مغروري

الجزء 04

يلا الزوول الجاء هوو وائل😍 طبعآ خالتو مها برضو كوركت وجرت على ولدها برضو ما سافر لندن قبل 3 سنه والبيت كلو فرحان بي رجعة وائل واحمد 😃 وطبعآ وائل دخل تووشك فى لنا (شبهينا واتلاقينا) واخر ونسات يلا وائل واحمد وادهم بقو قاعدين فى غرفة احمد لانها كبيره وشايلاهم ولنا ولدن فى غرفة لنا ..طلع ادهم من غرفة احمد لقى اواب قاعد فى السلم وببكى طبعا هم اصحاب شديد ..

ادهم :يابطل مالك بتبكى ☹

اوواب :😭😭😭😭😭😭

ادهم : احكى انا ما صاحبك

اوواب (بصوت بكاء): كلكم قااعدين فى غرفة احمد وخليتونى انا براى ماالكم ما بتجو غرفتى 😭

ادهم :😂😂😂😂 ضحك بأعلى صوتو وقال ليوو ده كل المزعلك ..طيب عندى ليك فكره

اوواب :اها شنو

ادهم :تمش انت زاتك معانا وتكتمل اللمه

اواب :بالجد😍😍😍 ياسلام ..بس احمد خايفو ما يخلينى 😔

ادهم:لا اطمن احمد مستحيل يرفض لى طلب

اوواب :احبوووكااا يااااحلى صاحب 😘😘😘

وجرى ينطط

ادهم انبسط بفرحو وطلع من البيت

.

مرت الايااام وامتحانات لنا جات وبكره اول امتحان ليها وهى ما شاء الله عليها بتراجع بس تقعد حبه كدا فى غرفتها وتجى جاريه ليهم تحت تتونس معاهم وامها كل مره بتشاكلا عشان تمش تقره وهى كان ما ونستهم اصلها ما بتمش واواب بجاى يغيظ فيهاا..

اوواب:غايتو يا امى بتك دى لو جابت خمسين ساى انا بعمل ليها حفله

لنا : مين القال ليك حا اجيب كدا😒

انا لو ما زاعونى يبقى ما اسمى لنا ☺

اوواب بضحكه: جنس ثقه لكن 🙊

وهى ولا اشتغلت بيو ونستهم لما زهجت (لو انا كنت فى محلها بعد كلامو ده طوالى بجرى اقره ) وطلعت قرت شويه ونامت اتخيلو بس انو امتحانها بكره🤔

بكره صحت صلاة الصبح راجعت اخر مره والبيت كلو ما نام متوتر معاها كلهم صحو الصباح ..

مريم :يابتى اوعك تستعجلى وافهمى السؤال اول قبل ما تجاوبى

مها : اى يا لنويه فهم السؤال نصف الاجابه واقرى اية الكرسى قبل الامتحان

لنا :ان شاء الله دعواتكم لى

والترحيل جاها ومشت المدرسه ..

وبجاى امها متوتره واواب بقول ليها امى لنا دى مصيرها الاعاده☹

الام :اسكت ياولد

اواب :غايتو انا وريتكم وحا تقولو اواب قال

الام :طير ياااولد من وشى

ادهم قال لى مريم :خالتو براحه اعصابك لكن كلام اواب صاح☹

مريم طوالى طلعت منهم فووق ..

نمش على المدرسه نسيت ما اعرفكم على صاحبات لنا ..

امنيه وروان صاحباتها الروح بالروح بنوتات كيوت وكلامهم براحه ورايقات ما بعرف مصاحبات لنا كيف🤔 جات لنا سلمت عليهم وهم بقرو قفلت ليهم الكتب وقالت :الصلاه وقت القيامه ما بتنفع

هم قالو زحى مننا كان انتى قاريه نحن ما قارييين

طووالى مشت منهم والامتحان فاضل ليو نص ساعه ومشت على الخاله البتبيع الفطوور واتونست معاها وساعدتها فى تجهيز الفطوور

الخاله:لنا يا بتى انتى عندك امتحان امشى راجعى انا عارفاك كل يوم بتساعدينى بس عاذراك والله عشان امتحاناتك ما تخلينى اشيل زنبك

لنا: ياااخالتو انا لو قريت فى الدقايق الاخيره دى بنسى اى شئ 😓 وهسه لما اساعدك وابعد عن القرايه المعلومات بتركز لى

الخاله :غايتو الله يهديك يابتى عندك اقناعات كدا اصلو ما بتدخل الراس

...

والامتحان زمنو جاء ولنا مشت غرفة الامتحان وما شاء الله عليها اشتغلت كويس راسها اصلو ما رفعتو الا لمن انتهت وانتهت قبل نصف الزمن والبنات الجنبها يتلفتن ساى وهى اصلآ خلصت وما ممكن تجمع الورقه الا لمن يجى نصف الزمن طوالى ورت البنات الجنبها اى حاجه وقفت ليهم (ما بشر والله😂)وبعد نصف الزمن جاء جمعت الورقه ..ومررت الايام وانتهت امتحانات الشهاده وامها وناس خالتها كلهم قالو لنا ما حا تنجح لانها ما بتقره نهائى 😔 وفاقدين الامل فيها وهى ولا هاميها 😂😂..

يلا فى يوم ادهم كان خاتى تلفونو فى الشاحن وجنبو كان فى جك مويه ولنا جات كبت مويه منو وجات تختو اتكشح فى تلفون ادهم لنا اول مره تخاف وقلبها بدأ يدق لانو هو طوالى بتعصب فيها قالت حا يقتلنى الليله واثناء ما هى بتفكر كدا جاء ادهم ولقى تلفونو مليان موويه وقال ليها انت قصتك معاى شنو عارفاك قاصده تكشحى المويه دى نظام بتهظرى وكدا لكن انا واحد من الناس بكره الحركات دى وشال تلفونو ومشى منها وخلاها واقفه براها فجأه دمعت عيونها وجرت على غرفتها وكرهههت ادهم المره دى من جووه قلبها وهى بتكرره الناس البعصبو فيها وبتخاف من الكوراك شديد وهوو زاتو بقى ما طايقها ...

يتبع....