بسام بصياح: حاولي تفهميني .. قلت لك مشغول ذي الايام ومارح اقدر اتصل عليك..
رزان : وش ذا الشغل الي يلهيك عني .. انت تغيرت بعد وفاة امك وابوك .. وخصوصا ذي اليومين ما كلفت نفسك ترفع سماعة التلفون وتسأل عني..
بسام : لا حول ولا قوة الا بالله .. لي ساعه افهمك اني مشغول زياده .. حتى اني ما ارجع للبيت الا وقت النوم .. وما اجلس انا واخواني .. ويكون بمعلومه اذا ماخلصت شغل لوقت العرس بأجله .. فاهمه
رزان : اها قل كذه من اولها .. يعني انشغالك عني عشان تأجل الزواج .. وبعدها تلغيه تماما .. الله العالم من اخذتك مني .. اعترف من الي تحبها. .
بسام : استغفر الله العظيم.. انتي هبلا ما تفهمين .. قلت لك مشغول .. تبين تصدقين صدقي ما تبين كيفك .. ناس مافي براسها مخ ولا تفكير ... لا تكبري راسك وقدري ظروفي.. اذا ما قدرتيني الحين متى بتقدريني ..
رزان بدلع وحزن : ادري .. انت عمرك ما كلمتني بالطريقه ذي .. اكيد هي غيرتك .. اعترف لي ما رح ازعل .. قل لي انك ما تبيني .. بسام .. من ذي الي خذت عقلك ..
بسام : تدرين .. انا الغلطان اني قاعد اكلمك واشرح لك .. بس انتي ما تفهمين ولا رح تفهمين .. مع السلامه .. لا رجع لك عقلك كلميني .. وسكر الخط بوجهها .. وراح بيبي ينام .. بس كان مقهور مره من زران .. لأنها ما حاولت تفهمه ولا تقدر ظروفه .. ظل يتقلب بالسرير... وما نام الا الساعه 2 ..
اما رزان ضلت تبكي وتصيح .. والي ببالها انه مشغول بوحده غيرها .. وضلت تتوعد فيه وانها رح تفضحه قدام كل الي تعرفهم..
في منزل سعد
ابتسام قاعده مع هند في الصاله ..
ابتسام : ليه اشوفك سراحنه كذه .. فيك شي .. كلميني وانا اختك..
هند : ها .. لا مافي شي ..
ابتسام وتطالع ال T. V. على راحتك .. انا قلت يمكن متضايقه من شي وابي اريحك .. المهم ما علينا .. تدرين والله ودي اروح بيت عمي سعيد .. آااااه لو تدرين قد ايش انا مشتاقه ل ميعاد .. وش رايك نروح لهم اليوم.
هند نقزت من مكانها كأن أحد لسعها .. : لا مهو بضروري نروح .. تلاقينهم مشغولين او شي ..
ابتسام : بسم الله الرحمن الرحيم .. وش في نقزتي كأني حرقتك .. وبعدين ما فيهم شي .. انا بتصل عليها واشوف اذا فاضيه او لا ....
هند. تحاول تصرفها : لا .. اقولك مو وقته اليوم .. يوم ثاني ..
