يلا ناس مها خالة لنا السودان عجبهم ولقوا احسن من لندن بى كتيير فقرر نادر زوجها انو يصفى شغلو فى لندن ويفتح ليو مستشفى هنا فى السودان فقرر يسافر عشان يدير شغلو بنفسو فساافر ..طبعآ طيلة الفتره دى لنا وادهم اصلهم ما بطيقو بعض لما سافر نادر لندن أدهم جاء على ناس امو وخالتو قال ليهم..
ادهم :يا خالتو مدام ابووى قرر ينقل شغلو هنا السودان انا فى الفتره دى اشتغلت فى مستشفى وانتو نهائى كا قصرتو معانا واتونسنا معاكم مدام حا نعيش فى السودان يبقى لازم نحن نشوف لينا بيت برانا
مريم: يااولدى حا تزعلنى منك اقعدو معانا بيتنا كبير وواسع بشيلنا كلنا كفايه انكم مليتو علينا البيت وونستونا
ادهم : انا حا افتش لى الليله شقه نقعد فيها مؤقتآ مسافة ابووى يجى ونشترى بيت
مريم (ببكاء):ياولدى فى زول زعلكم من اولادى كلامك ده زى الزعلان
ادهم:لا والله ياخالتو ماف زعل بس نحن تقلنا عليكم
مريم :يخسى عليك ما تقول كدا ..طيب خلاص مدام مصرين على انكم تشترو بيت ما تمشو تأجرو شقه اقعدو معانا مسافة ما ابوكم يرجع وبعد يرجع بالسلامه شوفو ليكم بيت جنبنا 😭
اوواب (بصووت بكاء):لا ما تمشو تخلونا 😭😭😭انا بحبكم واللله
لدن (اخت ادهم الصغيره ): انا زاتى ما عايزه امش منكم وما حا اخلى لنا اختى وحبيبتى😭😭😭
لنا (بدمووع ):خالتو عشان خاطرى ما ترحلو مننا اقعدو معانا كفايه انى فى الفتره دى لقيت اخت 😭😭
مها:والله يابتى ما بيدى لكن خلاص حا نقعد معاكم لما نادر يرجع من السفر😍😍😍
لنا :ياسلام ياااخ
اوواب :يسسس ..👏
يلا فى يوم ناس مريم ام لنا جوهم ناس اختهم اسمها وفاء كانت فى قطر فما جات على مها تسلم عليها لانها كانت ماف هى وبناتها مشوا يتفسحوا فى قطر ...يلا طبعآ وفاء دى ما زى مريم ومها مره مغروروه ومتعجرفه ومدلعه بناتها اكبر بت ليها دلووعه شديد ومفلهمه شديد اسمها نور بتقره تمريض فى جامعة مأمون حميده 😍(حال السرور) والبت الاصغر منها اسمها نهى برضو نفس الطينه دى بتقره فى الرباط اشعه يلا فى اليوم داك جوو مع امهم لى ناس خالتهم عشان سمعو بأدهم ووائل قاعدين طبعآ الكبيره متعشمه فى ادهم والصغيره فى وائل 😂 (خطرات ) وناس لنا واحمد واواب اصلهم ما بريدوهم وبالاخص اواب بتفاصح معاهم طوالى 😂😂(شكيتك )..
يلا هم كانو قاعدين فى الهول جاء ادهم نازل طبعآ زوولتنا نوور انبرشت فيوو 😍 وامها اتكلمت براها والله مناسبين مع بعض🤔 جاء سلم عليهم واتونس حبه معاهم نوور حلفت ما تزح عينها منو وتخافف وهو ولا شاف شكلها اصلآ كان مركز مع تلفونو(عجبنى وسره بالى 😕) يلا لنا جات تسلم عليهم طوالى هو قااام (الشحمه والنار😂😂) نور مع نفسها بتقول (الله يقطعك ي لنا من ماجاء قام اصلك منحوسه من يومك ) ولنا ولا ركزت معاو اصلآ اتونست مع خالتها (طبعآ عاملات بناتها مشغولات بتلفوناتهم ما اتونسو معاها ) ...الذ مافى الموضوع وفاء خالة لنا بتتكلم مع مها وتحنس فيها انو الليله يمشو معاهم يقعدو كم يوم وكذلك بناتها يتظارفن ياخالتو ارح معانا😊 ناس خالتو مريم بيتهم ما كبير زينا بيتنا اكبر بشيلنا كلنا (البلاء اليخمكن) فى نفس اللحظه اواب سمع الكلام طوالى جاء عليهم منو القال ليكم بيتنا صغير انتو بتحنسو فيهم كدا مالكم اصلكم ما بتحبو زول يجيكم اشمعنا ناس خالتو مها 😏 وبعدين انتو بنات ما عندكم ولد بترضو يقعدو معاكم اولاد خالتكم 😏 لو انتو بترضو ادهم ووائل ما برضو بكدا (👏👏👏عسسسسسل واللهييييي عسل😘 تم قصف الجبهه)
لنا طوالى فقعتها ضحكه غلبها (ما شااااديده نووهائى) وطبعآ نور ونهى ما فضل ليهم الا يخنقو اواب ويرتاحو منوو طوالى قالو لى امهم ارح نمش ..مريم جات:الغداء جاهز ارح على السفره
نور:لا متشكرين ما عايزين منكم حاجه 😏(اجى يا بنات امى)
مريم (باستغراب هى ما كانت حاضره الفلم الهندى ده ): مالك يا نوور حبيبتى ما بتحبو اكلنا
طوالى نهى قالت: لما تربى ولدك ده بعداك بنحب اكلك 😏
ووفاء امهم ولا شاكلتهم على اسلوبهم ده مع خالتهه قالت ليهم يلا يا بنات نمش نأكل فى بيتنا 👏 ومشو بيتهم والكل بحاى مندهش فى البحصل ده ..
#كسره - اسوأ حااجه لما يكون فى بت او ولد بتكلمو بإسلوب ما حلو مع الاكبر منهم وامهم تكون واقفه معاهم ومأيداهم على الحاجه دى 😤
حاجه شينه شديد لانو الام دى لو ما وجهت اولادها وورتهم الغلط من الصاح عمرهم ما حيعرفو الصاح وحا يفضلو يغلطو لما يغلطو فيها هى زاتها وما يحترموها يااريت كل الامهات مايكونو زى وفاء 🙂
يتبع....
