مرت الايااام والليله يوم نتيجة لنا والناس على اعصابها وهى على قول ادهم دمها بقرى
مريم : ياالنا 📢📢لنا
لنا (جات نازله مزحلقه بحركتها المعتاده ): ايوووا ياااامى
مريم: يابت انتى ما عارفه الليله نتيجتك 😳ولا هاميك الموضوع
تعالى رسلى رقم الجلوس لى ناس سودانى عشان المؤتمر بدأ
لنا :طيب ياااامى
الحبشيه :ماما لنا شاطره حاتجيب شئ حلو 😍
مريم :ان شاء الله 🙌
بعد شوويه البيت اتملأ جاء ابو لنا ومها ووائل ولدن ونادر ما ادهم كان عندو عمليه بجى بعد العمليه وواولاد عمها
كلهم بحضرو فى المؤتمر ..عايزين يشوفو هل بزيعو لنا وله لا ...
والمؤتمر قرب يخلص حصلو 90 مشترك ولسه ماف جديد لا لنا زاعوها ولا الرساله جات 😓 بعد خلص المؤتمر مريم اتوترت وقالت ما حتنجح لى انا بعرف😭😭😭
واواب قال لى اموو اى يا امى انا كلمتك قلت ليك ما حتنجح احسن سجلو ليها ساااى فى مدرسه عشان تعيد(شافع سليط😂)
مها :يااا ولد فال الله ولا فالك حاتنجح ان شاء الله
يلا نمش لى لنا 😍
اتخيلو بس لنا مشت لى كديستها😂
لنا :نانى الليله النتيجه يااربى حأنجح 😞
نانى :مياااو مياوو🐱
لنا: انا ما مظهره لى ناس البيت انى خايفه لكن والله خايفه😭😭😭😭😭
اثناء ما لنا قاعده مع الكديسه سمعت صوت زغاريت 😍 اتخلعت 😳😳😳طوالى مشت عليهم ..
# يلا فى مسافة لنا قاعده مع كديستها فى المسافه دى جاء ادهم بهناك 😍 وهو على قناعه انها ما حاتنجح بس جاء اداء واجب ساى
حضنتها امهااا وقعدت تبكى وقالت ليها رفعتى رأسنا ياابتى 😘😘😘😘 اصلى ما كنت متخيلاك حا تجيبى كداا 😍
بعد شويه جات خالتها مها برضو حضنتها وباركت ليها وكلهم جو ياركو ليها يلا وهى وشها عامل كدا😳 اتخيلو منظر زول اهلو يباركو ليو وهو لقايت هسه ما عارف جاب كم😂😂😂😂 بعد ما الجميع بارك ليها ..
لنا قالت ليهم بالمناسبه أنا جبت كم 🤔لقايت هسه ما وريتونى ؟؟؟؟
الناس القاعدين فى البيت كلهم ضحكو على منظرها 😂😂😂💔ووقفتها وعيونها المنططه
قام اواب قال مااضرورى تعرفى جبتى كم المهم نجحتى
طبعآ لنا اعصابها باظت 😔 واتحرقت من اواب ولا اتلفت لقت ليها كوباية عصير فى الطربيزه طوووالى كشحتها فيووو 👏👏
واتخيلو الضيوف قاعدين ويعاينو ليهم كدا😳
مريم :ياااا اولادى انتو حاتجننونى 😓😓😓ده شنو العملتو ده
لنا بدموع 😭😭امى انا اعصابى باظت جبت كم😞
وتانى ناس البيت زغرتوو 😂😂😂😂من ما جابت ليهم سيرة جبت كم ..وهى قربت تجن
لكن فى الوقت المناااسب ادهم قال ليها
ادهم : جبتى 92،7 الف مبروووك يالنا 😍😍( ماااا بعرف اول مره يعمل حاجه حلوه مع لنا )
لنا طبعآ اتصدمت وهى كانت ماا متوقعه لى نفسها كدا وفرحت شديد 😍😍😍😍😍وقالت الحمد للله يااارب ومشت اتوضت وصلت ركعتين لله
#كسره بالرغم من انو لنا مجنونه شديد لكن عندها جوانب حلوه هسه زى الجانب الفوق ده 👆👆 وما شاء الله عليها هى محافظه على صلاتها 😍😍بس الله يهديها فى جنها ده 😂
يلا فى المسافه دى اى زول قال ما جبنا ليها هديه عشان قلنا ما بتنجح😂😂😂😂( بالغتو معاها لكن ) واى زول طلع عشان يجيب ليها هديه ( عائله كلها مجنوونه 😂)
..
يلا اوواب مشى لى لنا ..
اواب:الف مبروووك يالنويتى😘😘مع انو اصلو ما كنت خااتى ليك النجاح🤔شكلك غشيتى 😏( غاااايتو لازم يناقرها😂)
لنا : رفعت المسنده عايزه تخبتو بيها بس بسرعه شديده اووواب طلع وجرى جرى شديد😂😂😂😂😂😂😂😂وهى جرت بوراو💔💔💔💔💔💔💔💔💔 واامهم تعاين ليهم وقالت حايجلوطونى الثنائى ديل 😭😭😭😭😭😭
والحبشيه تضحك على منظرهم 😂😂😂😂😂😂😂😂💔
بالمساء اى زول كان الصباح جاء وجاب معاو هديتو 💔💔💔💔لكن احلى هديه فرحت لنا هديه امها وابوووها 😍😍 امها جابت ليها ايفووون 7 وابوووها جاب ليها عربيه 😍😍😍😍😍( حظها 😭 اريتو حالنا )
وخالتها مها جابت ليها لابتوب رهيييب 😍😍 واحمد اخووها جاب ليها دبدبووب كبييير حلو شديد ووائل جااب ليها تذاكر بتاعت فيلم اكشن طلع جديد عشان يمشوو بعدين السينما ..وادهم جاب ليها 😍😍😍 كرتونة كيت كات وسنيكرز وبوبلى ❤❤❤الحب ياااخ وبالاضااافه لى لبسه حلووه شديد( بنطلون وتشيرات حلوات شديد ومعاهم طرحه ) ومعااها ساااعه رووعه (ناس البيت كلهم اتخلعو فى هديتو حتى لنا ما كانت متوقعه منو كداا😳)
يلا النوريكم اوااااب هديتو شنووو😂😂😂💔💔 جاب ليها نانى وقال ليها
اواب :يااامزززه انتى قايلانى مااا عارف بموضوع نامى الداساها مننا فى المخزن بووورا انا اواب والاجر على الله😒
لنا اعصابها باظت تانى وخافت من امها وابوها يجدعوها تانى فى الشارع 😭وطوالى دمعت
اواب : 😂😂😂ما تبكى يااهبله انا اقنعت امى وابوى انك تدخليها البيت وتربيها معاك
لنا :بالجد 😍😍😍
اوواب : انا ياتو بقول شئ كضب😏( عسسل اووواب 😂)
مريم : وقت انتى عايزها ومربياها قلنا ماف داعى نمنعك اصلك عنيده من يومك
ولنا طبعآ فرحت شديد وحضنت اواب وقالت ليو احلى هديه والله ما اتوقعت منك كدا😍😍😍😘😘😘😘😘
يتبع....
