يلا لنا وامها والحبشيه جهزو الغرف ورتبوها لى الضيوف ( بالرغم من انهم ناس مرطبين بس احلى حاجه فيهم متواضعين شديد كانو بساعدو الحبشيات فى اى حاجه حتى النضافه ) ناس مها ديل كانو بجو فى الاجازات كلهم ما عدا ادهم ما كان بجى طوالى اظنو شاف السودان مرتين بس ...
مر يوم الليله ونامت لنا ومريم تعبانين شد يد من النضافه..
الصباح اصبح وتلفون حامد اتصل رد عليو لقاهم ناس نادر ومها قالو وصلو فى المطار
حامد صحا مها وقال ليها وصلو وبعملو فى اجرأأت المطار مها سريع سريع قامت وصحت لنا صلو وشربو الشاى سريع ومشو على المطبخ عشان يجهزو الفطور ليهم ..وحامد مشى عليهم واتصل بالسواق بتاع عربية ناس البيت لحقو فى المطار عشان عربيه واحده ما بتشيلهم ...
بجاى لنا ومريم والحبشيات كلهم مشغوولين بجهزو فى الفطور اوواب جاء لى لنا وقال ليها
اواب : ياااريت لو كل السنه ناس خالتو يجو عشان نشووفك فى المطبخ بتساعدى امى
لنا :ابعد من وشى قبل ما اعمل فيك مصيبه
اواب :واذا ما بعدت حا تعملى شنو😏
لنا طووالى لقت جنبها كباية مويه بارده ولا اتلفتت كشحتها فيوو
اواب (لما اتخلع ):وطوالى دمع وقال ماااما شوفى بتك عملت فينى شنو
وامهم ولا فاضيه ليهم ولا شغاله بيهم الشغله مع تجهيز الاكل
ولنا تضحك على منظرو وهو اتحمق
وزعل طلع غرفتو ..بعد شوويه كدا لنا ضميرها أنبها طلعت ليو فوق مشت غرفتو تعتذر ليو دخلت توشك
اوواب :فى اختراع اسمو دقى على الباب (شافع فصيح😂)
خير عاووذه شنو منى تانى 😒
لنا بنبره حزينه :اسفه يا اووبى 😭 وطوالى دمعت انك براك البتخلينى اعمل فيك كدا بحركاتك دى بتنرفزنى
اوواب :بتحنينى يااخ بدموعك ديل الزووول يشووف فصاحتك معاى ما يشوف دمووعك 😞 خير ماف مشكله
وحضنو بعض وطلعت ليو لبسه حلوه عشان يلبسها
وهى مشت تلبس وبجاااى الضيوف جو واستقبلتهم امها وجاء اواب وسألو منها اواب قال ليهم بتجى هسه وهى بهناك ما عارفاهم جوو
لنا جهزت وركبت سماعتها واعلى صوت وشغلت أغنية بتدقاا وتغنى مع الفنانه وجات مزحلقه بحركتها المشهووره فى السلم (طبعآ السلم بتاعهم نصو بفتح فى الهول ونصو عديل بالاختصار لافى البدايه بتاعتو مافى الهول لكن باقيو فى الهوول )يعنى الزول الفوق ما بشوف الهول الا لما يحصل النص التانى يلا عم كانو قاعدين فى الهول وعمتك مركبه السماعات وبدت فى الزحلقانيه وتقوول صعبين اهلى ما تجينى ازعل طرشق اتشقاا بتدقااا ااى اى بتدقاا بأعلى صوت عندها صوتها يجيب الرايح ( متخيلين المنظر معااى )
وهى لما حصلت النص ما حاتقدر تقيف لانو مدحرجه بسرعه ولا اشتغلت بالموضوع واصلت دحرجه لما وصلت وفكت السماااعات وجرت على خالتها خالتووو(قلت ليكم مجنونه رسمى وشعبى) طبعآ كلهم مصدوومين 😳😳 سلمت عليهم كلهم طبعآ وائل ما جاء لانو فى الهند بس جو الام والابو وادهم ولدن ادهم فى سروو بقول دى مالا دى ولدن تشيل وتضحك .. انا زاتى ضحكونى معاهم 😂😂😂..
يتبع...
