مرت الايااام وناس مها رحلو منهم لكن المفاجأه الحلووه رحلو جنب ناس لنا يعنى جيرانهم طووالى 😍😍 سيد البيت سافر بره السودان وباع بيتو ليهم والبيت ماشاء الله جميل شديد نفس بيت ناس لنا وكدا مريم ومها بقو جنب بعض وما افترقوا من بعض وعملوا كرامه كبيره لى بيتهم الجديد وادهم طبعآ اشتغل فى مستشفى القلب وعزم اصحابو يلا عندو صحبو شديد ومن زمان فى لندن اتلاقو عملو الماجستير سوا وبقو متواصلين مع بعض اسمو ماهر يلا ده هو زاتو الشغلو فى مستشفى القلب المهم جاء فى يوم العزومه دى وصاحب ادهم الروح بالرووح ..نسيت ما اوصفو ليكم 🙊 ولد جنتل ماان وكيووت عندو جرحه فى حاجبو عامله ليو علامه زادت من وسامتو لكن طبعآ من اوسم من ادهم🙈 ...يلا نمش على ناس الكرامه ..
كل الناس قاعدين ناس وفاء وبناتها اخر ظرافه ولطافه 😤 وناس مريم واحمد وراجلها ومعازيم كتيرين
ما عدا لنا ووائل 🙈ما قاعدين بنعرفم مشوو وين
#طبعآ لنا ووائل بقو اصحاب شديد لانهم الاتنين ما جاديين ولنا اى حاجه عاوزاها من السوق بتمش مع وائل لانو احمد اخوها اصلآ ما بباريها بعكس انو كانت نهائى كا بتطيييق ادهم وهو نفس الاحساس🙊
نووور برشاقه شاقت ادهم مشت ليو (طبعآ هى ما عايزه منو شئ بس حبت تفتح معاو موضوع من ماف )
نور (برشاقه): ادهم 😍
ادهم :يا هلا
نور :انت ما عارف وائل وين (عدم الموضوع بعمل كنير😳)
ادهم : وائل مشى مع لنا يعلمها السواقه عشان هى تدخل الجامعه قالت عايزه عربيه😏
وائل : ووائل ذنبو شنو معاها هندا اخوها قاعد هو الاولى
ادهم (ما اهتم بالموضوع كتير ): سووورى عن اذنك اصحابى منتظرنى بهناك(كعععععع جنس احراج لكن 😜)
المشكله ما بتحس ولا عندها دم مشت وقعدت تتظارف مع مها ام ادهم وتتونس مع لدن اخت ادهم ..
يلا وائل ولنا رجعو البيت ووائل الليله وراها الحاجات الفى العربيه واستخدامها لسه ما بدأ معاها مرحلة السواقه وكدا يلا لما تجى بيتهم عندهم بوابه كبيره والبيت بعيد عن البوابه مسافه يلا لنا وشلاقتها حنست وائل انو يخليها تسوق مسافة البوابه لى البيت😂😂😂
لنا :عليك الله ياولى 😉 (زكرتنى بتاع الكافتريا فى جامعتنا بنقول ليو ولى😂😂😂)
ولى (اقصد وائل ): لا لا انا نووووهائى ما قنعان من عربيتى ☺
لنا : عليك الله يااخ 😔
وائل :انتى ما بتعرفى تسوقى لكن ؟
لنا (بكل ثقه ): منوو القال ليك😇 بعرف ..طوالى كنت بشوف ابوى والسواق وعارفه اى شئ فى السواقه
وائل ؛طيب عشان اتاكد تعالى ورنى كيف
لنا :شرحت ليو اى شئ
ووائل (اتطمن يادوب): وخلاها تسوق وفعلآ ساقت
ووائل (فتح الواتس) لقى رسايل كتيره اندمج معاهم
وزلتنا قربت تصل البيت كان فى عربات المعازيم وهى فجأه زادت السرعه يلا قربت على عربيه من العربات الواقفه واتوترت ونست تعمل فرامل طوالى دخلت فى العربيه بورا وطااااااخ 🙉 الصوت سمعو ناس جووه وكلهم جو طالعين بره ...لكن الحمد ما حصل ليها ولا لى وائل شئ
وائل :غلطان انا الخليتك 🙉 العربيه الخبطتيها اتكسرت 😓( طبعآ هو نزل يشوف الحصل لقى عربيتو مخدووشه لكن العربيه الخبطتها كسرت اللمبه البى ورا والعربيه اتطفجت (ما لقيت كلمه اعبر بيها غيرها😂😂) ولنا نزلت :الحمد لله الما حصل لى عربيتك شئ كنت زليتنى بيها😂😂(ماااشاااديده أبدآ)
وائل : اى الحمد لله☺ بس هسه العربيه الخبتيها دى بتكون بتاعت منو
يلا ادهم واصحابو طلعو يشوفو الحصل لقو لنا ووائل واقفين
ادهم :الحصل شنو
وائل : والله كنا داخلين فى المدخل البره لنا حلقت الا تسوووق عربيتى قالت بس مسافة جووه ما بعيده وورتنى كيف تسوق وانا وافقت ليها ولما وصلنا دخلت فى العربيه دى ونست تعمل فرامل
ادهم🙉🙉🙉: لا حولا دى عربية مااهر صاحبى ..وبدأ صوتو يعلى حبه انت لى تسمح ليها تسوق وهى لسه ما اتعلمت كوويسه هى شافعه اى ومجنونه وما نصيحه ودمها بقرى بس انت اعقل منها واكبر وعصب شديد😣 اثناء ما بكورك فى صوت وقفو
الهو ماهر صاحبو
ماهر: ادهم استهدى بالله ..حصل خير وده قدر ماف زوول عندو دخل
ادهم هدأ حبه
وبجاى لنا لأول مره زول يكورك فيها تبكى (على قولو زمان دمها بقرى كان ) وجات اعتذرت لى ماهر ولى ادهم
ادهم ما اشتغل بيهم وطوالى مشى منها
لكن ماهر قال ليها ماف مشكله وما تشتغلى بأدهم ده هو عصبى
ولنا اعتذرت لى وائل
وائل :حصل خير انتى ما غلطانه والله غلطان انا ما كنت منتبه معاك ومركز فى الواتس 😓 اررح نمش جوووه جعانين 🙉
لنا :اى اررح انا ميته من الجوودع
وماهر بجاى شكلو كدا😳😳😳😳😳😳😳😳😳😳
ونحن بجاى شكلنا كدا😳😳😳😳😳😳😳😳😳😳😳😳😳
(الجن بداوه كعبه الاندراوه 🙊)
يتبع...
