انوار بصياح ودموعها تنزل : مو مصدقه الي اسمعه .. انت متأكد ياعمي والا تبي الموضوع يهدا..
سعد : اي .. هذي هي الحقيقه .. بس انتي وتهورك سويتي الي سويتيه بدون ما تتأكدين من اي شي ..
بسام : والحين ميعاد كيف بتعرف الحقيقه .. وكيف بنلقاها..
سعد : انا بقول لكم .. وناظر انوار وهي قاعده تبكي وقال لها .. وش فايدة البكى الحين .. اقول مسحي دموعك واسمعي الي بقوله .. وخلي هذا درس لك في حياتك ما تنسيه .. وكمل كلامه لبسام .. انت مو قلت لي انها فتحت جوالها..
بسام : اي يا عمي قبل يومين وصلوا تقارير الرسايل ..
سعد : حلو .. نقدر نشوف محلها من خلال جوالها ..
وهم بذي اللحظه يرن جوال بسام ..
بدر : يمه من ذي الي في المطبخ وقاعده تتعشى .. .
ام بدر بغيض : وش تبي منها . ..
بدر بإبتسامه كلها شر : يمه دخلت مزاجي . .. ودي ياها .. .
ام بدر : ههههههه . .. هاذي وحده خذيتها من الشارع . .. لقيتها قلت اسوي فيها اجر . .. واذا تبيها خذها لك وسوي فيها الي تبي ( وغمزت له )
بدر : فديتك يا احلى ام . .. بس اسمها وشو
ام بدر : ميعادوه . .. الله لا يعطيها العافيه . .. ترا يا ولدي هي تعبتني حيل وودي ياك تنتقم منها .. . والحين بروح اخذها غرفتها واسكر عليها قبل لا تهرب . ..
بسام والفرح باين في عيونه ومو عارف وش يسوي من الفرحه واخيرا نطق : عمي ميعاد قاعده تتصل . .. وش اسوي
سعد : رد عليها قبل ما تسكر الخط . .. بسرعه
خذت ام بدر ميعاد غرفتها بعد ما مشوا الضيوف وسكرت عليها الباب... وميعاد وقتها كان جوالها معاها. . راحت ركض عشان تشحن الجوال .. وما قدرت تنتظر كثير لين يشتحن .. شغلت جوالها واتصلت على بسام بسرعه قبل ما احد يكتشفها .. .. واخيرا رد عليها بسام وهي على طول ما قدر تمسك دموعها وقعدت تبكي ..
