنك ده خليوو وعايزاك الليله تساعدينى نجهز ليهم غرف لانو غرفنا البهناك ديك مقفله ومغبره لازم ننضفها ونرتبها ليهم ..
لنا :احلى خبر والله ياااسلام 😍😍 طوولت من خالتو شديد طوولو من السودان ..طيب ياامزتى حا ننضفهم ليهم بس بكرره مااف مدرسه
الام : اصلا انتو خلصتو من المواد وكان يوم غبتى عن المراجعات ما بفرق (ام السرور انتى 😍)
البنت : انا بس مستتيه امتحان الشهاده عشان زهجت من تالته دى 😭
الام : قربتى خلاص ...
النعرفكم على ابطال قصتنا
لنا (بطلتنا): اللهى البنوته الفووق دى ما محتاجين اعرفكم عليها هههههه زوووله ما نصيحه نوووهائى ومجنونه ومسترجله لكن حلاتها سماحة الدنيا عليها وظريفه شديد وبتدخل سريع فى الناس لكن اصلا ما بترضى با لحقااره والبغلط معاها بتورى النجوم فى عز الظهر بتقره فى تالته ثانوى ممتحنه الشهاده السودانيه عمرها 19 وزووله نووهائى ما جااده فى حياتها لكن بالرغم من شغبها ده شاطره شديد واولة المدرسه (غريبه موش )
اسرتها بتتكون من امها اسمها مريم زووله محبوبه وظريفه وصغيره عمرها 35 وروحها شبابيه شديد
ابوها (ابو لنا ) اسمو حااامد زوول جاادى وحنين مع اولادو وبحبهم عندو شركتين للتصدير وشركه للمقاولات
احمد اخو لنا الكبير بدرس صيدله فى الهند ووجيه ووزول جادى عمرو 22 بقره فى سنه تالته جامعه
اوواب 😐 اخو لنا الصغير بدرس فى سنه سابعه اساس ده هو ولنا الشحمه والنار اليوم كلو فى حالة مناقره لكن بعد ده كلو بحبو بعض شديد وما برضو فى بعض ..
يلا نعرفكم بي ناس لندن 😍
النمش عليهم :
الخاله (مهاا):اخت مريم اكبر منها بسنتين متزووجه وعايشه فى لندن ..اتزوجت دكتورها فى الجامعه وساقها هناك زووله فاهمه
نادر:زوج مها جراح كبير فى لندن عندو مستشفى كبير فى لندن زول واعى ومتعلم
ادهم (بطلنا 😍): ولد مهاا الكبير درس طب فى لندن واتخصص جراحة قلب ❤ وشغال فى مستشفى ابو زوول ماشاء الله عليو خلقه وذوق واناقه بس مغرور شديد وما بعجبو العجب 😒 وجادى شاااديد وما بحب الجوطه عمرو 25 سنه ..
وائل : ولد مها التانى اصغر من ادهم بي 3سنين عكس ادهم تمامآ مجنون ومشاكس ما جاادى نووهائى لكن محبوب الجماهير عمرو22 بقره برضو صيدله فى الهند مع احمد ..
لدن:اختهم الصغيره ودلوعتهم عمرها 20 سنه بتقره فى سنه اولى طب اسنان فى لندن زووله كيووت ..
يلا كدا عرفنا ابطالنا ..
يتبع....
